View RSS Feed

นู๋น้อย


สบายดีบ่..อ้าย

Rate this Entry


อยากจิถามความใจอ้าย ยังสบายดีบ่น้อพี่
งานการดี หรือบ่รุ่ง หรือหยังยุ่งอยู่คือหลัง
หรือได้ดีคือใจตั้ง ดั่งก่อนเก่าเฮาเคยถาม
หรือว่าอ้ายคนงาม โก้เด่นเห็นใหม่แล้ว
หรือว่าใจชายแป้ว บ่มีแววจิหวังอยู่
นางอยากถาม ถึงข่าวชู้ผู้เคยอ้อนก่อนนิทรา

คิดฮอดคำวาจาเว้า สองเฮาเคยอ้อนต่อ
คิดฮอดคำเคยง้องอล น้อน้องผู้แสนง้อล
คิดเห็นตอนที่เคยฮ้าย ยามบ่สบายเป็นไข้ป่วง
คิดเห็นตอนที่หยังห่วง ถึงหวงน้องที่ยากงาน
ถึงกับส่งสารข้อความท้อ ว่าให้พอให้เซาเมื่อย
ยังคิดฮอดอยู่เรื่อยๆ ถึงอ้าย ผู้..ห่างไกล
แท็ก: ไม่มี แก้ไข Tags คำค้นหา
Categories
Uncategorized

Comments

  1. สัญลักษณ์ของ บ่าวกุดชุม
    คิดฮอดไผน้อน้องหล่าเอ๋ย คือว่าจั่งชั่นๆๆๆๆๆๆๆๆๆๆๆๆๆๆ
  2. สัญลักษณ์ของ นู๋น้อย

    คึดฮอดคนที่บ่คึดฮอดเฮา
    คึดฮอดแต่คะเจ้าบ่เซาส่วง
    คึิดแล้วกะป่วงคือบ้า ยามได๋หล่าสิจางหาย
    มันมีอยู่บ่อ้าย ยาลืมได้ หล่าอยากลืม

    จักว่าคิดฮอดหยังบุ๊ละอ้ายลูกชิ้น หน่ายเจ้าของแฮงแดวนี้
    Updated 20-01-2011 at 11:58 by นู๋น้อย
  3. สัญลักษณ์ของ ผู้เฒ่าสมุย
    บืยยย...ท่านเลขาคืออารมณ์แท้น้อ..คิดฮอดไผน้อบาดนี้...ฮือว่าคิดฮอดทางสมุยบ่น้อ.อิอิ:l-:l-:l-
  4. สัญลักษณ์ของ นู๋น้อย
    จั่งว่าเด้ละบาดนี้ หาคนจิให้คึดฮอดบ่พ้อ บ่บอก...อยู่ในใจเสมอแม้ว่า เขาและเธอจะอยู่ห่างไกล พะนะ :l-:l-
  5. สัญลักษณ์ของ สหายพง
    หัวใจคิดฮอดฮู้เต็มอยู่ในอก
    แม่นสิทรมานทกทั่งสะเทือนบ่เลือนล้าง
    แนมนำทางคือเห็นหน้าวาจาเคยเว้าต่อ
    โอละนอบัดนี้แสนไกลฮ้างห่างสะเทิน
    ปากสิกูกกล่าวเอิ้นก็เกินส่งเสียงสดับ
    ยามเมื่อตาเว็นลับล่วงลาคึดหาเจ้า
    มีแต่โศกาเศร้าเหงาใจอาลัยห่วง
    อ้ายยังหวงคึดนำดวงดอกแก้ว ผกาเกล้าผุก่องแซง นู๋น้อยเอ้ย..หิ้วๆ