ส้มหมูทอด(ส้มแบบต่อน)

[ติ๋ม เปอร์โย]

ส้มต่อนเฮ็ดง่ายๆแต่แซบคัก เครืองปรุงกะบ่หลาย เนื้อหมู แต่ติ๋มใช้กระดูกหมู มักแทะกระดูก อิอิ
เฒ่าแม่เคยว่าให้ติ๋ม"เป็นหมากลับชาติมาเกิด"พะนะ
ตำกระเทียม ข้าวสุก ติ๋มใช้ข้าวเหนียวจ้า แล้วกะเกลือ เอาทุกอย่างลงอ่างขยำโลด
พอได้ที่กะจัดการใส่ขวด ถิ่มไว้2-3มื้อกะส้มแล้วจ้า



จัดการทอดเหลืองๆ ข้าวที่ติดเนื้อมานั่นหอมคัก ส้มนิดหน่อย คั่นบ่ติดว่าไปทำงาน เปิดดาวแดงแล้ว อิอิ
ขอบคุณไอเดียที่มาของสูตรเวปครัวไกลบ้านจ้า



ติ๋มกินกับส้มตำปลาแดกต่วง ไทยทางสกลมาได้แฟนเป็นประมง ปลาเล็กปลาน้อยขายบ่ออก
เอามาให้เมียเฮ็ดปลาแดกต่วงขายกิโลละ60เหรียญ ฝีมือเพิ่นเฮ็ดปลาแดกแซบอิหลี ติดใจ

[pui.lab]

กินนำแนสาวติ๋ม ปุ้ยเพิ่งกลับจากทำงานยังบ่กินเข่าเลย บ่ฮู้จะเฮ็ดหยังกิน

[ไก่น้อย]

กับข้าวเหนียวเเม๋พี่ติ๋ม ค่อยสิเข้ากันดี ว่าเเล้วกะหิวเด่ โอยยยน่อ งานกะบ่เเล้ว ...

[ฅนภูไท]

เห็นแหนมซี่โครงหมูแล้วคิดฮอดอุบลฯ ผมไปอุบลฯทุกครั้งต้องแวะซื้อ แหนมซี่โครงหมูต้องยกให้ทางอุบลฯเด้อครับเพิ่นเฮ็ดแซ๊บอิหลี เคยกินหลายม่องแต่กะสู้แหนมซี่โครงหมูทางอุบลฯบ่ได้

[มั่วหน่าฮ่าน]

เห็นตำหมากหุ่งแล้วกะน้ำลายแตก...ส้มหมูบ่มักปานได๋ดอก.. กินหลายขี่โผ่มันออก..อิอิอิ..

[Sweet_M]

มาเป็นตาแซ่บแท้น้อ พี่ติ๋มเ้อ้ยยยย เหมียวบ่อยากได้หยังดอกอยากได้ปลาแดกต่วงนั้นหนา บ่ได้กินโดนแล้ว.......อิอิ

[ติ๋ม เปอร์โย]

มาๆเจ๊ปุ้ย สุตรกะไปเอามาจ้า เวปที่เจ้าทำงานอยู่หั่นหละ อิอิ สุดยอด8)
แม่นอยู่จ้าไก่น้อยกับข้าวเหนียวคือสิแซบ แต่มื้อวานนี่พี่ไปทำงานหั่นแหล่ว คั่นกินข้าวเหนียวแล้วย่านอืด ย่านง่วง
แต่หนี่พี่กะหลับ ตื่นไปทำงานช้าตั้ง40นาที อายหมู่ว่าซั่นเขาแซว
แซบอิหลีบ้ออ้ายภู กะซั่นอ้ายหล่อส่งมาให้จักโลดู้ อิอิ เว้าเล่นเด้อจ้า ปีหน้าสิไปขอกินอยู่เฮือนดอก ห้ามไปนอนนา55+
กินหมูพุงออกติ เอ้า ออกกำลังกายสา กินแล้วมานั่งอยู่หน่าคอมกะอ้วนหั่นหละอ้าย


อันนี่ฝากน้องเหมียวจ้า ไทยสกลเพิ่นเฮ็ดขาย ต่วงแซบอิหลี กลิ่นฝรั่งหลบพุ้นแหล่ว::)

[บ่าวดอนโบม]

ป๊าดดดดดดดดดดดดดด
มีแต่แนวแซบๆๆ

[ตรี ศรีเมืองใหม่]

สุดยอดทุกกระทู้เลยครับครัวอิสานบ้านมหาเฮา รวมใว้ทุกเมนู เยี่ยมอิหลีครับขอบอก

[pui.lab]

ป๊าดดด เพิ่มปลาแดกตวง กินเสร็จแล่วก็ออกกำลังกายติ้สาวติ๋ม
เว็บนั้นเจ๊ไม่ได้เข้ามาเกือบปีแล้วมั๊ง สงสัยจำผิดคนเปล่า อิ อิ