ลาบไก่แม่ไข่
มื้อนี้ฅนภูไท สิลาบไก่แม่ไข่สู่กินเด้อครับ สูตรนี้เป็นสูตรง่ายๆครับ ใช้เวลาบ่โดนกะได้กินแล้วมาเบิ่งขั้นตอนการเฮ็ดได้เลยครับ (ส่วนพวงไข่มันเฮากะเอาไว้ผัดเผ็ดหรือสิอ่อมกิน)
ไก่แม่ไข่โตใหญ่ๆ
พอได้ไก่มาแล้วเฮากะมาเลาะเอาแต่เนื้อ แล้วกะมาสับ ส่วนกระดูกกับซี่โครงกะสับไว้ต้ม
เอาเนื้อไก่ หนังไก่ เครื่องในที่สับแล้ว ใส่กะทะขึ้นตั้งไฟ บ่ต้องใส่น้ำเด้อครับ ใส่น้ำปลาลงไปจักน่อย ใส่ตะไคร้ทุบ ใบหมากกรูดลงไปเพื่อดับกลินคาว รวนให้สุก
อันนี้กะผักใส่ลาบ ที่พิเศษกะคือ ข่าสับ นอกนั่นกะคือกันเบิ้ดครับ
เอากระดูกและซี่โครงสับไปต้ม ใส่ข่าตะไคร้ใบหมากกรูด มะขามเปียก ปรุงรสตามใจชอบ
พอเนื้อไก่เย็นเฮากะมาปรุง ใส่ผัก พริกคั่ว ข้าวคั่ว ใบมะกรูดซอย ข่าสับละเอียด ใส่น้ำหมากนาวลงไป ปรุงรสตามใจชอบ
หน้าตากะออกมาจั่งซี้หละครับ
ต้มตักใส่ถ้วยแล้วกะโรยผักหอมจักน่อย เสริฟกับข้าวเหนียวฮ้อนๆ 8)8)8)
Bookmarks