กำลังแสดงผล 1 ถึง 10 จากทั้งหมด 10

หัวข้อ: คันได้ขึ้นขี่ช้าง ก้างฮุ่มเป็นพระยา....

  1. #1
    ผู้ช่วยผู้ใหญ่บ้านมหา สัญลักษณ์ของ lukhin_inter
    วันที่สมัคร
    Sep 2007
    ที่อยู่
    อิสานใต้ ประเทศไทย
    กระทู้
    1,860

    คันได้ขึ้นขี่ช้าง ก้างฮุ่มเป็นพระยา....

    คันได้ขึ้นขี่ช้าง ก้างฮุ่มเป็นพระยา อย่าสิลืม เสนาผู้ย่างนำตีนช้าง“

    แปลว่า ถ้าได้ขึ้นขี่ช้าง กางร่มเป็นเจ้าเมือง อย่าลืมลูกน้องคนเดินอยู่ข้างเท้าช้าง

    ความหมาย การได้เป็นใหญ่เป็นโต หรือเป็นเจ้านายคน ได้ดีมีเกียรติสิ่งหนึ่งที่สำคัญ
    คือไม่ควรลืมลูกน้อง ผู้ใต้บังคับบัญชาเรา เพราะพวกเขาเองก็มีส่วนที่สนับสนุนให้เรา
    ก้าวหน้าและยิ่งใหญ่ได้



    ขอขอบคุณ : อ้ายสยามชัย คำยาง

    อุปสรรคเป็นได้ทั้งบันไดให้ก้าวขึ้นไป...หรือ
    เป็นภูผาที่ขวางกั้น...ขึ้นอยู่กับว่าจะมองมุมไหน

  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    คันเจ้าได้ขี่ช้างกั้งฮ่มสัปทน
    อย่าสิลืมคนจนผุขี่ควายคอนกล้า
    คันเจ้าได้นั่งฟ้าแกมแท่นคำเหลือง
    อย่าสิลืมตอเฟืองฮ่มหมากทันนาใต้
    คันแม่นได้นั่งช้างอย่าสิเบิดตาหนี
    ยามแหย่งมัดบ่ดีผัดสิตกหลังช้าง...............อิอิ

  3. #3
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    คันเจ้าได้ขี่รถโก้ โตโยต้าอย่าสะอ่ง หลายเด้อ
    บาดห่าหลงทางเลี้ยว น้ำมันแห้งกินข้าวลิง
    ย้อนว่าพ้อมาแล้ว จั่งเว้าแซวมาว่า
    ขับหลงทางเข้าป่า ได้หมากสีดาป่ากล้วย มาช่วยต่อชีวัง
    นำหนทางคดเคี้ยว อยู่คนเดียวบ่มีหมู่
    จักแม่นนกหยังบุ บินมาฮ้องใกล้ ๆ โตใหญ่ซ้ำแม่นส่ำกา เอาโลด
    สิโทรหาคนมาช่วย ถึงคราวซวยเงินเฮาเหมิด
    เลขาข่อยกะซ่างเปิด โทรติดต่อบ่ได้ เงินบ่พอใช้บริการ พะน้า พะนะ


    นอนกินข้าวลิง 3 มื้อ โอ๋ยย..วาสนา

  4. #4
    ร่วมกิจกรรมนำความรู้ สัญลักษณ์ของ เซียนเมา
    วันที่สมัคร
    Jun 2009
    ที่อยู่
    Suratthani
    กระทู้
    1,450
    คันเจ้ามีเฮือแล้ว อย่าสิลืมแพไม่ไผ่
    คันเจ้ามีใหม่แล้ว กะลืมข่อยผุคอยสา นางเอย
    แก้ไขครั้งสุดท้ายโดย เซียนเมา; 23-09-2009 at 18:03.

  5. #5
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    คันได้เมียงามฮ่วม
    อย่าลืมควมอีแม่สั่ง
    ยามฮักพังจากแล้ว
    เหลือแนวไท้คือมารดา....เด้

  6. #6
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    2,872
    อย่าสิเป็นคน ได้คืบสิเอาศอกเด้อ

    อย่าสิเป็นคน ได้หน้าแล้วลืมหลังเด้อ

  7. #7
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    ออนซอนพุจ่ายผญาเป็นเด้เนาะ

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    คำโบราญเพินว่าไว้ ได้เต่าอย่าลืมหมา ยามได้ซิ้นต่อนหนา


    ได้กินโตปลาซ่อน อย่าลืมซ้ำดอกซำซิว ?

  9. #9
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    คันเจ้าได้ขี่ซ้างกั้งฮ่มสัปทน อย่าสุลืมคนจนงอยโพนเกาฮิ้น
    คันเจ้าได้ขี่ซ้างอย่าลืมหมู่ หมูหมา ห่ากะโมยมาลัก สิเห่าหอนให่มันย่าน ลางเทียกวงฟานเต้น นำดงสิได้ไล่ ลางเทียได้ต่อนซิ้น ยังสิได้อ่าวคุณ ว่าเด๊

    คันได้กินปลาแล่วอย่าลืมปูปะป่อย ลางเทียปลาขาดข้อง ยังสิได้ป่นปู อยู่เด๊

    ให้เจ้าอดสาเลี้ยงควายโซไว้ถ่าห่า ลางเทียห่าบ่พ้อยังสิได้ใส่นา นั่นแหล่ว

  10. #10
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    คันได้กินลาบก้อย อย่าลืมแก่วแพวผัก
    คันได้กินพาเงินพาคำ อย่าสิลืมกะเบียนฮ้าง


    ทุกข์ยากฮ้าย ให้ค่อยอยุ่นำกัน กลอยมันมีสิค่อยหามาเลี้ยง


    ทุกข์ยากฮ้ายอย่าลัก 4 เมียกัน เงินคำมีให้แบ่งปันกันไซ้

    ผญาเจ้ามีเต็มโกนไม้บาก ฮูดากเจ้ามีแต่ขี่ไก่ขาง พะน๊า


    โอ๊ยถือคนบ้า อย่าว่าคนเมาเด้อพี่น้องเอ๊ย
    ตอนแรกกะแต่งมาดียุ บัดมาเสียตอนท้ายเนาะ
    นี่ล่ะเพิ่นว่า

    " ล่มบาดจอด บอดบาดเฒ่า "

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •