บัดนี้ศรีสิพรรณาต้านกลอนขานไขกล่าว
เถิงผู้สาวแค่วคุ้มซุมกว้างข่วงมหา
เป็นจังได๋นอน้องหล่าสาวส่าเมืองอุบล
บ่อเห็นดนแล้วนอนางคือห่างเหินกะเทินแท้
ถามสาวติ๋มทั้งสาวแหล่ผู้เนาแจประเทศต่าง
สำบายดีอยู่บ้างหรือได๋แท้แหน่นอ
งอมาทางเขตก้ำสาวน้ำก่ำเมืองกาสิน
คือได้ยินว่าอุกหลายเกือบแม่นตายนำหาแย้
สาวดังแปผู้เคยอ้อนเมืองอุดรน้องส้มป่อย
ข่าวว่าเมาบ่อค่อยเทลงปานไฮ่บั้งซังเด้หน่ายคน
สาวจงกลนีน้อยเสียงสำออยมาหายห่าง
หรือแม่นบ่าวพ่อฮ้างมาเว้ากล่าวขอ
เป็นได๋นอสาวปุ้ยคือบ่อสุยมาใกล้แหน่
สังเฮ็ดหน้าแพ้แว้ยืนยิ้มอยู่ไกล
สาวผู้ไคนางหล่าสาวบ้านนาแก้มจ่ายหว่าย
บัดส่งรูปมาให้อ้ายเบิ่งเพิ่นเบิดเท่อเล่อ โอ๊ะเธอนี้แม่นคักแฮง
สาวแก้มแดงผู้ดีด้วยคนสวยเมืองขอนแก่น
ข่าวคือว่าดึงแขนเด็กนักเรียนจนมื่นล้มงมน้ำท่อระบาย
เว้าไปหลายแม่นไผ น้าน..ถือไม้คานมาหวี่ๆ
เอ..ฤกษ์บ่อเหมาะแล้วตี้ ไปก่อนเด้อพี่น้องขอเซาไว้เรื่องกลอน

..บักทิดศรี.....คร๊าบบบบ....ไปเฮ็ดแนวกินเดี๋ยวนี้.....ครับ คุณแม่สิทานหยังน้อคะรับ....อิ อิ อิ ไปเฮ็ดแนวกินสู่อีแม่กินก่อนเด้อ






8)(T)
[WMA]paulpan/%E0%BE%C5%A7%E4%B7%C2%CA%D2%A1%C5/%BC%D9%E9%A1%C5%E9%D2%20-%20%E2%C5%E2%AB.wma[/WMA]