กำลังแสดงผล 1 ถึง 10 จากทั้งหมด 10

เฒ่าโป้ยก่ายขอลำ อาวศรีเป่าแคน

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    เฒ่าโป้ยก่ายขอลำ อาวศรีเป่าแคน

    บัดนี้ โป้ยมาขอกล่าวต้าน...ไปตามเรื่องในเสียงลำ... สิได้นำคติพต...กล่าวแถลงในวันนี้
    พอเป็นแนวทางซี้...ดีบ่ดีอย่าฟ้าวด่า...ลำไปตามที่เห็นมา...ว่าไปตามท้องเรื่อง...
    อย่าเคืองข้าว่าบ่ดี...ตกมาในสมัยนี้...สมัยพัฒนาการ...พากันสร้างผลงาน...รัฐบาล
    ได้นำชี้...มีแต่แนวเจริญขึ้น...ทางตึกลานบ้านช่อง...ทางด่วนเป็นข้องน่อง...สลับซ้าย
    ผ่านขวา...เบิ่งแล้วเป็นมั่วมั่ว..จักทางต่ำทางสูง...มาเบิ่งเอาเด้อคุณลุง...ฮุ่งเจริญทางเมืองบ้าน...ทางอี่สานเฮาพุ้น...กะคือกันด้านขันแข่ง...บ่ว่าเช้าว่าแลง...พากันแตกอยู่บึมบึ้ม...เทิงสาวน้อยหนุ่มคนอง...ผมโป้ยก้ายนี่กะได้แต่จ้อง...ยามเห็นผ่านเดินกาย...
    เป็นกระวนกระวาย...อั่งพระทัยใจกลุ่ม...ผู้ลางคนเพิ่นกะหุ้ม...ปกเอาแต่หม่องแม่น...
    บ่อยากเว้าให้มันแปน...ปกแต่นาไฮ่น้อย...ทางข้อยอยู่บ่เป็น...เบิ่งแล้วหัวใจเต้น...
    เนื้อสะเม้นขนคีงลุก...เส้นกระตุกคือหนาว...สั่นทรวงบาดยามจ้อง...ผมโป้ยก่ายพออยาก
    ต้องลองบายหม่องเพิ่นว่า...คือสิปานขึ้นชั้นฟ้า...สวรรค์น้อยอยู่ใจ...พออยากหยับเข้าใกล้...เอาบ่าไล่ไปซูนอก...บ่แม่นผมลามก...หากแม่นเป็นคือควมเว้า...ขออภัยเด้อซุมเจ้า...คันโตผมเฒ่าโป้ยก่าย...อย่าหาว่าเป็นต่าหน่าย...คันควมลำบ่ถืกต้อง...ลองฟังเล่นพอม้วนหู...ลำไปตามที่เห็นฮู้...บ่มีครูอ้อป่อง...ว่าไปตามทำนอง...วาทขอนแก่นฝ่ายก้ำ...คันดีฮ้ายให้ค่อยฟัง...มาบัดนี้ผมสิได้หยุดยั้ง...สิขอเอ่ยลาลง...ขอให้ลุงอาวอาอยู่สะบายอย่ามีฮ้อน......ละน่า

  2. #2
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    เถิงหม่องฟ้อนแล้วบอกข่อยแนเด้อ...ข่อยอยากฟ้อนใส่..อิอิ

  3. #3
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,855
    ฮ่า ฮ่า ฮ่า ว่าไปท่านโป๊ยก่ายว่าไป ทิดคําศรีเจ้าไปยืมแคนในหมวดเสียงแคนมาประกอบแหน่เด้อ

  4. #4
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    นางเอกหมอลำอยู่นี่เด้อ อิ อิ

  5. #5
    ฮ่วย...อ้ายจารย์มาลำม่วนแท้หละเจ้า
    อ้ายทิดเลามีความสามารถพิเศษ บ่มีแคนเลากะใช้ปากซื่อๆเป่าเป็นเสียงแคนได้ เคยได้ยินอยู่แหม๋ อิอิ

    บ่าวสายฟ้า เพลงเจ้าคือบ่ดัง มาเปิดใหม่เด้อ อยากฟังหั่นน้า

  6. #6
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ...โอ๊ยยย ให้อาวท็อปทดลองโพสต์เบิ่งซื่อๆดอก แคนเป่าเหล่นอัดกับโทรศัพท์มือถือ บ่อไหวดอกเสียงแตกเป็นตาหน่าย เทิงบ่อเข้ากับทำนองลำ เลยลบซะดอก คนสิมาฟังหลาย เพิ่นสิว่าหมู่เมาเหล่าเป่ายามบุญบั้งไฟ อิ อิ...

  7. #7
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ฮ้วย...อาวทิตมื้อบุญบ้านเฮาเจ้าอย่าลืมแบกแคนเจ้าไปนำเด้อ
    ข้อยเตรียมกลอนลำไว้ถ้าลำใส่แคนเจ้าไว้หลายกลอนอยู่ตั้ว
    ข้อยสิเอาขันน้อยกับสาดเหี้ยนไปนำพร้อมพอได้ค่ารถ อิอิ
    ไผอยากฟังโป้ยก่ายลำสดๆใส่แคนอาวทิตศรีอย่าลืมไปโฮมบุญบ้านเฮาเด้อ

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    บู๋ยย จะแม่นเพิ่นเข่ากันดีตะหน่ายน้อ >:d..เป็นด๋ายคณะโต้รุ่งลำเพลินแม่ะญาอ้ายเทิ้งจ๋อง อุอุ..คือสิปูสาดซอดแจ้งเนาะ..คริๆๆ..

  9. #9
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    คือว่าหละนางเอ้ย เป็นนำศรีคนเท่พาเพเมาบ่ซ่วง เอาจนว่าซอดแจ้งจั้งลาร้างห่างกันหล้าเอ้ย
    ขอบใจน้องมิกหลายๆเด้อ ที่อุตส่าหอบถุงปุ๋ยย่างเลาะนำซุมผีบ้า ฮ้าฮ้า
    บ่อยากเว้าหลายไทบ้านเพิ่นสิได้ยินนำ

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    ย่อนเห็นพวกอ้ายม่วนๆ กะดีใจนำนิล่ะอ้ายเอ้ย..คั่นบ่ยากนำน้องผู่น้อย>:d กะว่าสิไหลซอดแจ้งนำอยู่ดอกเด้อญาอ้าย....