ตั๋วให้คิดฮอด

[โป้ยก่าย]

นี้หละน้อใจคนนีบ่มีความสัตย์ซื้อ
สังบ่คือคำปากเว้าให้หลงเฝ้าห่วงหา
เสียแฮงฮักท้อฟ้าเลยเสียท่าเหมิดความหวัง
ให้เพพังเสียศูนเลยขาดทุนเสียแต้ม
แนมหาคำจริงแท้ผัดแวไปทางบ่แม่น
ได้แต่ความอั่งแค้นเจ้าแปปี้นเปลี่ยนไป
เหมิดความหวังว่าสิได้เสียแฮงใจคิดตั้งต่อ
ใจคนงอคตโค้งหลงความเว้าพออุ่นใจ
ตัดหนทางที่สร้างไว้บ่ไห้ไต่เทียวหา
พอปานหนองบ่มีปลาซ่ำว่านาบ่มีน้ำ
มีแต่ซามบ่มีถ้วยมีคันบวยบ่มีโอ่ง
ซ่างเฮ็ดลงบ่คิดพ้อคำเคยเว้าว่าต่อกัน นางเอ้ย

[นวรัตน์]

ตั๋วให้คิดฮอด

อ้ายคงบ่ฮักน้องอย่างจริงใจ สิ่งเว่ากันไว้ถึงบ่มีค่า ทุกอย่างแค่หยอก
เบิ่งออกดอกหน้า ซึ้งเมื่อเจอหน้า ลับตาก็เหมือนลืมกัน
ป้อนสิ่งคำหวานค้างในความจำ ล่อใจถลำหลงตามคำมั่น อ้ายสิสั่นบ่
ที่ว่าฮักกัน ตั๋วไปวันๆฮักมั่นบ่มี แม่นบ่
เจ็บย้อนรอ น้องต้องทำใจ จนน้ำตาซึม พอใกล้ซิลืม อ้ายกลับหวนมา
ต่อ เทียวมาเว้าหยอก คึดออด ฮู้บ่ ตั๋วให้คิดต่อ จั๊กหน่อยก็หรอยลา
ไกล
แบบนี้หล่ะเน๊าะคนบ่จริงจัง ชอบหว่านความหวังแล้ววางง่ายๆ อ้ายจบ
น้องเจ็บ ย้อนลืมบ่ไหว ถ้าบ่จริงใจตั๋วให้คิดฮอดเฮ็ดหยัง

อย่าว่ากันเด้อเอาเนื้อเพลงต่ายมา

[พล พระยาแล]

ผู้ใด๋คือใจดำ เฮ็ดให่มหาการเลาช้ำใจปานนี้น้อ...ซังคนขี่ตัวะ ซังคนขี่ตัวะ::)

[โป้ยก่าย]

ดีแล้วหละอาวเจ้าเอาเนื้อเพลงมาประกอบ คือสิบ่มีลิขสิทธิ์ตี้เนาะ

ซังคนตั๋วให้คิดฮอดเนาะพ่อใหญ่เฒ่า ข้อยสิบ่เซื่อใจไผอีกดอก
นอกจากพ่อใหญ่เฒ่าคนเดียว อย่าตั๋วกันเด้อ..............อิอิ

[ศรีสะท้าน]

มหาเอ๊ย อันว่าโลกากว้างคนลวงหากมีมาก
มีหลายหลากลื่นล้นคนนั้นหากต่างใจ
มีสาไถลคือไฟกล้ามายาลวงโลก
เหตุแห่งโศรกตื่มซ้ำตำต้องหย่องมะโน
โตต้องปลงใจด้วยอุบายธรรมอันประเสริฐ
หาเหตุเกิดแห่งเค้าเอามาแก้ก่อนการ
อภัยทานนำมาใช้ทำใจอย่าอาฆาต
ความผิดพลาดจงฮับฮู้เป็นครูไว้ได้บอกสอน

[sompoi]

ยินดี โอ้ะ เสียใจนำอ้ายฮักเด้ะเนาะ ..มันเป้นตาตายพุ่นเด้ะเนาะอ้าย ยามผิดหวังมานิ ซั่นล่ะเป็นแต่มักขทายกเนาะ อยู่แต่วัด บ่ทันโลกเขาเนาะ..

[ศรีสะท้าน]

สิยินดีกะตามถ่อนบ่ออนซอนกะตามซ่าง
ซุมวาจาอำพรางตั๋วผู้นั้นหลอกผู้นี้ซุมผาบี้ฮ่าตำ
ความปากสำสับส่อสอพลอเว้าหมื่น
วาจาไหลหล่วยลื่นปลาไหลล้วยกะบ่อปาน
ปากสังหารใจฆ่าจนมหาเลาหลงเซื่อ
บาดฮ่าเลากลับเมือหาผู้ออยออดเว้านำเถ่ากะบ่มี เหอ ๆ ๆ

ปล. คือได้ยินข่าวว่าไห้นำผู้สาวว่าติเพิ่น ไห้นำเขาหรือว่าไห้ย้อนเมาเมือบ้านบ่อถืก

[โป้ยก่าย]

ไทบ้านเพิ่นกะซ่าว่าเฮาให้นำผู้สาวหั่นหละท่าน
แต่ความจริงแล้วบ่แม่นดอกเด้อหมอ แต่ว่าประเด็นหลัง
ที่โตเว้านี่คือสิแม่นอยู่ เมาหลายเมือบ้านบ่ถูกเลยแวะ
ไปนอนเฮือนน้องซาย อยู่แถวซอยวิภาวดี ถ.ลาดพร้าว อิอิ

[sompoi]

เอ๋า อ้ายศรีมะเว่าไปทั่วแท่ะน้อบาดนิ เล้าไห้นำผุสาววะติ้อ้าย ..ตะหน่ายแท่ะสาวด๋าย..คึดพ้อตอนเฮาหนีจอบอ้ายโจ่โล่ ไปเที่ยวคาราโอเกะ(ผุสาวน่อย) สามคนเฮาเนาะอ้าย ยามไปกินเข่าซวนเล้า บัดหนีไปเที่ยวสาว จอบไปวะนิ ฮ่าๆๆ ..คืนเดียวหลาบเลยเพิ่น ..ผุนึงหลงสาว ผุนึงคาแต่เมาเหล้า..อุบอิบๆๆๆ..คันปากก.เอิ้กๆๆ

[ศรีสะท้าน]

เพิ่นหลงสาวขายก้อยอยู่ปากซอยเทเวศน์
เลาซ่างเฮ็ดกะด้อสาวนั้นกะซ่างทำ
เพิ่นฮอดจำสายสร่อยหลอยเงินเมียพู้นมาตื่ม
ให้เขายืมไปเปิดร้านนานแล้วได้เคิ่งปี
เขาเลยหนีไปจ้อยบ่เห็นฮอยมิดอิ่มสิ่ม
ถามสาวติ๋มร้านข้างๆมีพ่อฮ้างมานั่งเฟือ พะนะ
เลยบ่เหลือฮอดสายสร้อยเหงาหงอยสาวตั๋วเพิ่น
นั่งกินเหล้าอยู่เดิ่นเมาผู้เดียวส่ำบ้า มหาเอ้ยจั่งแม่นเวร อิ อิ อิ

...สมอยู่ดอก เฮ็ดหยังบ่ฮู้จักปรึกษาหมู่พวกน้องพี่หลาย หิ ๆ ๆ...