ข้าวเหนียวหมากม่วง

[ติ๋ม เปอร์โย]

ผลไม้ไทยที่ติ๋มมักกินมีอยู่สองอย่าง กล้วยน้ำว้า กับหมากม่วง
กล้วยกินได้มื้อละเป็นหวี กินจนบ่กินข้าวกะได้คั่นมี หมากม่วงกินได้เทิงสุก เทิงดิบ
ตีหนึ่งตีสองเลิกงานมากะกิน บ่มีคำว่าท้องเสีย มื้อนี่มีหมากม่วงสุกกะเลยเฮ็ดข้าวเหนียวหมากม่วงจ้า

สูตรกะตามมีตามเกิดเลยจ้า:กะทิ 1กระป๋อง ใช้ได้ทั้งมูลข้าว+น้ำราดหน้า
ข้าวเหนียวนึ่งสุก น้ำตาล เกลือนิดหน่อย หมากม่วง งาคั่ว
เอากะทิใส่หม้อเคิ่งกระป๋องใส่น้ำตาลตั้งไฟพอน้ำตาลละลายยกหม้อออกจากเตา
เทข้าวนึ่งสุกใหม่ๆใส่ คนพอเข้ากัน เอาฝาปิดหม้อปิดไว้
กะทิที่เหลือใส่หม้อใส่น้ำตาล+เกลือนิดหน่อย ตั้งไฟกวนพอน้ำตาลละลาย ใส่แป้งข้าวโพดละลายน้ำได้ พอข้นๆจ้า
เวลาสิกินกะข้าวเหนียวใส่จาน ใส่หมากม่วง ราดกะทิ โฮยงาคั่ว ทอนี่หละง่ายบ่ อิอิ

[ตรี ศรีเมืองใหม่]

ฮ่วย/อ้ายอยู่ไทยแท้ๆยังหากินบ่อได้เลยข้าวเหนียวมะม่วง ตอนนี้

[Sweet_M]

อันงานนี้เหมียวคือสิได้นั่งกลืนน้ำลายน่ะเด้อเอื้อยเอ้ย บักม่วงกะมีแต่หน่วยดิบๆส้มๆ กินแซ่บแน่แต่กับน้ำปลาหวานนี้หล่ะจ้า.....

[ติ๋ม เปอร์โย]

หมากม่วงสุกนี่ไปซื้อมาจากร้านของเวียดนามจ้า คึดว่ามาจากทางเอเชียพุ้นหละ กะเลยเอามาเฮ็ดของหวานเบิ่ง
กินนำแหน่น้องเหมียว ส้มๆนี่พี่ติ๋มกะมักหลาย น้ำลายไหลคือกันหละจ้า

[สาวบ้านนา]

เปนตาแซ่บมากเด้อพี่ติ๋ม ขอบอกว่า ซื้อกิ๋นดุหลาย ของโปรด จะไห่ดีต้องหวานทั้งมะม่วงและข้าว มื้อหนึงไปซื้อถืกหมากม่วงเปรี้ยว โอ๊วเสียดาย เลยเอาทิ่ม

[ติ๋ม เปอร์โย]

หวานอยู่จ้าน้องนาง เป็นหมากม่วงสุกมาจากไทยฮึเวียดนามบ่ฮู้ ตอนซื้อเป็นร้านของเวียดนามจ้า
ใช้ได้ทั้งหวานทั้งหอม แซบอยู่8) อยู่ไทยอย่าลืมกินอาหารไทยเผื่อแหน่เด้อ 555

[สาวบ้านนา]

บ่ต้องห่วงพี่ติ๋ม นางสิกิ๋นเผื่อ นางบ่ซื้อเด่ะ นางเหมาร้านเผิ่น นางกิ๋นสามถึงสี่ครั้งได่

อ้วน คอเปนตันๆ สันแขข่งเปนลั่มๆ เดวเก่อะไปสมัคร มวยปลําแล้ว

[Tid Sri]

หึยยยย...ซุมผุสาวพากันมักแท้ดอก ฮู้นี่ล่ะโตมันพาอ้วน

[ติ๋ม เปอร์โย]

จ้าอ้ายTid Sri ฮู้แล้วว่าแนวพาอ้วนนั่นตอนนี้งดเฮ็ดขนมเด้อจ้า แต่ถ้ามีคนมาขอให้ซ่อยเฮ็ดกะยังซ่อยคือเก่า อิอิ

[auddy228]

เห็นข้าวเหนียวมะม่วงแล้วอยากกินแต่ไม่รู้ว่าจะสั่งอย่างไร..หากบอกว่าข้าวเหนียวมะม่วงก็กลัวเขารุ้ว่าเป็นลาว...เลยสั่งว่า
ชายหนุ่ม......."แม่ค้า...ขอข้าวจ้าวมะม่วงจานนึง...."
แม่ค้า..........."............" (ตอบแทนหน่อยสิ..)