เช้าของวันเสาร์ บักสีเทา กะตื่นแต่เช้าเอางัวเอาควายไปล่ามไว้ท่งนา แล้วกะกลับมากินข้าวงาย กับพ่อกับแม่ตามปกติ
พอกินข้าวอิ่มแล้วกะได้เวลาที่บักสีเทาต้องออกไปปล่อยงัวเลี้ยงแล้ว บักสีเทากะเลยบอกแม่ห่อข้าวให้
**แม่ห่อข้าวให้แน...
แม่กะเลยบอกว่า
***ห่อกับหยังหละกับข้าวกินเบิดแล้ว
บักสีเทากะเลยเฮ็ดหน้าจ๋อยพร้อมกัเว่าขึ้นว่า
**คันสั่นเอากับแจ่วกะได้
ทันใดนั่นรถขายไอติมกะมาพอดี บักสีเทากะเลยบอกแม่ว่า
**แม่ๆๆบ่เอาแล้วแจ่ว.....ชื้อไอติมใส่ห่อเข้าให้ข่อยแน
แม่กะเลยไปชื้อให้ แล้วบักสีเทากะไปเลี้ยงงัว ตามปรกติ
หมู่เลียงงัวนำกันกะหลาย คน บักสีเทากะเล่นไปนำเลี้ยงงัวไปนำพอเล่นเมื่อยแล้วบักสีเทาหิวข้าวบ่านนี่กะเลยชวนหมู่มากินข้าว บักสีเทากะถามหมู่ว่า สูๆ สูห่อข้าวกับหยัง หมู่กะตอบว่า กับปิ้งกบ ปิ้งเขียด หมกปลา ไปแล่ว
แล้วหมู่กะถามบักสีเทาคืนบ่าน แล้วมึงหละห่อกับหยัง
บักสีเทาเลยเอาออกมาอ้างหมู่ แต่เมื่อเปิดกระติบข้าวออกมา กะเห็นแต่ไม้ไอติมเปล่าๆๆ บักสีเทาเคียดแฮงว่าไผมาลักกินไอติมแล้ว กะเลยฮ้องออกมาเสียงเทิงเคียดแฮงดังว่า
**ไผมาลักกินไอติมกู จ่งไว้แต่ไม้นี่ อย่าให้กูฮู้เด้อออออ**
Bookmarks