กำลังแสดงผล 1 ถึง 10 จากทั้งหมด 12

หัวข้อ: การทำหมื่อ(ดินปืน)

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,115
    บล็อก
    1

    ความเยือกเย็น การทำหมื่อ(ดินปืน)

    การทำหมื่อ(ดินปืน)

    การทำหมื่อ(ดินปืน)

    หมื่อหรือดินปืน เป็นสิงจำเป็นกับวิถีชิวิตของคนอิสานสมัยก่อน เพราะเป็นต้องใช้ในการล่าสัตว์หาแนวอยู่แนวกิน(ใช้ร่วมกับปืนแก๊ป) มื้อนี้กะเลยนำเสนอวิธีการเฮ็ดหมื่ออันนี้เป็นสูตรของเฒ่าพ่อผม ผุได๋มีสูตรเด็ดๆกะเอามาเผยแพร่แหน่เด้อครับ อ้ายทิดศรีมีสูรเด็ดบ่

    ขั้นตอนการทำหมื่อ

    - เตรียมหาไม้มาเฮ็ดฟืน สูตรเฒ่าพ่อเพิ่นใช้ต้นหมากพริก เพิ่นบอกว่าสิเฮ็ดให้หมื่อแฮง

    - เอาต้นหมากพริกไปตากแดดให้แห้ง

    - ขุดหลุม ขนาดให้พอดีกับไม้ที่เฮาเอามาเฮ็ดฟืน เสร็จแล้วเฮากะเอาไม้หมากพริกวางลงในหลุม (หักต้นหมากพริกเป็นท่อนก่อนเด้อ)

    - พอวางเสร็จแล้วเฮากะเอาไฟมาจูด คือเผาถ่านนี่หละ

    - พอไม้หมากพริกไม้จนสุดแล้ว ให้เอาแนวมาวี (พัด) จนถ่านปลายถ่านมันซ้วย แล้วเฮากะเอาใบตองกล้วยมาปิดปากหลุมแล้วกะเอาดินมาถมไว้อีกที

    การทำหมื่อ(ดินปืน)

    - ในขณะที่เฮารอให้ถ่านมอด เฮากะเอา กำมะถันมา(มาด)ตำให้ละเอียด กะเอาพอประมาณ

    - กะว่าถ่านมอดเบิ้ดแล้วเฮากะเอาถ่านมาผึ่งให้เย็น

    การทำหมื่อ(ดินปืน)

    - ที่นี้เฮากะมาเตรียมคั่วดินประสิว(ขี้เจีย) โดยต้มน้ำให้เดือด แล้วกะเอาขี้เจียลงไปพอขี้เจียละลายเฮากะเอาถ่านมาคั่วรวมกัน คั่วไปจนกั่วน้ำสิแห้งพอได้ที่แล้วเฮากะเอามาผึ่งไว้ (อัตราส่วนระหว่างถ่านกับขี้เจียกะคือ 4 ต่อ1 หรือ 3ต่อ1 เด้อครับ)

    - เสร็จแล้วเฮากะเอาถ่านมาตำให้ละเอียดที่สุด ในขั้นตอนนี้ให้เอาหมื่อมาลองเรื่อยๆโดยแบ่งมาตากแดดจักน่อย แล้วเฮากะมาจุดเบิ่ง โดยจุดใส่กระดาษ ถ้าจุดแล้วกระดาษบ่ไหม้ถือว่าใช้ได้ ถ้าไหม้กะแสดงว่าถ่านยังบ่ละเอียดพอให้ตำและลองไปเรื่อยๆ จนกว่าสิได้ที่

    - พอตำได้ที่แล้วเฮากะเอาไปตากแดด พอแห้งแล้วเอากะเอาขวดมาบดให้ละเอียด เอาแหยงเขียวมาร่อน

    - พอร่อนเสร็จแล้วเฮากะเก็บใส่สะเนง สูตรนี้แจ่มคัก 8)8)8)


