แกงหน่อไม้ สูตร ภูไท

[ฅนภูไท]

แกงหน่อไม้ สูตร ภูไท


เครื่องปรุงต่างๆ ที่พิเศษบ่คือไผ กะคือ ปลา กับผักสะแงะ ขาดบ่ได้เลย


อ่อมให้มันจืดซะก่อน


ใส่น้ำยานางลงไป สักพักกะใส่ข้าวเบื่อ


พอน้ำเดือดใส่ปลา ใส่หมากบวบใส่เห็ดลงไป


ที่ขาดบ่เลยกะคือปลาแดกตวง


ใส่ผักลงไปเป็นอันจบพิธี


เสร็จแล้วน่าตาก็ออกมาจั่งซี้

[มั่วหน่าฮ่าน]

ป้าด........รายละเอียดทุกขั้นตอนเลย คักอีหลี จักถ้วยแนน๊า... 8) 8) 8)

[ฅนภูไท]

มาๆๆ อ้ายมั่วมากินนำกันเพิ่งแกงเสร็จใหม่ๆๆเลย เอากระติบข้าวมาเองเด้อ อิอิอิ

[ไก่น้อย]

หิวอีกแล้ว......จักถ้วยแนเด้อ โอ่...ใส่ปลาพร้อมพึ่งเคยเห็นสูตรนี้ คือๆ สิลองเฮดนำยุดอก 1 เต่งคร้าบบ

[ฅนภูไท]

เป็นสูตรที่สืบทอดกันมานานแล้วครับ การใส่ปลาเป็นการเพิ่มคุณค่าทางอาหาร แล้วกะสิเฮ็ดให้แกงหน่อไม้ได้รสชาดมากขึ้น แต่อย่าใส่หลายเด้อครับกลิ่นแล้วกะรสชาดมันสิเพี้ยน สิเปลี่ยนเป็นกบหรือเขียดกะได้ครับแซบคือกัน

[สาวบ้านนา]

โอ๊ววว หาพ่อครัวได่แล่ว อิอิ เก่งแท้ ตาแซ่บเด้.........

[สงัด903]

อีพ่อไปหาหน่อไม้มาให้อีแม่แกง กินเเป็นประจำตอนเป็นเด็กน้อย สูตรทางสกล พู้นครับแต่สีมนคือกันเนอะครับ ตามตลาเขาเอิ่นแกงเปอะ เนอะครับแม่นบ่

[ตรี ศรีเมืองใหม่]

ให้ถามแหน่เถาะที่เห็นเฮ็ดกันสดๆอยู่นี้ แม่นเจ้าเฮ็ดเองหรือแม่ออกเจ้าเป็นคนเฮ็ดครับ..อิอิๆๆเป็นตาแซบหลาย (เปลี่ยนมาเป็นใส่ผักกะแยงคือสิคักเน๊าะ)เอาไป 10 แต้มครับ

[ฅนภูไท]

ฝีมือผมเองครับอ้ายเซียง ผมเป็นคนมักเฮ็ดกับข้าว สมัยยังน้อยมักสิไปซ่อยแม่เฮ็ดกับข้าวเลยได้วิชาจากแม่มาครับ
ใส่ผักกะแยงกะแสบไปอีกแบบ

[มั่วหน่าฮ่าน]

ป้าด...เก่งปานนี่มาเป็นแม่บ้านให้แนเด้อ......ค่าดองแพงบ่..อุอุ