ซั่วน้องงัว (ต้มซั่วน้องวัว)
มื้อนี้งัวฅนภูไทออกลูกนอนถ้าน้องงัวจนว่าหลับ ตื่นขึ้นมาได้เห็นตะแม่งัวกำลังกินน้องงัวอยู่ยาดมาได้บ่หลายปานได๋ มื้อนี้กะเลยสิมาต้มซั่วสู่พี่น้องบ้านมหากิน อ่อมกะคือสิเคยกินกันแล้ว แต่ต้มซั่วคือสิบ่ค่อยได้กินกันปานได๋ มาเบิ่งวิธีเฮ็ดกันเลยครับ
หน้าตาน้องงัวที่เหลือจากแม่มันกินกะเป็นจั่งซี้หละครับ
จัดการต้มน้ำเอาข่า ตะไคร้ ใบมะกรูด ใส่ลงไป พอน้ำเดือดกะเอาน้องงัวลงไป
ใส่ปลาแดกลงไป แล้วกะใส่ผักอิเลิดลงไป
ยกหม้อลงเอาน้องงัวมาหั่นเป็นชิ้นๆ
ที่นี้เฮากะมาปรุงกันเลย ใส่ผักแพว ต้นหอม ผักชี สาระแหน่ ข้าวคั่ว พริกป่นลงไปปรุงรสตามใจชอบ (สิบีบหมากนาวใส่จักหน่อยกะได้แล้วแต่ผุมักครับ)
ตักใส่ถ้วยเสริมกับข้าวเหนียว 8)8)8)
เป๊กจักสองเป๊กแล้วซดน้ำ (T)
[WMA]http://www.hotlinkfiles.com/files/807905_a7arc/esanbanhou.wma[/WMA]
ปล. ผักอิเลิดต้องซอยเป็นชิ้นๆพอประมาณเด้อ ผุเฒ่าเพิ่นว่าบ่ให้ล้างน้องงัว ล้างเฉพาะส่วนที่ตกถืกดิน มันจั่งแซบสินัว
Bookmarks