ฟังเพลงลูกทุ่งเก่า ฟังเพลงลูกทุ่งเก่า หมอลำ ดนตรีอิสานออนไลน์ (ใช้อ้างอิงข้อมูลเท่านั้น)
หมอลำซิ่ง, ดนตรีอีสาน, อาหารอีสาน, การละเล่นพื้นบ้าน, บ้านมหาชวนชิม, มุมนักเขียน, ประเพณีอีสาน, ข้อคิด, ผลสอบ มสธ., สมุนไพรไทย, นิทานพื้นบ้าน, ปรัชญาชีวิต, คอร์ดกีต้าร์, พระเครื่อง, ฟังเพลงลูกทุ่ง

กลับไป   ฟังเพลงลูกทุ่งเก่า หมอลำ ดนตรีอิสานออนไลน์ (ใช้อ้างอิงข้อมูลเท่านั้น) > คำผญา สุภาษิต ภาษา ศิลปะ และวัฒนธรรมอีสาน > คำผญา สุภาษิต
บ้านมหา ชุมชนคนอีสาน คลื่นเพลงลูกทุ่ง หมอลำ คู่มือการใช้ รายชื่อสมาชิก ปฏิทิน ทำสัญลักษณ์ว่าอ่านแล้ว
 
คำสั่งเพิ่มเติม เรียบเรียงคำตอบ
เก่า 12-01-2006, 12:11 PM   #1
hot
 
กระทู้: n/a
มาตรฐาน ผญาเศร้า

คันสิเว้าไปแล้ว........... ควมฮักมันหนักอก
แสนวิตกนำเด้........... ผู้เพิ่นมีแฟนเค้า
บาดใจเขานั้นมาปลิ้น........... จั่งแปลเป็นแนวใหม่
ถิ่มคนใจเที่ยงแท้.......... ให้นอนเศร้าอั่งมโน
เว้าถึงโตผู้ข้า.......... กะเป็นอยู่คือกัน
โทษสวรรค์กะบ่คือ........... ย้อนว่าเฮาคนฮ้าย
ถึงว่าใจเที่ยงแท้............. เขากะลาปะปล่อย
แม่นบ่ผิดจักน้อย........... เขากะเว้าว่าบ่ดี
แนวว่าใจเขานั้น............. บ่เคยฮักเฮาเลย
เพียงแต่เปรยวาจา.......... ให้คึดนำคำเว้า
เลยได้เหงาแสนซ้ำ........... คึดนำ คนิงต่อ
ใจเฮาหม่อเงี่ยงค่อย......... น้ำตากลั้นกะบ่ไหว
สวยพอปานนางฟ้า.......... ใจเพิ่นปานนางมาร
คอยประหารดวงใจ......... ให้เน่านวมทางเนื้อ
กลายเป็นเสือเบิดสิ้น....... เชิงชายลายบ่จ่ง
เคยทนงแก่กล้า............. คราวนี้ผัดบ่ไหว
เจ็บปานใจสิแตกม้าง ....... บัดเขาห่างเฮาหนี
นอนเกือกปัฐพี............... ห่อนฮนอุราฮ้อน
นอนกะนอนบ่ได้.............. น้ำตาไหลเปียกบ่อน
กินสิสองมือซ้อน........... ปากอ้ากะบ่ไหว
ตายแล้วน้อคราวนี้......... มันแสนทุกข์ทรมาน
อ่อนล้าแฮงสังขาร.......... สงบลงขันธ์ห้า
เหลือวาจาสุดท้าย.......... ฮักอาลัย ผู้สาวเก่า
มื้อนี้ตายย้อนเจ้า........... บ่ขอเว้ากล่าวหยัง
สิบ่ติโทษท้วง................. ปวงสิ่งศักดิ์สิทธิ์
สิ่งสถิตทั้งหลาย............. สิบ่มีเวรข้อง
ทุกข์ที่เจ็บนำน้อง........... เฮาเองเป็นคนก่อ
ต่อจากลมหายใจสิ้น........... อโหสิแล้วคู่สู่อัน........



