กำลังแสดงผล 1 ถึง 8 จากทั้งหมด 8

ข้าวเปียกเส้น ก๋วยจั๊บเวียตนาม จ๊าว

  1. #1

    ข้าวเปียกเส้น ก๋วยจั๊บเวียตนาม จ๊าว


    ตั้งแต่เกิดได้ใหญ่มาบ่เคยเฮ็ดกินเองจักเทือ ไปได้เส้นข้าวเปียกแห้งมา2ถุง เลยเฮ็ดเบิ่งเคิ่งถุงก่อน ย่านกินบ่ได้ อิอิ
    สูตรบ่ได้คึดเอง อยู่ข้างถุงเส้นข้าวเปียกหั่นหละจ้า หลังจากอ่าน2รอบกะลงมือ
    กระดูกหมูอ่อนหั่นชิ้นพอคำ ปีกไก่แบ่งให้เป็นปีกบน-ปีกกลาง-ปีกล่าง อันนี่ในสูตรเขาบ่มีดอก แต่คนกินมัก
    จัดการหมักใส่เกลือ น้ำมันหอย พริกไทยป่น หมักไว้ข้ามคืนพะนะ แต่ข่อยหิว หมัก1ชั่วโมงกะดีแล้ว
    หมูยอหั่นเส้น เห็ดหอมแช่น้ำพอนิ่มหั่นเส้นอันนี่ในสูตรเขากะบ่ใส่จ้า คนเฮ็ดมักกิน เลยใส่
    จัดการต้มน้ำใส่หมู ไก่ที่หมัก หอมใหญ่ ก้านคื่นช่ายฝรั่ง กระเทียม ใส่เกลือ เห็ดหอม เวลาต้มหมั่นตักฟองถิ่ม
    น้ำซุปสิได้ใส พอกระดูกหมูเปื่อยนุ่ม ตักหอมใหญ่ คื่นช่าย กระเทียมออก ชิมน้ำซุปเบิ่งเติมซีอิ๊วขาวได้
    พอรสดีแล้วใส่เส้น ต้มต่อ10นาที หรือพอเส้นนุ่ม ใส่หมูยอปิดไฟ

    ข้าวเปียกเส้น ก๋วยจั๊บเวียตนาม จ๊าว

    ตักใส่ถ้วย ปรุงรสตามมัก มีพริกแดงตำดองน้ำส้ม พริกป่น ต้นหอม ผักชีหั่น แล้วกะหอมแดงเจียว พริกไทยป่น

    ข้าวเปียกเส้น ก๋วยจั๊บเวียตนาม จ๊าว

    เชิญแซบจ้า ส่วนโตติ๋ม กะว่าพอกินอยู่ แต่กะคือสิบ่เฮ็ดเป็นอาหารหลัก โดนๆกินเทือ

    ข้าวเปียกเส้น ก๋วยจั๊บเวียตนาม จ๊าว
    แก้ไขครั้งสุดท้ายโดย ติ๋ม เปอร์โย; 29-03-2010 at 04:26.


  2. #2
    น้ำตาล
    Guest
    เอื้อยติ๋ม...กะเป็นตาแซบยุเด้หละเบิ่งไปดีๆๆกะคือก๋วยจั๊บบ้านเฮานิหละเนาะเอื้อย...เป็นตาลองเบิ่งยุ...

    ปล.ไปกินใหม่เด้อเอื้อยผัดผักบุ้งนะพอดีหลายเมนูแม่ครัวสับสนจ้า..อิอิ

  3. #3
    มิสบ้านมหา 2008 - 2009 สัญลักษณ์ของ หมูหวาน
    วันที่สมัคร
    Sep 2007
    กระทู้
    1,478
    บล็อก
    5
    เป็นตาแซบเนาะ เคยกินอยุ่รสชาติคือเข้าต้มยามเช้า อิอิ::)::):g

  4. #4
    ตาแซบเนาะ ข้าวเปียกเส้น มันสิคือข้าวขนมเส้นบ้านเฮาบ่ฮึ::)

  5. #5
    Membership renewed สัญลักษณ์ของ Sweet_M
    วันที่สมัคร
    Oct 2007
    ที่อยู่
    USA
    กระทู้
    1,243
    เหมียวเ่ลิ่ดอยากกินแฮงๆ พี่ติ๋มแต่ว่าหาซื้อเส้นบ่ได้จ้า เมนูนี้เอาไปเลย 5 ดาวจ้า

  6. #6
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    มาอีกแล้ว...ของแปลก..ก๋วยเดี๋ยวจั๊บติ...บ่เคยรับประทานดอกครับ...

  7. #7
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    เพิ่นเอิ่นก๋วยจั๊บญวน หรือ ก๋วยจั๊บอุบล ตั่วเอื้อยทางบ้านไก่กะเฮดดู๋ยุจ้า ของมักยามเส่าซื้อถุงละ2-3 บาทกัดก้นถุงกินไปโรงเรียน ::)

  8. #8
    โพดเอิ้นได้หลายชื่อเนาะไก่น้อย แต่หนี่เอื้อยกะจดเอาชื่อจากข้างถุงหั่นหละ อิอิ เทือแรกหละที่พี่ได้กิน

    บ่แม่นของแปลกดอก เจ้าบ่แสวงหากินเองอ้ายโจ้ ปานนั่นว่าอาหารเส้นมักทุกอย่าง ผ่านตาเจ้ามาได้จั๋งใด๋

    น้องเหมียวพี่กะพึ่งเห็นเส้นแห้งเทือแรกคือกันจ้า อยู่เมืองนอกนี่หากินยากอยู่อิหลีหละหล่า กะซั่นน้องเหมียวกะหลังไมค์ที่อยู่มาเด้อ เอื้อยสิส่งเส้นแห้งไปให้จ้า

    เชิญแซบจ้าทุกๆคน เฮ็ดบ่ยากดอก รสชาดบอกบ่ถืก คือข้าวต้มเครื่อง กว๋ยจั๊บ โจ๊ก แต่บ่คือขนมจีนดอกเด้อบ่าวธีร์ อิอิ


Tags for this Thread