มาลาพี่น้องบ้านมหา จากเพื่อเจอเนาะจ้า

**ติ๋ม เปอร์โย** · 24-02-2008, 19:03

ตอนนี่ติ๋มกะกำลังจัดเตรียมกระเป๋าหละเนาะ เดินทางมื้ออื่นเช้าเวลา6.00น/เวลาไทยกะเที่ยงพอดีจ้า
ฮอดเมืองไทยเช้าวันอังคารหละเนาะ เป็นการเดินทางที่แสนไกล และยาวนานอิหลี
แต่กะเต็มใจแล้วกะดีใจเพราะสิได้กลับบ้านที่จากมาโดนเติบแล้ว
ติ๋มอยู่ไทย3อาทิตย์ บ่ฮู้ว่าสิได้เข้าเนตมายามพี่น้องบ่ เพราะติ๋มมาจากดินอิหลี บ้านห่างไกลความเจริญคักอิหลี
จังใด๋กะพ้อกันงานบ้านมหาพาแลงเนาะจ้าพี่น้อง ติ๋มมาแน่นอน อ้ายบ่าว น้องติ๊กพ้อกันวันที่7มีนาคมจ้า8)
เดี๋ยวเดิกๆมีรูปมาให้เบิ่ง อิอิ คึดฮอดพี่ๆน้องๆทุกคนจ้า

**ฅนภูไท** · 24-02-2008, 19:19

ยินดีต้อนรับสู่มาตุภูมิครับน้องติ๋ม ขอให้เดินทางโดยสวัสดิภาพ

**บ่าวบ้านโคก** · 24-02-2008, 19:21

บ่าวบ้านโคกกะขอให้เดินทางโดยสวัดิภาพทั้งเที่ยวไปและเที่ยวกลับเด้อครับ และกะขอให้มีคาวมสูขหลายๆๆ ที่ได้กลับบ้านเฮาครับ
ปล. จังใด๋กะกินอาหารไทยเพื่อแน่เด้อครับ
บ่าวบ้านโคกครับ

**ศรีสะท้าน** · 24-02-2008, 19:35

ยินดีต้อนฮับกลับมายามบ้านยามเมือง ดีใจนำน้องสาวหลาย เดินทางปลอดภัยเด้อหล่า

ปล. เห็นว่าแถวบ้าน(อุดร)บ่อค่อยมีสัญญาณโทรศัพท์ เวลาสิโทรต้องปีนต้นหมากยมขึ้นคุยโทรศัพท์ พะนะ ขึ้นไปกะจับง่ามันดีๆแหน่เด้อหล่ะ อย่าคุยเพลิน หลงส่าวผั่นสิท่วนเบ๊บ! ส่ำสอบข้าวตกรถกระบะเด้นาง อิ อิ เป็นห่วงอะหนา

**ไอ้เก่ง คนเลย** · 24-02-2008, 19:37

ถ้าโดนแล้วเด้อ....................................มาพ้อกัน..........ฝันเป็นจริงแล้ว:g

ขอต้อนรับพร้อมกับดอกไม้จากใจจริงครับ

**ตรี ศรีเมืองใหม่** · 24-02-2008, 20:03

ขอให้เดินทางโดยปลอดภัยเด้อครับ..พี่น้องบ้านมหาทุกคนยินดีต้อนรับสู่บ้านเกิดเมืองนอน ครับ หมายเหตุ หมอลําซิ่งเอกชัยกับหมอแคนแอวดี ทิดคําศรี อ้ายเตรียมใว้ให้ในงานบ้านมหาพาแลงแล้วเด้อ..มามั่วหน้าฮ้านได้เต็มที่เลยครับ วันที่ 8 มีนา

**ศรีสะท้าน** · 24-02-2008, 20:15

อั่น..ท่านสมาชิกผู้ไปฮ่วมงานกะอย่าลืมถีบ โอ๊ะ ทิปหมอแคนเด้อ เหรียญบาทบาทเหรียญห้าฮอดแบ็งค์พัน..เอาเหมิด เตรียมกะต่าไว้แล้ว คันซี้นเหลือกะขอแหน่ พอได้ไปคั้นส้มสู่ผู่อยู่เฮือนกิน อิ อิ อิ