โดนแล้วที่บ่ได้เฮ็ดขนม เอาจักหน่อยสาเถาะมื้อนี่ มื้ออื่นหมู่ว่าสิแวะมากินกาแฟนำตอนสายๆ
กะเลยคึดเฮ็ดขนมง่ายๆไว้ให้หมู่กิน สูตรนี่เป็นชนิดกรอบนอกนุ่มในนะจ๊ะ เห็นว่าแซบดีเลยเอามาฝากจ้า
สุตร...เตรียมแป้งสาลีเอนกประสงค์250กรัม ผงฟู2ช้อนชา น้ำตาล6ช้อนกินข้าว ผงวานิลา3ช้อนชา ผสมรวมกันไว้จ้า
น้ำหมากนัด2dl. เนย120กรัมละลายไว้ ไข่ไก่4ฟอง แยกไข่แดงกับไข่ขาวออกจากกันไว้
เริ่มเตรียมอ่าง2ใบ ใบหนึ่งใช้ปั่นไข่ขาวให้ตั้งยอด อีกใน ใส่แป้งกวนด้วยทัพพีไม้ใส่น้ำหมากนัด
อย่าให้แป้งเป็นลูก ใส่ไข่แดงปั่นด้วยเครื่องปั่นมือ จนเข้ากันดี แล้วใส่ไข่ขาวตล่อมด้วยทัพพีไม้ จนเข้ากันดี
แล้วใส่เนยละลาย กวนจนส่วนผสมทั้งหมดเป็นเนื้อเดียว
เสียบปลั๊กเครื่องอบวาฟเฟิลเลยจ้า รอให้ฮ้อน แล้วตักแป้งใส่จนเต็ม ปิดฝา
อบประมาณ1-2นาทีกะสุกเหลืองแล้วจ้า
ใส่ไส้ตามชอบ ใช้ผลไม้มาเป็นไส้ หรือแต่งให้สวยงามกะได้จ้า
แต่ติ๋มมักง่ายจักหน่อย ใช้แยม แล้วกะวิปปิ้งครีมผสมแยม อิอิ
แล้วกะโรยด้วยน้ำตาลไอซิ่ง อันนี่ลองชิมเบิ่งซื่อๆ ว่าหมู่สิกินได้บ่ อิอิ
ส่วนแป้งที่เหลือปิดฝาอ่างใส่ตู้เย็นไว้จ้า เวลาหมู่มากะเทิงอบเทิงกินม่วนดี
สาวๆใกล้สิถึงวันแห่งความรัก เฮ็ดให้แฟนหรือคนฮักในครอบครัวกินกะได้เด้อจ้า น่ารักดี รูปหัวใจ อิอิ
Bookmarks