นู๋น้อย
ฝากเสียงลำถามเสียง....ใจ
by
, 04-04-2011 at 18:01 (1855 เปิดอ่าน)
ฝากเสียงลำน้อคำร้อง ใส่จังหวะทำนองส่งจากน้องให้ถึงพี่
เป็นจั่งได๋น้อคนดี เฮ็ดโอทีหรือว่างเว้นบ่เห็นหน้าผู้บ่าวมา
หรือว่าลืมน้องหล่า คนเคยจาทุกเช้าค่ำ
ฝากเสียงลำคอยออดอ้อน ก่อนนางน้องจิอ่วยนอน
มีบางตอนเสียงลำห่าว บางตอนจนสาวได้ไห้ต่อ
น้ำตาคลอเสียงอ้อนเว้า เสียงลำเจ้า...นั้นอ่อนไหว
มื้อนี้ใจน้องนางหล่า คึดอยากจาภาษาม่วน
ทุกกะบวนเอิ้นหย่าวฟ้อน ตามเสียงร้องของพี่ชาย
ทุกความหมายจากใจนั้น สื่อถึงกันใจความว่า
ฝากเสียงลำย้ำเตือนต้อง ทำนองเอื้อนว่าบ่ลืม...ฮะเอ่ยเอ้ยพี่ชายเอ่ย
จักสิลงท่าได๋ หาหม่องลงบ่พ้อ