 
ตอบพร้อมอ้างถึงข้อความเดิม
เก่า 12-01-2006, 04:25 PM   #2
ไก่น้อย
แฟนเพลงน้องใหม่
 
วันที่สมัคร: Aug 2006
ที่อยู่: นครโคราช
กระทู้: 4,180
ไก่น้อย has a reputation beyond reputeไก่น้อย has a reputation beyond reputeไก่น้อย has a reputation beyond reputeไก่น้อย has a reputation beyond reputeไก่น้อย has a reputation beyond reputeไก่น้อย has a reputation beyond reputeไก่น้อย has a reputation beyond reputeไก่น้อย has a reputation beyond reputeไก่น้อย has a reputation beyond reputeไก่น้อย has a reputation beyond reputeไก่น้อย has a reputation beyond repute
มาตรฐาน Re: ผญาเศร้า

เขียนผญาได่ม่วนอิหลี เอ๊า ..ส่อยกันอนุลักษณ์ของดีไว่ส่อยกันเนาะ ให้ขวัญถุงไว่ 1 คะแนนเด้อคะ
ไก่น้อย is offline   ตอบพร้อมอ้างถึงข้อความเดิม
เก่า 12-06-2006, 02:56 PM   #3
NUTTAVUS
 
กระทู้: n/a
มาตรฐาน Re: ผญาเศร้า

อันว่าความฮักนั้น............สิสัมพันธ์แน่นเกี่ยว
ใจต้องบ่ลดเลี้ยว.............ลวงล่อหลอกกัน
คำว่า"ฮัก"คำเดียวนั้น.......บ่ห่อนอยู่คงทน
หนีจากกันบ่โดน.............กะสิไลลืมถิ่ม

ความฮักได้ก่อเกิด..........ความเข้าใจให้เติมต่อ
ให้เรียนรู้พบพ้อ.............ใจซึ้งต่อกัน
ความสัมพันธ์แนบแน่น.....ต่างฝ่ายต้องยอมรับ
ปรับตัวเองให้ได้.............ใจแจ้งที่ประสงค์

ความไว้ใจริเริ่ม...............สิทธิ์มนุษย์ให้เกีย รติ
อย่าได้คิดเคียดแค้น........ระแวงหวาดต่อกัน
ความฮักเกี่ยวเก็บได้........ใจหากขาดซึ่งสะพาน
สิเบื่อหน่ายต่อกัน............อีกบ่นานกะลาร้าง
ทั้งสองคนสิเจ็บช้ำ...........มโนในอุกอั่ง
ฮักคราวหลังบ่คืนฟื้น........แผลใจช้ำเน่านูม.....

  ตอบพร้อมอ้างถึงข้อความเดิม
เก่า 12-07-2006, 01:53 PM   #4
hot
 
กระทู้: n/a
มาตรฐาน Re: ผญาเศร้า

ผู่ไดน้อคือแต่งม้วนกะด้อแท้......(หย่องเจ้าของกะเป ็น) ฮิ ฮิๆๆ
  ตอบพร้อมอ้างถึงข้อความเดิม
เก่า 12-11-2006, 08:18 AM   #5
แป้งป๋อง
 
