กำลังแสดงผล 1 ถึง 5 จากทั้งหมด 5

ผู้เฒ่า สารพัดผู้เฒ่าที่อาจจะตรงกับคนใกล้ตัวของคุณบ้าง

  1. #1
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552

    ผู้เฒ่า สารพัดผู้เฒ่าที่อาจจะตรงกับคนใกล้ตัวของคุณบ้าง

    คันแม่นผู้เฒ่าบ่เข้าวัดฟังธรรม
    เขาสินินทาท้วงติเตียนทั้งโลก
    เขาสิว่าเฒ่าแก่แดดบ่เหลียวเบิ่งทางตม
    เขาสิว่าเฒ่าแข้วว้ำบ่เหลียวเบิ่งทางธรรม
    เขาสิกำดินพึกใส่โฮยนำหน้า
    เขาสิสับโขกเว้าคนเฒ่าบ่ดี
    เขาสิว่าเฒ่าแก่ลมบ่เหลียวเบิ่งทางหน้า
    เขาสิบ่ยำแยงนบท่อใยยองน้อย
    เถ้าแก่แล้วหลงโลบเมียสาว
    เถ้าซู้หลู้นอนส้วมนำเมีย
    เถ้ามักป้อยเอิ้นห่าเอิ้นหูง
    เถ้าฮ้างบ้านหาห่างหามี
    เถ้าว้ำเว้าตึกช้อนตึกแห
    เถ้าคนใบ้ฮักเพิ่นชังโต
    เถ้าอุดอู้หาสร้างแต่เวร
    เถ้าย่านลื่นการไฮ่การสวน
    เถ้าเก่งกล้าศีลห้าบ่มี
    เถ้าใจบ้าฮักแต่ลูกหลาน
    เถ้าเค้าเม้านั่งเฝ้าแต่เฮือน
    เถ้าเห็นใกล้ภายหน้าบ่เหลียว
    เถ้าหัวขาวมักเฝือนหาชู้
    เถ้าซำเซียนำสาวส่ำน้อย
    เถ้าหัวสูงศีลทานบ่สร้าง
    เถ้าอัปรีย์ฆ่าสัตว์กินเหล้า
    เถ้าตาแฉะวางหลานบ่ได้
    เถ้าโมโหความตายบ่ฮู้
    เถ้าทำเข็ญสอนแต่ผู้อื่น
    เถ้าชักชวนลูกหลานไปค้า
    เถ้าบ่ดีวันศีลเข้าป่า
    เถ้าใจมารบุญโตบ่เว้า
    เถ้าบิดเบือนฟังธรรมบ่ได้
    เถ้าคันเคียวสามซาวว่าหนุ่ม

    แนวคนเถ้าใจเบาเคียดง่าย
    ลางเถ้าพุมพุมป้อยกลางคืนแต่ก่อนไก่
    ลางเถ้าพาโลล้นโลภาโลบล่าย
    ลางเถ้าเป็นคนหัวขาวจ่อนพ่อน
    ลางเถ้าเฮฮนดิ้นคือกะบวนสาวบ่าว
    ลางเถ้าตีงโตได้ไปมาดิ้นด่าวด่าว
    ลางเถ้าหัวขาวแล้วเอวกะแงนดากกะแอ่น
    ลางเถ้าโสดาดิ้นหลงหลายเป็นตาหน่าย
    ลางเถ้าเป็นคนเถ้าเอาแต่หลานไล่แต่ไก่
    ลางเถ้าหลงลืมเถ้ามัวเมาว่ายังหนุ่ม
    ลางเถ้าโมโหฮ้ายเหลือหลายตั้งแต่จ่ม
    ลางเถ้าวาจาต้านคำใดตั้งแต่ด่า
    ลางเถ้าเป็นคนเถ้ากินกลอยป้อยเก่ง
    ลางเถ้าเป็นคนช้าทำการบ่ทันเพิ่น
    ลางเถ้าเป็นคนเถ้าศีลธรรมบ่ได้ฮ่ำ
    ลางคนเป็นคนเถ้าหัวขาวจนปากฟ่าว
    ใจดีท่อหมากฝ้ายใจฮ้ายท่อหมากตูม
    เอาแต่ความขี้ฮ้ายมาให้ลูกหลาน
    กินหลายกะด่าป้อยกินน้อยกะใส่เวร
    ยังเล่าเลาะห่อนเหล้นเชิงชู้สวากเสน่ห์
    กระดูกชิเข้าหม้อบ่ทันฮู้เมื่อคีง
    ตาขุ่นปานน้ำเข้ากุมเว้าดั่งบ่าวสาว
    ยังเล่าแหะแห่นแหล้นหลงเต้นบ่เบิ่งโต
    ลูกหลานห้าฮ่มไม้ใจเจ้าเถ้าบ่เป็น
    วัดวาบ่เข้าใกล้หันหน้าเข้าแต่ดง
    แยงแว่นหัวยุ้มยุ้มกุมเอ้ตั้งแต่โต
    บ่ทันคึดถี่ถ้วนกุมต้มตั้งแต่หลาน
    หน้าบ่ทันได้ล้างกุมป้อยตั้งแต่หลาน
    กินบอนปากแฮ่งฮ้อนดีฮ้ายบ่ฮ่ำเพิง
    บาดว่ายามเข้าส้วมแนวนั้นผัดลื่นเขา
    คลำแต่ใต้ท้องน้อยศีลห้าบ่คนิง
    ศีลธรรมบ่ได้เว้าเทียวเข้าตั้งแต่สวน

  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ฮ้วย มาเอาตั้งแต่แนวบ่ดีมาโฮมท้อนใส่ผู้เฒ่าแท้บูและ ท่านเอ้ย

  3. #3
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552
    ท่านโป้ยก่ายสงสัยสิอยู่ในข่าย::)::)::)

  4. #4
    แบ่งปันความรู้และประสบการณ์ สัญลักษณ์ของ นวรัตน์
    วันที่สมัคร
    Feb 2008
    กระทู้
    785

    ความเยือกเย็น

    โอ๊ยบั่นนี่คือสิคักแท่
    ข่อยคือสิถืกหลายเฒ่าแท่

  5. #5
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552
    รับเอาไปหลายๆโลดท่าน


Tags for this Thread