กำลังแสดงผล 1 ถึง 8 จากทั้งหมด 8

คนเก่ามาใหม่

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    คนเก่ามาใหม่

    นับแต่วันเดือนผ่าย กลายมาพ้นผ่าน
    บ่าวทองคำจากบ้าน มหานี่หนีไกล
    แต่หากใจเฝือฝั่น คึดนำอยู่น่ำน่ำ
    คิดนำคนทางก้ำ ฮ่วมบ้านอยู่จั่งได๋
    อ้ายทิดศรียังใสแจ้ง คำผญาคือแต่เก่า อยู่บ้อ
    บ่าวโจ่โลยังคอยเว้า ผญาต่อยต่อผู่สาว อยู่ตี้
    สาวส้มป่อยหมู่นี่ ยังอยู่ดีส่ำบายบ่อ
    ทั่งเฒ่าพ่อพี่น้อง ผองเจ้าคู่ซู่คน
    ยังค่อยวนเวียนเกี้ยว เที่ยวยื้อย่องยาม อยู่ตี้
    ทองคำมามื้อนี่ เอาแนวดีมาถามไถ่
    สาวไก่น้อยหมู่นั้น ยังคงหมั่นดั่งเดิม อยู่บ้อ
    คันผิดไปกะอย่าเพิ่ม เติมตื่มคำติ
    ผิแต่อยากมาจา แถลงความจาซ้อน
    มาออนซอนบาดเห็นนแล้ว แนวอิสานบ่เคยหล่า
    มีแต่โก้ไปหน้า บักแตงช้างหน่วยปลาย อ้ายเอ้ย
    ...................................................

  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    เป็นจั่งได๋บ่อเห็นหน้าหลายเวลาข้ามล่วงอาวเอ้ย
    พวกหมู่ข้อยทั้งปวงกะยังสุขอยู่สร้างบ่อหมายม้างแตกกัน
    ความสัมพันธ์ยังเหนียวแหน่นคือสายแนนที่นำจ่อง
    ยังคิดเถิงพี่น้องผู้เคยได้กล่าวผญา นั้นแหลว

  3. #3
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    ยากนำงานมัวหมุ่น หลายอันมันดึงจ่อง
    ทั้งงานหลวงกะพ่องนั้น มันจ่องเข่าใส่กัน
    บ่อบ่ได้หันมาพี้ บ้านมหาผู่เคยฮ่วม
    แต่ใจยังอยากร่วม ฮ่วมเจ้าอยู่คู่ยาม ท่านเอ้ย

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    บ่าวทองคำเอ้ย...
    ..ไปทางได๋ต่างหน่าต่างเคหาเจ้าบ่ลืม
    ยังต่าวคืนสู่บ้านบริวารเอิ้นสั่งน้อคำ
    เจ้าผุฮู้ผู่ดีลําคิงคำเป็นแนวได๋น้อบ่าว
    สุขสำบายดีบ่อท้าวทางผุเฒ่าบ้านเจ้า..เป็นแนวได๋น้อคำเอ้ย..



  5. #5
    NONGNAN
    Guest
    บ่าวทองคำคนโก้ โสพาทีพูเว้าม่วน
    พูเว้าจาเคยซ้วน นางน้องจ่ายกลอน
    น้องยังจำคำอ้อน คำวอนอ้ายเว้าใส่
    ก่อนหนีไกลจากน้องหล่า ภาระนั้นกะแม่นหลาย
    เป็นแนวได๋น๊อญาอ้าย สุขซำบายดีหรือบ่
    เทิงพ่อแม่ พูอยู่บ้านพี่นางนั้นเป็นจั่งได๋

  6. #6
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612


    ....อ้ายทองคำเอ้ยยย....
    เป็นจั่งได๋นอ-ญาอ้าย....สังมาหายไปดนแท้น่อ
    อ้ายฮู้แหน่บ่น๊อ....ว่ามีไผคิดถึงเจ้า ทุกแลงเช้าได้จ่มหา
    ทุกคำเว่าคำจา....ที่อ้ายจ่ายคำผญา....นางยังเพียรตามอ่าน
    จากกันไปดน-นาน....บ่ได้เห็นความเว้า...คิดฮอดเจ้าอยู่สู่ยาม...เด้ออ้ายเด้อ...
    ..เนาะน้องแนน...พะนะ

  7. #7
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    บ่าวทองคำเอ้ย
    เป้นจั่งได่น่อคือบ่มาให้เห็นหน้า
    คนเคยจ่ายผญาคือหายหน้าไปมิดหมี่
    ลืมเเล้วบ่ตั้งเเต่กี้เฮาเคยเว่า ฝากต่อคำ
    ทางนี้ยังคงมั่น ถึงคืนวันสิผันผ่าน
    นั่งตาเลี่ยม ม่านๆ บ่เห็นเจ้า ดอกต้าวมา ...น่ออ้ายเอ้ย..

  8. #8
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    สุขขีหมั่นปีใหม่ได้มากลาย แฟนทั้งหลายบ้านมหา สุขส่ำบายแลงเช้า
    หนีไปดนยังคิดถึงหมู่เจ้า สาวคนไคบ่อลาห่าง
    ถึงสิอยู่ต่างบ้าน ยังอ่าวโอ้ได้จ่มหา อยู่ตั้ว
    ตะวันนา น้องสาวหล่า เพิ่นมาจาว่าเว่าม่วน
    ยานแต่เจ้าบ่อซ่วน โตอ้ายให้อยู่เดียว นางเอ้ย
    ฟังสาวแนน เพิ่นเว่าเย้ย เฉลยกลอนป้อนมาใส่
    ย่านแต่อ้ายบ่ได้ คือแม้งดั่งมโน น้องเอ้ย
    สาวไก่น้อยคนโก้ เพิ่นโสว่าเรื่องความหลัง
    ความสัมพันธ์เฮายัง จื่อจำทุกแลงเช้า
    สาวส้มป่อยเพิ่นกล่าวเว้า ว่าเฮาดีนั่นลื่นหมู่
    แม่นบ่อดู๋น้องหล่า หือจาเว่าตั๋วพี่ซาย หล่าเอ้ย
    ยังค่อยสุขส่ำบายหมั่น เสมอมันเครือแก่
    ทั้งพ่อแม่อยู่บ้าน ยังสุขล้วนอยู่ดี ท่านเอ้ย
    .....................ขอบคุณหลายที่ยังจำบ่อลืมเด้อ..........