View RSS Feed

เว็บบล็อก PJ ขามป้อม


แนวอยู่แนวกิน ภาค 2 (ช่วงพายุเข้า)

Rate this Entry
อาทิตย์ที่ผ่านมา พายุเข้าฝนเลยตกซู่มื้อ นอนดีเป็นตาหน่าย อิอิ บ่ค่อยได้ไปไสเลยหลังเลิกงาน กินแล้วกะนั่ง นั่งแล้วกะกิน
กินแล้วกะนอน จนสะกลิ้งได้แล้ว







ประเดิมกันด้วยเมนูแรก ข้าวปุ้นจ้า น้ำยาลาวๆ น้ำปลาแดกนัวๆ






ต้มปลาใส่ยอดบักส้มโมง ซดน้ำฮ้อนๆ กับตำหุ่งเผ็ดๆ







ห่อหมกไข่ปู(ซื้อเพิ่นมา) + ลาบปลาทูน่ากระป๋อง






แกงเห็ดเฟียงใส่บักอื๋อ แกงแบบบ่มีน้ำยานางจ้า ย่างไปเลาะอยู่หลังบ้านกะบ่พ้อ พ้อตะยุง
กินกับตำแจ่วพริกดิบ ปิ้งปลาแห้ง เสียตะบ่ได้นึ่งข้าวเหนียว






เบื่อข้าวล่ะ อยากซดฮ้อนๆ กะพอดีเห็นมู๋น้อยเพิ่นตั้งกระทู้ก๋วยจั๊บอุบล หรือก๋วยจั๊บญวน แต่ทางอุดรฯ บ้านขามป้อมเอิ้น ข้าวเปียกเส้น มื้อนี้ใส่ตรีนไก่+หมูยอ








แกงเห็ดเวอร์ชั่นใส่ยานางบาดนี่ แม่โมจิไปซอกหามาให้ตะตลาดเช้า ทางหาดแม่น้ำพะนะ เห็นว่าหมู่อยากกะเลยเอามาฝาก ขอบคุณหลายๆจ้า แกงแล้วกินอยู่สองมื้อจั่งเบิด ตามด้วย ยำปลากระป๋อง
(บ่ได้ซื้อดน ปลาป๋องคือแพงคักแท้)






ปิดท้ายบล็อกนี้กับแซนวิสแฮมชีส อบฮ้อนๆ กับมื้อที่เกิดเบื่อๆ จักสะกินหยังดี พ้อกับบล็อกหน้ายามหมั่นจ้า อิอิ
แท็ก: ไม่มี แก้ไข Tags คำค้นหา
Categories
Uncategorized

Comments

  1. สัญลักษณ์ของ บ่าวจัย
    มีตะแนวเป็นตะแซบเนาะครับ อยากกินไปเบิ่ดเลย น้ำลายไหล ซู๊ดๆๆๆๆ
  2. สัญลักษณ์ของ นู๋น้อย
    :b-b:b-b เอาไวน์นำด้า
  3. สัญลักษณ์ของ ร้อยหมื่นพันไมล์ไกลบ้าน
    เข้ามาท้องร้องจ้อกๆ หิวๆๆๆอยากกินตำหุ่ง กับหนมจีนจ้า
  4. สัญลักษณ์ของ บักขามป้อม
    อ้ายบ่าวจัย มู๋น้อย พี่หน่อย สวัสดีจ้า มาๆ จ้า หยับๆ มานั่งกินนำกันหลายๆคนจั่งแซบเนาะ กินหยังกะบ่แล้วพริกเขือเกลือปลาร้าบ้านเฮาแม่นบ่จ้า คนอิสานเฮาไปอยู่ไสกะบ่ตาย ถ้ามีปลาแดก อิหลีเด้นี่ 555หน่ายผู้ลังคนสะกินไวน์แกล้มตำหุ่ง อิอิ พี่หน่อยจ้า น้องต้มน้ำปลาแดกเองเลยจ้า ส่งข่วมน้ำข่วมทะเลมาตะอุดรจ้า กินปลาแดกอยู่ไสกะบ่แซบท่อปลาแดกเฒ่าแม่อยู่เฮือน สีกต่อนได้สนิทใจ ปราศจากสารปนเปื้อน อิอิ
    Updated 24-09-2010 at 12:52 by บักขามป้อม
  5. สัญลักษณ์ของ นู๋น้อย
    บ่แม่นด้า เขากินไวน์แกล้มลูกชิ้น ฮ้าๆๆ
  6. สัญลักษณ์ของ นู๋น้อย
    บ่แม่นด้า เขากินไวน์แกล้มลูกชิ้น ฮ้าๆๆ