มื้อนี่ติ๋มหยุดงานอยู่บ้าน กะเลยเอิ้นหมู่ที่ฮักกันมาหลายปีมายามหา เพื่อนติ๋มคนนี้เขาเล่นอยู่เว็บครัวไกลบ้านจ้า
กะเลยซวนมาอยู่บ้านมหานำซะเลย หาแนวร่วม อิอิ กะคุยกันถืกคอคือเก่า โดนๆพ้อกันเทือเนาะหมู่
หมู่กะหมู่คนไทย ฟังภาษาอิสานเฮาบ่ค่อยฮู้เรื่องปานใด๋(แล้วเราจะได้แปลให้ตัวเองหรือเปล่าเนี่ย อิอิ)
คนไปมาหายามกันคุยกันแล้ว กะต้องมีกินข้าวกันบ้างเล็กๆ น้อยๆ กับข้าวกะเดิมๆจ้า บ่หลายอย่างคือเมืองไทย
แต่หนี่กะสุดยอดแล้วขอบอก กะมีตำหมากเขือยาวเผาเป็นน้ำพริก8)กินกับสะเดาลวก อิอิ เพื่อนบ่นว่า ขมปี๋กินเข้าไปได้ยังไงเนี่ย::)
แกงส้มปลาค่อใส่ดอกแค+ผักบุ้งไทย+ผักกระเฉด เดี๋ยวมาบอกสูตรมื้อหลังจ้า อันนี่เพื่อนย้องว่า "คนอิสานอะไรวะ แกงส้มได้อร่อยจัง"
ย้องกินเป็นคัก แต่ข้อยกะดีใจที่หมู่กินได้ และที่ขาดบ่ได้ ส้มตำ กับปีกไก่ทอด แล้วกะข้าวเหนียวฮ้อนๆ ขอจี่หอยอ้ายภูมากินกับส้มตำแหน่อ้าย
แต่กรรมเวรหมู่ติ๋มกินเป็นข้าวจ้าวเลย ตักข้าวเหนียวใส่จาน ตักกับข้าวราด แต่ปานนั่นยังบอกว่า อร่อยทุกอย่าง พะนะ::)
อย่าหัดมีหมู่เป็นคนอิสาน ได้กินข้าวเหนียวแทนข้าวจ้าวบ่ จำไว้
เชิญแซบนำกันโลดจ้า
Bookmarks