มื้อนี่ นอนตื่นซะเกือบเที่ยง บ่ไดเฮ็ดงาน วันหยุด อิอิ หยุดบ่คือบ้านเขา แต่ช่วงบ่ายต้องไปประชุม
ย่านบ่มีหยังกินมื้อแลงกะเลย สับปลาแดกบองไว้ อีกอย่างย่านมาบ้านค่ำนำ บ่มีเวลาเฮ็ดกับข้าวจ้า เลิกค่ำอิหลี
มาเบิ่งเครื่องปรุง อันนี่ตามประสาคนไกลบ้านจ้ากะมี ปลาร้ากระป๋องบ่ต้องหลายซำนี่หละ จกออกมาล้างน้ำ
เครื่องเทศเมื้อหั่นแล้วต้องนำไปคั่วให้เบิด เพื่อความหอม มีข่า ตะไคร้ หอมแดง กระเทียม คั่วโลด แล้วตำให้ละเอียด
พริกแห้งคั่วป่นไว้ ใบหมากกรูดซอย หมากขามเปียก คึดว่ามีทอนี่หละ จำบ่ได้::)
ลงมือสับปลาแดก พอแหลกแล้วใส่หมากขามเปียกสับรวมกัน แล้วใส่เครื่องเทศ สับต่อไป
จนได้ที่ จับโยนลงครกพริกป่น ตำรวมกัน ปรุงรสด้วยน้ำปลานิดหน่อย ผงชูรส ถ้าบ่กินใส่น้ำตาลแทนนิดหน่อย
เมื้อรสดีแล้วตักออกใส่ถ้วย ถ้วยสีน้ำเงินนั่นดิบจ้า ถ้วยสีชมพูนั่นคั่วสุกแล้ว ไผมักแบบใด๋กะตามซำบายจ้า
Bookmarks