กระทู้: n/a
มาตรฐาน Re: ผญาเศร้า

อิอิ ย้องตะของ
  ตอบพร้อมอ้างถึงข้อความเดิม
เก่า 12-13-2006, 08:41 AM   #6
hang
 
กระทู้: n/a
มาตรฐาน Re: ผญาเศร้า

มีเป็นคน จนเป็นหมา
ว่าโตกะคัก เพิ่นแห่งกะด้อ ว่าโตนั่งจ้อก้อ เขานั่นแห่งนั่งตอ
เฒ่าเสียดาย ตายเสียชื่อ
นาสองเหมือง เมืองสองเจ้า เย้าสองเขยคะลำ
เสือตายเพราะหนัง ช้างตายเพราะงา พระยาตายเพราะสมบัติ
เสือกะว่าเสือดี หมีกะว่าหมีหาญ ฟานกะว่าฟานกล้า ม้ากะว่าม้าแล่นหัน
เห็นดงเป็นบ้าน เห็นเมืองเป็นป่า เห็นท่าน้ำเป็นด้าวด่านเสือ
นกอีเอี้ยงกินหมากโพธิ์ไทร แซวแซวเสียงบ่มีโตฮ้อง แซวแซวฮ้องโตเดียวเหมิดหมู่
สิบตำลึงอยู่ฟากน้ำ อย่าฟ้าวอ่าวคนิงหา สองสลึงมามือ ให้ฮีบกำมาเมี้ยน (อย่าหวังในสิ่งที่ไกลตัว)
แนวบักต้อง บ่ห่อนหล่นไกลกก แนวผมดกบ่ห่อนมีหัวล้าน (ลูกไม้ย่อมหล่นไม่ไกลต้น)
เลือกผักถืกบ้ง เลือกขาจ้งถืกขามะเฮ็ง (เลือกนักมักได้แร่)
อย่าได้เก็บดอกหว่านบ้านเพิ่นมาชม ให้เจ้าอดสาดมดอกกระเจียวแคมฮั้ว (ให้รักสาวบ้านใกล้)
บ้านใกล้ป่าได้อยู่เฮือนเพ บ้านใกล้เซบ่ได้กินปลาแดก (ใกล้เกลือกินด่าง)
เดือนหกให้หว่านกล้า เดือนห้าให้แต่งไถ (ทำให้ถูกกาละเทศะ)
ยืนให้เหลียวเบิ่งป่อง นั่งย่องย่อให้เหลียวเบิ่งหว่างขา (ทำอะไรให้ระมัดระวัง)
ผักอีตู่เตี้ยต้นต่ำใบดก กกบ่ทันฝังแน่นสังมาจีจูมดอก ฮากบ่ทันหยั่งพื้น สั่งมาปิ้นป่งใบ
แนวนามเชื้อเสือจำศีลอย่าฟ้าวเชื่อ บาดห่าเห็นต่อนเนื้อศีลสิม้างแตกกระเด็น
คิดต่อนาไฮ่หล่ง ฝนตกลงน้ำบ่อยู่คึดต่อเจ้าผู้ฮู้ คึดต่อชู้ผู้นี่ย่านมีชู้หมื่นคน
ใจประสงค์ตั้งหวังชมแก้มอ่อนๆ ไผสิชมก่อนอ้ายคองถ้าเบิ่งมือ พี่สิเพพังบ้างฝาแดนกลางให้ขาดถ่อง พังทั้งอู๋แอ่งน้ำให้เป็นเฟื่องทั่วเฮือน
เจ้าผู้ซุปผักติ้วเพพังย่อนปลาแดก ครั้นเอาผัวแต่น้อยพาเจ้าให้หน้าดำ
เจ้าผู้เครือผักส้ม บ่สมเครือผักไส่ ข้อยผู้ฮ้ายบ่สมเจ้าผู้ดี
เจ้าอย่าป๋าข่อยไว้กลางไฮ่เป็นหมู่กา เจ้าอย่าป๋าข่อยไว้กลางนาเป็นหมู่ไก่ เจ้าอย่าป๋าข่อยไว้ไลถิ่มให้เปลี่ยวพลอย
ชาติสิเป็นหงส์แล้วบ่ลดต่ำลงเป็นกา คำพาทีไขบ่หลอกลวงตั๋วเจ้า คำว่าเอาเอานั่นพระยาหงส์ผู้สูงสง่า บ่ลดความได้เว้าให้เขาเอิ้นว่ากา
ตกกะเทินว่าได้กำคอแข้บ่มีวางให้หางฟาด มีตั้งแต่สิเน้นคอแข้ใส่ตม
ตกกะเทินได้จ้ำสิเป็นแกงหรือป่นกะตามถ่อน มีตั้งแต่สิคุ้ยเหมิดถ้วยจั่งสิเซา
ตกลงว่าได้สู้บ่มีถอยให้เขาด่า นับแต่สิเดินหน้า ถอยก้นแหม่นบ่มี
ครั้นได้ลงเฮือแล้วสิพายไปให้เถิงฝั่ง ครั้นแหม่นฝั่งบ่กว้างตัวเจ้าให้ส่อยพาย
ครั้นว่าฮอดแล้วสิหมายฝากพระไมมิตร พันธะนังติดหมื่นปีบ่ไลเจ้า ว่าสิเอาใจข้อยความตายเกิดห่วม บ่ให้คลาดแล้วสิหมายมั่นใส่หมอน
ความใจถ้วยให้ตักแกงลงใส่ ครั้นแหม่นบ่วงบ่ซ้อนสิลงท้องได้จั่งได๋
ความใจอ้ายสิเป็นตายกะบ่ว่า ว่าแต่ทางอ้ายเลี้ยงตัวข้อยสิค่อยตาม
อย่ามาตี๋แถลงเล่นเห็นข้อยเป็นคนโง่ อย่ามาเฮ็ดอวดโอ้ โตนั้นเก่งหลาย
ทุกข์ง่อมหงอทุกข์ง่อมหง่อ ขอทานกินก้มซ่อมส่อ ใจดีเผิ่นกะให้ ใจฮ้างว่าบ่มี
ทุกข์ยากฮ้ายกายก่ำผอมโซ ยากนำโตบ่มีเงิน เผิ่นบ่ถามเถิงจ้อย
เห็นว่าดำขี่หลี่อย่าฟ้าวขี่เฮือกาย เห็นว่าดำคอยลอยอย่าฟ้าวพายเฮือเว้น บาดว่าเฮือแตกลำค่อยล่อยยังสิได้ยู้ส่อย ครั้นบ่เอิ้นใส่ข่อยสิไปเอิ้นใส่ไผ
ตกกะเทินได้เหล้น เหล้นสาให้มันม่วน ตกกะเทินได้กวน กวนสาให้มันขุ่น กวนขุ่นแล้วซิวกุ้งกะสิงอม
เป็นสาวจ้อยจ้อยควายตมบ่อยากขี่ บาดห่าได้ลูกน้อยบายขี่ก่อนงาย
หมวดทุกข์สุข