    วิธีบรรจุกระสุนปืน ทำโดย เทหมื่อปืนประมาณ 1 สัดลงไป ยัดเศษกาบมะพร้าวตอกลงไปให้แน่น เทลูกตะกั่วลงไปตามจำนวนที่ต้องการจากนั้น ยัดเศษกาบมะพร้าวลงไปใช้เหล็กแหลมดันลงไปให้แน่น จึงขึ้นนกบรรจุแก็ป เมื่อสับไกปืน นกสับจะจุดระเบิดแก๊ปเป็นประกายไฟ ไปจุดระเบิดลูกปืนในกระบอกให้วิ่งออกไปทันที (ขึ้นอยู่กับว่าเฮาสิไปยิงอิหยังเพิ่มหรือลดตามสถาณะการณ์ครับ)

  2. #2
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    อ่านจนจบแล้ว กะยังบ่เห็นว่า อ้ายภูใส่ มาด ตอนได๋ พะนะ

    สูตรบ้านผมใช้ไม้หยังกะได้ที่มันบ่แก่นมันจั่งตำง่าย เพราะว่าลองมาหลายสูตรที่บอกว่าใช้ไม้อันนี่แล่วหมื่อสิแฮง แต่กะบ่เห็นควมแตกต่าง ควมแตกต่างของหมื่อสิแฮงบ่แฮงถ้าวิเคราะห์ตามวิทยาศาสตร์ มันน่าจะเกี่ยวกับการใส่ดินประสิว กับมาด ว่าเฮาต้องการให้เป็นหมื่อแตก หมื่อกะโพก หรือสิให่เป็นหมื่อซุ หมื่อบั้งไฟ หมื่อตะไล นี่เฮากะสิเฮ็ดให่มันแฮงต่างกันโดยเติมมาด กับดินประสิว ต่างกัน

    ถ้าเฮ็ดหมื่อปืนแก็บกะหาไม้น้อยๆหยังกะได้ แต่ถ้าเฮ็ดหมื่อบั้งไปบ้านผมมักใช้ต้นมูก(ต้นโมก) เพราะถ้าใช้ต้นบักพริก กะซัวาสิพอ จะสิไปหาใสแปดสวนกะสิพอบั้งไฟหมื่นบ่ อิอิอิ


    แลกเปลี่ยนควมฮู็กันเนาะครับ

    "หนังสือก้อมต่างคนต่างมี ก้อนขี่ซีก้อนน้อยก้อนใหญ่ ก้อนขี่ไก่ก้อนแข่นก้อนแหลว"
    "หนังสือก้อมต่างคนต่างมี ก้อนขี่ซีก้อนน้อยก้อนใหญ่ ไก่ต่างไก่ ไก่กุ้ม ไก่ยอง กลองต่างกลอง กลองเพล กลองตุ้ม"

    จั่งซั่นล่ะกะบาทเอ้ย

  3. #3
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,115
    บล็อก
    1
    - ในขณะที่เฮารอให้ถ่านมอด เฮากะเอา กำมะถันมา(มาด)ตำให้ละเอียด กะเอาพอประมาณ
    เอ้ากะคาอยู่ในครกนั่นเด้ บ่าวเซียงศรี เหอๆๆ ลืมบอกไป คุณสมบัติของต้นหมากพริกกะคือเป็นไม้เนื้ออ่อน ตำละเอียดง่าย เวลาจุดสิเฮ็ดให้ติดไฟง่าย บ่เหลือกาก คาบเขม่าบ่หลาย(อันนี้ผุเฒ่าเพิ่นคือสิลองมาก่อนแล้วหละจั่งได้บอกต่อๆกันมา)ลองเบิ่งเด้อลองเอาไม้หลายๆชนิดมาเฮ็ดลองเบิ่ง สิเห็นความแตกต่างครับ อันนี้เป็นสูตรหมื่อปืนแก๊ปเด้อครับ บ่แม่นหมื่อบังไฟ

    ผุเฒ่าเพิ่นบอกว่าหมื่อที่ดี ที่แฮงต้องสามารถจุดใส่มือ โดยที่มือบ่เป็นหยัง อันนี้กะผุเฒ่าเพิ่นเว้ามาเด้อครับ ถ้าหมื่อบ่ดี สิเฮ็ดให้คาบเขม่าไปเกาะนำลำกล้อง เฮ็ดให้ยิ่งบ่แม่น ลูกปืนบ่ไปเป็นกลุ่ม

