pcalibration


แอ่วเมืองยศ

Rate this Entry
หนุ่มอุบลคนโก้ สิมาโอ๋น้อยอ่อน ยโสธรบ้านใกล้ หัวใจว่างแหน่บ่น้อ บ่ได้ตั๋วหลอกล้อพอให่จ่มระทมจิต..หมายสิมาเป็นมิตร หม่อมพระนางทางพ ี้เจ้าผุ่โสภีหน่า ปานดาราก่ะบ่แหม่น สาวบ้านแคนลุมพุก ทุกคนสบายบ้อ บุญบั้งไฟเคยพ้อ เสียดายน้อบ่ทันเอ่ย ได้แต่ยิ้มเป้ยเป้ย ก่ะเลยซ่ำส่ำบ่เห็น
บ่าวสาวเหล่นเต้นฟ้อน ออนซอนขบวนแห่
่เทียวแต่แลแล้วแล้ บ่เห็นแม้ตั้งแต่เงา
คิดฮอดเจ้า ได้นั่งเจ่าหวนหา เลิงนกทาคนสวย บ่อ่วยมาหาจ้อย ไปลอยลอยคือลมอุ้ม
สาวกุดชุมบ่คืนถิ่น เสียงเพลงไผ่-ไอดิน
ศิลปินนักร้อง ยังเทียวฮ้องส่งเสียง
ฝากสำเนียงมาอ้อน ยศสุนทรเมืองเก่า อ้ายก่ะยังมักเจ้า คือเค้าตั้งแต่เดิม

Updated 08-09-2010 at 16:01 by pcalibration

Categories
Uncategorized

Comments

  1. สัญลักษณ์ของ sompoi
    บุยยย ครบไป้เอื้อยพี ส่างบ่พาไปเลาะทางสามจว.ภาคใต้เบิ่งแน่ะเนาะอ้ายเนาะ
  2. สัญลักษณ์ของ อาวอ้วนเมืองยศ
    แนะคือไปบ่ทันเบิดเด้หละอ้าย หรือว่าข้อความตกหล่นยุหม่องได๋น้อ
    สาวป่าติ้ว มหาชนะชัย ไทยเจริญ ค้อวัง เพิ่นสิบ่น้อยใจติอ้าย อิอิ
  3. สัญลักษณ์ของ pcalibration
    เช็คเรตติ้งคนเมืองยศสุนทรลองเบิ่งครับอาวอ้วน
    ก่ะสิมาต่อเติมให้จนครบทุกอำเภอเพราะชีวิตจริงๆไปมาแล้ว
    ทุกอำเภอในเมืองยศ...ที่สำคัญ..เป็นเขยเมืองยศโตจริง
  4. สัญลักษณ์ของ pcalibration
    บ่ได้มีไผเพิ่มยัง เอิ่มเติ่มสดใส นาสะไมย์ขาวนวล พี่สิชวนไปอ้อน
    มาสะออนเหลือล้ำ หัตถกรรมสานไม้ไผ่ แกะสลักจากแผ่นไม้
    ลายไทยแท้ตั้งแต่ดน บ้านท่งมนท่งแต้ เคยแวไปส่อง
    บ้านตาดทองแต่เค้า มีคนเว้ากันต่อมา
    เรื่องลูกชายกำพร้า ฆ่าแม่โตตาย โมโหหิวจนตาลาย
    ลืมบาปบุญคุณโทษ
    Updated 03-06-2011 at 11:20 by pcalibration