ทุกข์เพิ่นบ่ว่าดี มีจั่งว่าพี่น้อง ลุงป้าเอิ้นว่าหลาน
ทุกข์คอบปาก ยากคอบท้อง เคยแล้วอยู่บ่เป็น
ทุกข์บ่มีเสื้อผ้า ฝาเฮือนเพกะพออยู่ ทุกข์บ่มีข้าวอยู่ท้อง นอนลี้อยู่บ่เป็น
ทุกข์กายอยู่ได้ ทุกข์ใจอยู่ยาก
ทุกข์ให้เลี้ยงม้า กำพร้าให้เลี้ยงหมู
บ่ทุกข์บ่ยาก บ่อึดบ่อยาก
มีเงินเว้าได้ มีไม้เฮ็ดเฮือนงาม
มีเงินให้เพิ่นกู้ มีซู้ให้เพิ่นเล่น (นี่กะทุกข์)
สุขเพราะมีข้าวกิน สุขเพราะมีดินอยู่
สุขเพราะมีคู่นอนนำ สุขเพราะมีคำเต็มไถ่
สุขเพราะมีเฮือนใหญ่มุงแป้นกระดาน สุขเพราะหลานหลายนั่งเฝ้า
อยากทุกข์ให้เป็นนายคน อยากสาละวนให้เอาเมียน้อย
อยากจนให้ขี้ถี่ อยากมีให้ทาน
อยากทุกข์ให้เป็นนาย อยากซำบายให้เป็นแหล่ง
อยากทุกข์ให้ค้าควย (ควาย) อยากรวยให้ค้าโบกค้าเบี้ย
อยากมีหลายมันไฮ้ อยากได้หลายมันตาย
อยากมีให้ยืมเงินเพิ่นไปค้า อยากขึ้นฟ้าให้ฆ่าเจ้าเอาของ
ทุกข์ยากฮ้าย ขอขอดแลงงายก็ดี อย่าได้ลืมคำสัตย์ เที่ยงจริงคำมั่น
ผญาคำตลก

