หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

พิซซ่า อาหารขยะ เลือกได้ ตามคำขอจ้า

  1. #1

    พิซซ่า อาหารขยะ เลือกได้ ตามคำขอจ้า


    มีน้องๆหลังไมค์มาขอพิซซ่าไว้ จัดให้แล้วจ้า บุ๋ยย...เว้าปานข่อยเป็นเชฟใหญ่(กุ๊ก)555+++
    หนี่เป็นสูตรตามใจผู้เฮ็ด ที่สำคัญหน้าพิซซ่ากะไปดัดแปลงเอาตามชอบจ้า

    พิซซ่า อาหารขยะ เลือกได้ ตามคำขอจ้า

    แป้งสูตรนี่กรอบอิหลี:มีแป้งพิซซ่า300กรัม
    ยีสต์สด20กรัม
    น้ำ2dl
    น้ำมันพืช1ช้อนกินข้าว
    เกลือ 1ช้อนชาเล็กๆ
    อุ่นน้ำพอเอามือจุ่มได้ เทน้ำใส่ชามผสม ใส่น้ำมันพืช ใส่ยีสต์กวนจนละลาย แล้วใส่แป้ง+เกลือ
    คนจนเป็นเนื้อเดียวกัน นวดด้วยมือจนแป้งเนียน ใช้แป้งเป็นนวลกันแป้งติดมือ แล้วพักแป้งไว้30นาที เอาผ้าคุมไว้
    หันมาเฮ็ดซอสหมากเขือเทศ:หมากเขือเทศ1กระป๋อง หอมใหญ่หั่นน้อยๆ1หัว กระเทียมสับ1กลีบใหญ่ๆ
    ออริแกโน่=Oreganoแห้งบ่ได้ตวงใส่ประมาณเอามือหยุ๋มใส่1ครั้ง 55++ เกลือ+พริกไทยป่น+น้ำตาลนิดหน่อยปรุงรส
    เอาหม้อตั้งไฟใส่น้ำมันพืช1ช้อนชา ผัดกระเทียม+หอมใหญ่ ใส่ออริแกโน่ หมากเขือเทศ
    ปรุงรส เคี่ยวประมาณ30นาที

    พิซซ่า อาหารขยะ เลือกได้ ตามคำขอจ้า

    ที่นี่มาถึงหน้าพิซซ่า:มื้อนี่ติ๋มใช้แฮมหั่นเส้น เนื้อแผ่นกลมๆเมืองไทยเอิ้นหยัง? Peperoni
    ผักเอาตามมักโลดที่ใช้มื้อนี่บ่หลายปานใด่ พริกหวานหั่นเส้น หมากนัดกระป่อง แล้วกะซีสขูดเส้น
    เปิดเตาอบไฟล่างอย่างเดียว200องศาC แล้วกะเอาแป้งมานวดแบ่งเป็น2ก้อน คลึงให้เป็นแผ่นกลมๆ
    วางใส่ถาดที่รองด้วยกระดาษไข ใส่ซอสหมากเขือเทศทาให้ทั่วแผ่น โฮยด้วยแฮม ใส่พริกหวาน หมากนัด โฮยซีสจนทั่ว

    พิซซ่า อาหารขยะ เลือกได้ ตามคำขอจ้า

    แผ่นนี่เฮ็ดคือกัน แต่เปลี่ยนจากแฮมเป็นPeperoniทอนั่น แล้วเอาเข้าเตาอบ 25นาทีกะสุกแล้วจ้า

    พิซซ่า อาหารขยะ เลือกได้ ตามคำขอจ้า

    เอาออกจากเตาอบตัดเป็นชิ้น เสริ์ฟ กับผักสดกะได้ กินแต่พิซซ่ากะดี เว้าแล้วกะเอาไปส่งคนข้างบ้านกินซ่อยก่อน
    เฮ็ดหลายโพด

    พิซซ่า อาหารขยะ เลือกได้ ตามคำขอจ้า

    ขอซูมๆอีกจักภาพเนาะ อิอิ ส่วนเนื้อไผมักเนื้อหยังกะใส่โลดจ้า ปลาทูน่ากระป๋องกะแซบดีคือกันจ้า
    มาเด้อไผมักพิซซ่า มื้อนี่พาไปอิตาลี่ อิอิ
    แก้ไขครั้งสุดท้ายโดย ติ๋ม เปอร์โย; 28-03-2010 at 16:09.


