หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

@ โสก หรือโศลก @

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    @ โสก หรือโศลก @

    ...โสก(โศลก)ทางอีสานบ้านเฮาคือการไล่ นับ แทก วัด เพื่อเป็นตัวกะเกณฑ์สิ่งของที่สิเฮ็ด มีมา หรือได้มา ว่าถืกโสกต้องตามตำราให้เป็นมงคล ค้ำคูณ หรือโชคหมานหรือบ่อ

    @ โสก หรือโศลก @
    ...อันดับแรกสินำเสนอโสกง้าว(ดาบ) วิธีไล่โสก ให้กำตั้งแต่ด้ามด้ามดาบต่อมือไปเรื่อยๆจนสุดพร้อมกับว่าโสก คันสุดความกะไล่ขึ้นต้นใหม่ไล่ไปนำเรื่อยๆ ตกอันได๋ดีจั่งเอา ความไล่โสกว่า - ฮ่มโพธิ์ - ฮ่มไฮ - ไกวแขนไปก่อนท้าว - น้าวซู้ซมทั้งเครื่อง - เดื่องๆดาบฟันผี - ดาบบ่อดีฟันเจ้า - ดาบบ่อเข้าฟันเมีย - ดาบฟันเมียเสียพี่น้อง / ไล่ไปตกฮ่มโพธิ์ ฮ่มไฮ สองอันนี้ดี นอกนั้นบ่อดี


  2. #2
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1
    โสก(โศลก) ผมเคยเห็นแต่สมัยปู่สมัยเฒ่าพ่อเพิ่นไล่เวลาเฮ็ดเครื่องมือหาอยู่หากินแต่คำเว้าผมจำบ่ได้ครับ อย่างคันสะดุ้ง คันเบ็ด ด้ามมีดด้ามจก ด้ามเสียม อ้ายทิดศรีมีคำเว้าเอามาเป็นวิทยาทานแหน่ครับ

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    โสกแห - ให้ไล่เอาตาแขแหไปเรื่อยๆ ตกอันดีจั่งเอา ความว่าโสก - แขแห - แขปลา -มาเปล่า - เน่าซาน - คานหัก - ผักเหมือด - เลือดติด - จิดปิดจี่ปี่ -บี๋หัว - แม่ครัวนั่งตากแดด - แตดหยู่ ความว่าโบราณเพิ่นว่าจั่งซี้อิหลีเด้อบ่อแม่นผู้ข้าทะลึ่งเด้อ

    ตาแข หมายถึงตาแทรก เพื่อขยายแห หรือสวิง ให้บานกว้างออก

  4. #4
    แบ่งปันความรู้และประสบการณ์ สัญลักษณ์ของ Tid Sri
    วันที่สมัคร
    Jul 2007
    กระทู้
    294
    สุดยอดอีหลีคับอ้ายทิดคำศรี แล้วเกี่ยวกับคนมีบ่อ้าย แต่เป็นเด็กน้อยเคยแต่ได้ยินผุเถ่าเพิ่นฮ้าย "บักบ่ถีกโสก" มันเป็นจั่งใด๋คับ

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ...มีอยู่อาว โสกคนกะมีทังผู้ญิงผู้ซาย ตอนนี้เอาโสกหน้าก่อนเด้อ ใช้ได้ทั้งผู้ญิงผู้ชาย และกระเทย อิ อิ อิ


    โสกหน้า เอาเชือก หรือตอกไม้ไผ่บางๆ แทกแต่ตีนผมผ่านดังลงจนฮอดปลายคาง แล้วนำมาไล่โสก โดยใช้หัวโป้มือสองข้างของเจ้าของนับโป้ต่อโป้เวียนไปเรื่อยๆจนสุด
    ความว่าโสก - หน้าเงินหมื่น - หน้าตื่นเงินแสน - แบนที้ลี้ - เป็นหนี้เท่าตาย / เวลาไล่ห้ามตู๊ดลูดเด้อหล่ะ อิ อิ บ่อแม่นฮอดหม่องเป็นหนี้เท่าตายปานได๋ กะหยับหย่อมือนับใหม่ให้ตกหม่องดีนั้นหนา

  6. #6
    แบ่งปันความรู้และประสบการณ์ สัญลักษณ์ของ Tid Sri
    วันที่สมัคร
    Jul 2007
    กระทู้
    294
    ฮ่วยย...ไปคุยสาวสิบ่ได้เอาเชือกกับไม้ตอกไปนำติอ้ายทิดคำศรี คุยไปคุยมาบาดสิว่าเจ้าอยู่สื่อ ๆ เด้อไห่อ้ายขอวัดหน้าเจ้าแน จั่งสิติ

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    โอยย มาสิยากกะทำท่าบอกผู้สาวซั้นตั๊วว่า..หล่า นาง หน้าเจ้าเป็นฮูปบ่อดีอ้ายทิดสีขอเบิ่งเพื่อสิซ่อยแก้ไขให้ ตอนนี้เจ้ามีเคราะห์อยู่เด้อ เดี๋ยวอ้ายสิทำพิธีให้ อันดับแรกแทกหน้าเจ้าไปวัดความยาวของเทียนคาย(ครู)ก่อน..ยื่นหน้ามา..กะว่าไปซั้นตั๊วว เลาย้านตายเลากะเด่หน้ามาหาเจ้าเอง เหอ ๆ ๆ ๆ

  8. #8
    โสกหน้าติ๋มคือว่า หน้าตื่นเงินแสน พะนะอ้ายทิด เป็นหยังบ่ อิอิ บ่เข้าใจความหมายปานใด๋จ้า
    คั่นหาได้เองบ่ตื่นเด้อเงินแสนนั่น กว่าสิได้ทำงานเอาแหม๋อ้าย คั่นมีผู้หามาให้ ตื่นคักๆหละ55++พ้อบ่บุแบบนี่::)

  9. #9
    แบ่งปันความรู้และประสบการณ์ สัญลักษณ์ของ Tid Sri
    วันที่สมัคร
    Jul 2007
    กระทู้
    294
    โอ...วิธิของอ้ายทิดคำสีนี่เข้าท่าเด้เนาะ ใสเบิ่งน่ะสาวติ่มหน้าเจ้ามันบ่แม่นหน้าตื่นเงินแสนตั้วนั้น ยื่นหน้ามาเบิ่งทิดสีสิไล่โสกไห่::)

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    เพิ่นว่าดีเหมิดทั้งสองอย่าง แต่หน้าตื่นเงินแสนดีกว่า พะนะ อิ อิ อิ แสนหลายกว่าหมื่นเนาะ


Tags for this Thread