ทอดไข่ใส่ผักหวาน
มื้อฅนภูไท รื้อของในตู้เย็นเห็นผักหวานที่ซื้อมาตั้งแต่วันเสาร์ ลืมแกงกิน จักสิเฮ็ดหยังกินดีกะเลย สิทอดใส่ไข่ให้พี่น้องเฮากิน มาเบิ่งวิธีเฮ็ดกันเลยครับ
ผักหวานป่ากับไข่
ขั้นตอนกะบ่มีหยังหลาย เด็ดผักหวานเอาแต่ยอดกับใบ แล้วกะตอกไข่ ใส่น้ำปลา ซีอิ้วขาว น้ำมันหอย ตีให้เขากัน แล้วกะนำไปทอดในน้ำมันเดือดๆ พอสุกตักใส่จานเสริฟได้ทันที
หน้าตาที่ทอดเสร็จแล้วกะเป็นจั่งซี้หละครับ
ไผยังบ่เคยกินกะไปลองเฮ็ดกินเบิ่งเด้อรับประกันความแซ๊บ สิได้รสชาดหวานมันส์ ของผักหวาน ถ้ามีไข่มดแดงกะใส่มดนำแฮงแซ๊บไปอีกแบบเด้อครับ
Bookmarks