มีน้องๆหลังไมค์มาขอพิซซ่าไว้ จัดให้แล้วจ้า บุ๋ยย...เว้าปานข่อยเป็นเชฟใหญ่(กุ๊ก)555+++
หนี่เป็นสูตรตามใจผู้เฮ็ด ที่สำคัญหน้าพิซซ่ากะไปดัดแปลงเอาตามชอบจ้า
แป้งสูตรนี่กรอบอิหลี:มีแป้งพิซซ่า300กรัม
ยีสต์สด20กรัม
น้ำ2dl
น้ำมันพืช1ช้อนกินข้าว
เกลือ 1ช้อนชาเล็กๆ
อุ่นน้ำพอเอามือจุ่มได้ เทน้ำใส่ชามผสม ใส่น้ำมันพืช ใส่ยีสต์กวนจนละลาย แล้วใส่แป้ง+เกลือ
คนจนเป็นเนื้อเดียวกัน นวดด้วยมือจนแป้งเนียน ใช้แป้งเป็นนวลกันแป้งติดมือ แล้วพักแป้งไว้30นาที เอาผ้าคุมไว้
หันมาเฮ็ดซอสหมากเขือเทศ:หมากเขือเทศ1กระป๋อง หอมใหญ่หั่นน้อยๆ1หัว กระเทียมสับ1กลีบใหญ่ๆ
ออริแกโน่=Oreganoแห้งบ่ได้ตวงใส่ประมาณเอามือหยุ๋มใส่1ครั้ง 55++ เกลือ+พริกไทยป่น+น้ำตาลนิดหน่อยปรุงรส
เอาหม้อตั้งไฟใส่น้ำมันพืช1ช้อนชา ผัดกระเทียม+หอมใหญ่ ใส่ออริแกโน่ หมากเขือเทศ
ปรุงรส เคี่ยวประมาณ30นาที
ที่นี่มาถึงหน้าพิซซ่า:มื้อนี่ติ๋มใช้แฮมหั่นเส้น เนื้อแผ่นกลมๆเมืองไทยเอิ้นหยัง? Peperoni
ผักเอาตามมักโลดที่ใช้มื้อนี่บ่หลายปานใด่ พริกหวานหั่นเส้น หมากนัดกระป่อง แล้วกะซีสขูดเส้น
เปิดเตาอบไฟล่างอย่างเดียว200องศาC แล้วกะเอาแป้งมานวดแบ่งเป็น2ก้อน คลึงให้เป็นแผ่นกลมๆ
วางใส่ถาดที่รองด้วยกระดาษไข ใส่ซอสหมากเขือเทศทาให้ทั่วแผ่น โฮยด้วยแฮม ใส่พริกหวาน หมากนัด โฮยซีสจนทั่ว
แผ่นนี่เฮ็ดคือกัน แต่เปลี่ยนจากแฮมเป็นPeperoniทอนั่น แล้วเอาเข้าเตาอบ 25นาทีกะสุกแล้วจ้า
เอาออกจากเตาอบตัดเป็นชิ้น เสริ์ฟ กับผักสดกะได้ กินแต่พิซซ่ากะดี เว้าแล้วกะเอาไปส่งคนข้างบ้านกินซ่อยก่อน
เฮ็ดหลายโพด
ขอซูมๆอีกจักภาพเนาะ อิอิ ส่วนเนื้อไผมักเนื้อหยังกะใส่โลดจ้า ปลาทูน่ากระป๋องกะแซบดีคือกันจ้า
มาเด้อไผมักพิซซ่า มื้อนี่พาไปอิตาลี่ อิอิ
Bookmarks