กำลังแสดงผล 1 ถึง 3 จากทั้งหมด 3

เขียนญามาให้อ่าน: ฝันอยู่ฝันกิน (บ่แม่หล็อยอยู่หล็อยกินเด้อ)

  1. #1

    เขียนญามาให้อ่าน: ฝันอยู่ฝันกิน (บ่แม่หล็อยอยู่หล็อยกินเด้อ)

    ฝันอยู่ฝันกิน(ผญา)
    โดย ครูใหญ่โรงเรียนเล็ก

    ฟังเอาเด้อเทพไท้ คือฝันไปเป็นลายต่าง
    ว่าเดินทางข่วมน้ำ ตามเจ้าหน่อพุทโธ
    ใจสิโสดาด้วย ไปนำห้วยหรือภูคูน้ำสิไหลล่อง
    ใสฮองฮองอยู่ฟ้า ไปหน้าสิก่องเอา

    ยอเอามือใส่เกล้า ก้มเกศเพียงดิน
    ใจถวิลดวงมณี ที่ลอยเทิงฟ้า
    คือดาราใสแจ้ง แสงงามเกินขนาด
    มือบ่อาจสิยื้อ หรือข้าน้อยบาปหนา

    แล้วแต่แถนแนนแต่ฟ้า สิมาโผดมาผาย
    แสนเสียดายในฝัน หวั่นใจบ่มีแล้ว
    มือสิซาวเอาแก้ว แววมณีล้ำค่า
    ปรารถนาต่อตั้ง หวังไว้ให้อิ่มสม แหน่ถ่อน

    แบบว่าคิดหลายมันกะฝันไปต่าง ๆ

  2. #2
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961
    หมวด ผญา มีให้โพส ยุเด้อครับ ครูใหญ่ อยู่ผิดหม่องยุบ้อครับ

    ยินดีต้อนรับท่านสมาชิก ทุก ๆ คนเด้อครับ

  3. #3
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,552
    ย้ายให้เลาแนอาว สมาชิกใหม่ยังบ่ฮู้จักหม่องปานได๋