  2. #2
    มิสบ้านมหา 2008 - 2009 สัญลักษณ์ของ หมูหวาน
    วันที่สมัคร
    Sep 2007
    กระทู้
    1,478
    บล็อก
    5
    :g:g:g: หมูหวาน ขอ2 ชิ้นเด้อเอื่อยดิ๋ม เอาหน้าแฮมกะทูน่า บ่เอาผักอิอิ บ่เคยย้านเลยความอ้วนอิอิ ::)::)

  3. #3
    แบ่งปันความรู้และประสบการณ์ สัญลักษณ์ของ Tid Sri
    วันที่สมัคร
    Jul 2007
    กระทู้
    294
    คือกินหลายแท้หมู มันสิบ่อ้วนกว่าเก่าติ

  4. #4
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    ป๊าดดดด สาวติ๋มมาคือเก่งแท่ะ พิซซ่าฮ้อนๆกินกับส่มตำ๋ปลาร้าเผ็ดๆ โอ๊ยน้ำลายไหล

  5. #5
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,855
    บ่อเคยกินจ้าน้องติ๋ม...เคยกินแต่ข้าวต้มตัดโรยหน้าด้วยหมากพร้าวขูด หรือไม่ก็ข้าวป้าด... มาเยี่ยมบ้านเฮ็ดให้กินแหน่เด้อว่ามันสิแซบปานได๋

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    มีแต่ซื้อกินหล่าเอ้ย เฮ็ดบ่เป็น มาเห็นติ๋มเฮ็ดละกะหน่าตาน่ารับทานตะหน่าย..สอนเอื้อยแน่ะเด้อมื่อหน่า คนเฮ็ดคือสิชื่นใจเนาะ...จักถาดแน่ะหนา ชิ้น สองชิ้นบ่พอ ..ฮะฮ่าๆ..

  7. #7
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1
    เว้ากะเว้าเด้อผมบ่กินจักเทื่อแล้วกะบ่มักนำผมเป็นคนที่ขาดปลาแดกกับข้าวเหนียวบ่ได้ อาหารจีน ญี่ปุ่นกับอาหารเกาลีพอกินนำได้อยู่

  8. #8
    จ้า...กะอาหารต่างชาติเนาะแล้วแต่ผู้มัก ติ๋มกินได้แทบสิทุกชาติ แต่กะบ่ทุกชนิด
    อย่างอาหารอินเดีย ศรีลังกา บ่มักเอาเลยหละ เครื่องเทศหลายโพด นอกนั่นกะพอกินได้จ้า
    เจ๊ปุ้ย...กินกับส้มตำปลาร้าติ อิอิ สิได้ลองเบิ่งอยู่จ้า ติ๋มคึดว่าสิเฮ็ดหน้าปลาแดกบองแล้วเด๋ ::)
    พี่มิกกะลองเฮ็ดเบิ่งเด้อจ้า สูตรกะตามนั่นหละจ้า รับรองว่าแซบ ฝรั่งข้างบ้านติดใจเลยหละจ้า อิอิ

  9. #9
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1
    น้องติ๋มคืออยู่ ถ้าเฮ็ดหน้าปลาแดกบองกะสิลองชิมนำอยู่ เจิดมาทางพี้แหน่เด้อ ::)::)

  10. #10
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    ปิซ่าติ...มื่อวานกะกินอยู่เพิ่งสิเคยกินเทื่อแรกในชีวิตคือกัน..อิอิอิ...เอาปลาแดกบองมาแลกกะคือสิเอาปลาแดกนั่นล่ะ...จะแมนบ่ถืกปากเอาซะฮ่าย..เหอๆ..


Tags for this Thread