น้ำตาไหลจากบ้าน

คำร้อง-ทำนอง คุณป้าลำซิ่ง ศิลปินบ้านมหา
น้ำตาไหลไกลจากบ้าน มันแสนที่ทรมาน มาไกลบ้าน ดอกลิ๊บลี่
ได้ลาห่างไกลหนี มีแต่อุ๊กอั่งเอ้า คิดนำเจ้า พ่อแม่นาง
แนวเคยอยู่เคียงข่าง มีอีหยัง ได้เอิ้นใส่
เดี๋ยวนี่จากมาไกล น้ำตาไหลลาดแก้ม
สิแนมได้ กะบอเห็น

ย้อนจำเป็นจังไกลเจ้า มาหาเอา ดอกเงินหมื่น
บอว่าวันหรือคืน อดทนฝืนอดกลั้น อยากเมือบ้าน นั้นอีหลี
หรือแมนซาติก่อนกี้ กรรมเวรมี ได้นำจ่อง
ได้ไกลจากพี่น้อง ได้ฮำฮ้อง ดอกห่วงหา

หรือแมนซาติก่อนหน่า นางได้เอานกน้อย พรากแม่ ดอกมันมา
นางเคยเอาลูกกา พรากแม่มัน ดอกมาเลี้ยง
ซาตินี่เคือง มานำทื่น มาเอาคืน ทื่นเข้าใส่
นางได้รับชดใช้ กรรมทำไว้ ย้านแมนจริง

พรากลูกลิงเอามาตุ้ม กรรมมารุม ดอกคุมยอง
พรากลูกนกขุนทอง มาขังกรงจ่องไว้ กะเลยได้ ดอกใส่กรรม
ซาตินี่ได้ชอกช่ำ กรรมก่อน ได้ฮอนเห็น
กรรมพาเวร นำไป ได้ห่างไกล ดอกลั้ยบ้าน

ทรมาน ได้นอนให่ น้ำตาไกลจากแม่ เด้หนอ
ไกลจากน้อ พ่อเจ้า บิดาเหง่าให่อยู่เย็น
ย้อนจำเป็น จังไกลบ้าน หนีเฮือนซาน บ้านพ่อแม่
ว่าแมนกรรม น้อแท่แท่ หาทางแก้ กะบอมี กรรมเวรเอ้ย?