  4. #4
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    กะบ่บอกเนาะอ้ายภูกะดาย ว่ามันคาอยู่ในครก

    นึกว่าเจ้าตำแล้ว เอาปงไว่ซือๆ เอิ้กๆ

    แลกเปลี่ยนควมฮู้กันครับ
    ขอบคุณอ้ายภูคร้าบบบบบบบบบบ:g

  5. #5
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,115
    บล็อก
    1
    บ่าวเซียงศรีเจ้ามีสูตรเฮ็ดหมื่อบั้งไฟบ่ ถ้ามีกะเอามาลงให้แหน่ ผมบ่เคยเฮ็ดจักเทื่อ เขาว่าต้องใส่มาดหลายๆแม่นบ่ เขาว่ามีบางสูตรที่ต้มมาด ขี้เจีย ถ่านรวมกัน คั่วจนแห้งแล้วค่อยเอามาตำ อันนี้ผมกะบ่ค่อยรู้

  6. #6
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    หวาย มาถามแนวยากแท่น้ออ้ายเอ๊ย เดี๋ยวเมียบ้านผมสิถามมาให่เด้อครับหลายสูตรคัก

    บั้งไฟหาง จุดให้มันขึ้นสูงยามบุญบั้งไฟ กับบั้งไฟพุจุดให้มันแตก(ระเบิด)ยามบุญกฐิน กะใช้ต่างกัน
    บั้งไฟหางให้มันขึ้นไปสุดแล้วบาดสุดท้ายให้มันแตก กับให้มันขึ้นไปสุดแล้วตกลงมาซือๆ กะต่างกัน

    เด่วคันบ่ลืมผมสิถามมาให้เด้อครับ ช่างบ้านม่วง เก่งขนาด ผมสิไปถามให่เด้อครับอ้ายภู

  7. #7
    ศึกษาหาความรู้
    วันที่สมัคร
    Apr 2009
    กระทู้
    26
    ป๊าดติโถะ หาควมว่าเฮ็ดดินปืนนิเว็บซาวเฮาขึ่นมาก่อนไทบ้านเผิ่นเลย เสียวเด้เนาะ!!! ขอบคุญอ้ายซายเด้อครับ แต่ละหม่องนิกะ มีสูตรบ่คือกัน แต่กะคล้ายๆกัน ว่าแต่ตอนฆั่วขี่เจีย บ้านผม ยะโส เอิ้นแบบนี้
    กะระวังสะเก็ดฟืนสะเก็ดไฟแหน่เด้อ อย่าใช่ไฟแฮง กับตอนตำหมื่อนิกะอย่าไปตำดิบๆแบบ แฮ่งๆหลายเด้อ เป็นตาย้านตั่วะ เกิดมันฮ้อนได่ถี่ โอ้ยบ่อยากคึด อ้ายซายเอ้ย แตกตุ่ม ขึ้นมา ย่านเบิ่งบ่ได่
    แถวบ้าน ผู่ข่า นิเอาน้ำจากกาบกล้วมาบิดใส่ตั่วะ แต่บ่แมนเอาแบบใส่จนเละเด่ะเอาพอมันจับเป็บก้อน
    ตำเป็นหลายหมื่นเถื่อ อยู่อย่างต่ำกะสองถึงสามหมื่นเถื่อผุ่นแหล่ว จังเอามาลอง จักหยิบมือ เอามา ขางไฟลองเบิ่ง แล้วบด ให้มันแตก แยก ออก จัก กองน้อยๆ สองสามกอง จูกลองเบิ่ง พรึ่บเดียวมนม่องก้องปานระเบิดนิวเคลียร์ผุ่นแล้ว บ่มีถ่านดำๆแหลือกะ เป็นว่าพอ เอาแพแหย่งสีเขียวๆมาเฮ้ดหั่ยมันเป็นขี่มอด เซ้อนกดๆแหน่จักหน่อยๆ ใส่พาถาด แล้วกะเอาไปตากจักหน่อย ให้มันแห่ง จักสองสามแดด ซำนี่กะซิได่แล้วสำหรับหมื่อแถวบ้านผม

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •