ก้อยปลาค้าวใส่มดแดง
ฅนภุไทกลับบ้านไปงานบุญเดือนสาม(ตรุษภูไท) พากันไปตึกแหได้ปลาค้าวมาโตบักใหญ่ กะเลยเอามาก้อยใส่มดแดงกินกัน มาเบิ่งกันเลยครับ
หน้าตาปลาค้าวกะเป็นจั่งซี้หละ (ภาษาไทยเอิ้นปลาเค้า อยู่ในวงศ์เดียวกันกับปลาเนื้ออ่อน)
เอามาแล่หนังออกเอาแต่เนื้อ หั่นเป็นชิ้นๆบางๆ แล้วเฮากะเอามดแดงมาใส่คนให้ทั่ว ทิ้มไว้ให้มดแดงเยี่ยวใส่จักยี่สิบนาที แล้วกะเอามาปั้นน้ำออก
ทีนี้เฮากะมาปรุงได้เลย เอาหมาพริกป่น ข้าวคั่ว ต้นหอม ผักชี ผักชีฝรั่ง สาแหน่ ลงไป คลุกเคล้าให้เข้ากันปรุงรสตามใจชอบตักใส่จานเสริฟได้ทันที 8)8)8)
ตักใส่จานเสริฟได้ทันที
ก่อนกินควรสิกรึ๊บบักสองซาวจักสองกรึ๊บเด้อ 8)8)
ปล. การรับประทานเนื้อปลาน้ำจืด ที่ยังปรุงไม่สุกสิเฮ็ดให้เป็นพยาธิใบไม้ตับได้ ควรสิปรุงให้สุกก่อน หรือไม่กะควรสิถ่ายพยาธิอย่างน้อยปีละสองครั้ง
Bookmarks