สาวนมโต้นลงโพนอย่าสิแหล่น บาดเจ้าคาดลาดล้ม นมสิโต้นแต่หลัง
จู๋บู๋หน้านมตูมตั้งตุ่ม ลูกบ่ดูดผัวบ่งุ้มสิมีไว้เฮ็ดหยัง
ไม้ใหญ่หงำนา ขาใหญ่หงำหี
สาวงามแพ้หี งัวพีแพ้ป่า
ลูกสาวเดียวให้ไปซ้อนฮวก เต้นข้วมบวกหีฉีกคุงดาก
ยามไปไฮ่ผัดว่าเจ็บขา ยามไปนาผัดว่าเจ็บท้อง บาดฮอดยามเข้าห้องก่องแก่งปานลิง
  ตอบพร้อมอ้างถึงข้อความเดิม
เก่า 12-17-2006, 11:06 AM   #7
deksersa
 
กระทู้: n/a
มาตรฐาน Re: ผญาเศร้า

อืมมมมมมมมมมมมม อ่านได้ แปลได่นิดน่อย กำส์ของหมวยน้อย

ให้คะแนนเจ้าจอง กระทู้


  ตอบพร้อมอ้างถึงข้อความเดิม
เก่า 12-22-2006, 04:04 PM   #8
ศรีสะท้าน
 
กระทู้: n/a
มาตรฐาน Re: ผญาเศร้า

......คึดฮอดเจ้าได้ทนอยู่ไปตามกรรม แสนคึดนำห่วงใน ใจอ้าย
สายคอแก้ว เธอไกลหนีจาก พรากพี่ไว้ เทียวไห่ ฮ่ำฮอน
คึดอ้อนต้อน คำเก่าเคยจา เถิงเวลา เจ้าจากไกลลืมอ้าย
กลายไปหน่า คงบ่อหาผู้ได๋เปรียบ เจ้าเหยียบ อกบักอ้าย ตายเมี้ยนมุ่นเพ...นั้นแหลว...
  ตอบพร้อมอ้างถึงข้อความเดิม
เก่า 12-22-2006, 04:40 PM   #9
สาวบ้านนา
 
กระทู้: n/a
มาตรฐาน Re: ผญาเศร้า

อ้างถึง:
กระทู้ต้นฉบับโดยคุณ ทิดคำศรี
......คึดฮอดเจ้าได้ทนอยู่ไปตามกรรม แสนคึดนำห่วงใน ใจอ้าย
สายคอแก้ว เธอไกลหนีจาก พรากพี่ไว้ เทียวไห่ ฮ่ำฮอน
คึดอ้อนต้อน คำเก่าเคยจา เถิงเวลา เจ้าจากไกลลืมอ้าย
กลายไปหน่า คงบ่อหาผู้ได๋เปรียบ เจ้าเหยียบ อกบักอ้าย ตายเมี้ยนมุ่นเพ...นั้นแหลว...

จ้า ฮู้แล้ว จ้า คั่กน้อคึดฮอดข่อยนิ แหม....
  ตอบพร้อมอ้างถึงข้อความเดิม
เก่า 12-22-2006, 04:46 PM   #10
ศรีสะท้าน
 
กระทู้: n/a
มาตรฐาน Re: ผญาเศร้า

...ป๊าดดด คือกล้าเตะเข่า โกล์ เจ้าของแท้ว่ะ เพิ่นนี้แมะ...คักเนาะคึดฮอดข่อยนิแมะ...พะนะ ปากแมะ
  ตอบพร้อมอ้างถึงข้อความเดิม


คำสั่งเพิ่มเติม
เรียบเรียงคำตอบ
แบบตามยาว แบบตามยาว

กฎการส่งข้อความ
คุณไม่สามารถเริ่มหัวข้อใหม่ได้
คุณไม่สามารถตอบกระทู้ได้
คุณไม่สามารถแนบไฟล์ได้
คุณไม่สามารถแก้ไขกระทู้ของคุณเองได้

โค้ด vB ใช้ได้
[IMG] โค้ด ใช้ได้
โค้ด HTML งดใช้
กระโดดไป

เวลาทั้งหมดอยู่ในเขตเวลา GMT +8 และเวลาในขณะนี้คือ 07:40 PM


Powered by vBulletin รุ่น 3.6.8 Copyright ©2000-2014, Jelsoft Enterprises Ltd. by Baanmaha
บ้านมหา ดอทคอม