โอ้ยยพี่น้อง บ้านมหา ข่อยคึดพ้อตะคราวอยู่นำเเม่อุ้ย เพื้นพาไปตัดใบเตย
มันบ่เเมนใบเตยที่เฮา เอามาเอ็ดกินเด้อ อันนี้มันเป็นเตยหนาม ภาษากลางเขาเอิ้นว่า
..ปาหนัน..
เตยหนามนิตามบ้านข่อย มันสิเกิดอยู่ตามป่าดอก ปลายโคกกะมี ตีนผีป่าช้าเเฮงหลาย. ใบคล้ายใบเตย เเต่ว่าลำใบสิยาวประมาณ 5-6 วาเเล้วสิมีหนามคล้ายใบหมากนัด เเม่อุ้ยเพิ้นพาหยู่ล้อ ไปตัดเอามาสานเป็นสาด เอาไว้ชัดข้าวเขียบ บางเทื่อหนูกะกัดหมุนเบิ่ด อิอิอิอิอิอิ สูนเเละเพิ้น
หลังจากที่ตัดมาเเล้ว เพิ้นกะเอามาเลาะหนามมันออก เเล้วกะผ่าใหามันใด่ 2 ใบบ่เเม่นผ่าคึงใด ผ่าคือเฮาจักตอกนิล่ะ ทางยาว.ให่มันใด่ส่วนเท่ากัน เเล้วบาดนิเฮากะเอาไปขัดให่มันเเบๆ วิธีเเม่อุ้ย เพิ้นพาเอ็ดคือ เอาเกี่ยวใส่เสาเเล้วขัดบาดนิ คึดภาพออกบ่
หลังจากขัดเเล้วกะเอาไปตากไว่ อยู่ชานให่มันนิ่มเเละเเห้งคักๆ ประมาณ 3-5 มื้อพุ้นล่ะเเล้วบาดนิกะเอามาสาน เอ็ดเป็นเสื่อละ เเต่สุมื้อนิบ่ค่อยมีเตยหนาม เลาะบ้านเเล้ว
บางคนกะบ่ฮู้เลย ว่าเอ็ดจังใด สิมื้อนิเขาพากันต่ำสาดผือ
-------สาดผือ หลังข้าวขึ้นเล้าใด่ 2 เดือนผุสาวไทบ้านกะพากันต่ำสาดผือ เอาไว่ขาย ไว่ปูสู่เเขก บางคนกะเอาไว่สมมา ปู่ย่าห่าได่ผัวใหม่ว่า อิอิอิอิอิ.
ผือทางบ้านข่อยบ่มีหลาย มีเเต่กก เเต่มันบ่ยาวเเถมเส้นเเลบ ต่ำยากพร้อม ไทบ้านเลยต้องพากัน ไปเกี่ยวเอาอยู่ ตะวันฟาร์ม ข้ามน้ำสงครามไปทางหนองคายพุ้นล่ะ.
นั่งรถอีเเตนไป คนล่ะ 15 บาท.มักหลายข่อยนิไทบ่ย่านปีงเนาะ พอฮอดกะลุยเลยเลือกเอาต้นใคใหย่เเน่มันจักต่ำง่าย เเล้วเร็วพร้อม บางคนกะดึงเอาบางคนกะเกี่ยวเอา
มื่อนึ่งข่อยใด่ 3 มัดใหญ่กะต่ำสาดใด่ 3-4 ผืน. พอมาฮอดเฮือนเฮากะตัดดอกมันออก
เเล้วก่ะผ้าคึ่ง เเล้วตากเเดดไว้ เเยกยาวสั่น เเล้วบาดนิเฮากะสร้างเฮือนต่ำสาด ไผเคยเอ็ดสิฮู้ยุ เเล้วบาดนิกะเเหย่เชือก ใส่กับ พืม ต่ำสาดเเล้วเเต่สิเอาลายใดกว้างตามความยาวของผือ เเล้วเฮาต้องเอ็ดไหม่เเหย่สาดนำ เเล้วบาดนิหลังจากตากผือ จนเเห้งเเล้วกะเอาไปย้อมสี ต่างๆเเล้วเอามาต่ำยาดนิ. ถ้าไทเเหยาไทต่ำเอ็ดเร็ว กะสิใด่มื้อล่ะผืนคึงพุ้นใด. ใด่มาเป็นผืนเเล้วกะเอาไปปู จองม่องนั่งเบิ่งหนังตั้วบาดนิ หึสิเอาไปปูหลังฮ้านหมอลำ เล่นผีผ้าห่มกะเเล่วเเต่เด้อ กะระวังไทตีกันเเน่สิกู้สาดเเลนบ่ทันใด่.::)
-----จักสิเป็นความรู้ให่ไทบ่จักเเน่จักหน่อยบ่น้อ รึว่าอ่านเเล้วกะบ่สนใจ เพราะชุมื้อนิบ่ใด่นั่งสาดผือ สาดเตย เเล้วเพราะมันเจ็บก้น นั่งเเต่เก้าอี้นุ่มๆกะเลยบ่สนใจ.