นู๋น้อย

อ่อมกบ กินแลง

Rating: 2 votes, 5.00 average.
ค่ำๆยามแลงวันเสาร์ หลังเลิกงานส่วนมากจะไปเลาะตลาด หาแนวอิสานบ้านเฮามาเฮ็ดกิน พอต่อชีวิตให้บ่คิดฮอดบ้านปานได๋ แม่นแท้ช่วงนี้ทางบ้าน อาหารการกินอุดมสมบูรณ์คัก เห็ดปลวกกะออกหลาย ปลาซิว ปลาส้อยกะบ่อึด ความคึดตอนแรก ว่าอยากกินหมกปลา แต่ไปฮอดปลาบ่มี เห็นแต่กบน้อย กับผักหลายๆอย่าง กะเลย เปลี่ยนเมนู อิอิ กินอ่อมกบ กะได้

ใส่ผักหลายๆจั่งบ่อ้วน อิอิ




อิกะปู ยามนี้ถืกยุจ้า ปิ้งละ 20 บาท แต่คั้นเป็นยามแล้งละ ปิ้งละ 25 บาท



กบน้อย ขีดละ 10 บาท



ล้างอิกะปูให้สะอาด แกะดอง แล้วตำคั้นเอาแต่น้ำ



ล้างกบน้อย ให้สะอาด ถอดเสื้อให้เรียบร้อย สับเป็นต่อนๆ



ยกหม้อน้ำอิกะปูขึ้นค้างไฟ แล้วกะตำแจ่วบักพริก ลงใส่ ตามด้วย เกลือ น้ำปลาร้า พอหม้อเดือดใส่ กบ ตามด้วยผัก อย่าง บักแข้ง บักเขือ ผักที่สุกยากๆลงก่อน แล้วกะใส่ดอกแค ตามไปติดๆ



ผักสุกแล้ว ใส่ชูรส ชิมเบิ่งแล้ว แซบนัวพอดี กะใส่หอมผักกะแยง กับ ผักชีตามลงไป ก็เป็นอั่นเสร็จ





ตักเสิร์ฟ



แม่นจะมีเมนูหยังกะส่าง อั่นนี้กะขาดบ่ได้ ิอิ

Submit "อ่อมกบ กินแลง" to แชร์ไปที่ Facebook Submit "อ่อมกบ กินแลง" to แชร์ไปที่ Twitter Submit "อ่อมกบ กินแลง" to แชร์ไปที่ Printerest

แท็ก: ไม่มี แก้ไข Tags คำค้นหา
Categories
Uncategorized

Comments

  1. สัญลักษณ์ของ จ่าเหลือง
    ฮ่าๆๆๆ เมนูกบ นี้ เห็นยามได่ น้ำลายไหล อิอิ แต่ขอเป็นกบถอดเสื้อเด้อ ครับ
  2. สัญลักษณ์ของ บ่าวกุดชุม
    บ่ต้องถอดดอกอ้ายหมวด บ่แซบ ผิดธรรมชาติ ต้มส้มๆๆกะแซบบ่ค่อย
  3. สัญลักษณ์ของ นู๋น้อย
    อ้ายจ่าเผิ่นมักแบบถอดเสื้อ จ้าพี่น้องทางกุดซุม

    :l- ได้หลายๆก่อนจั่งจิต้มส้มสู่กินด้า พ่อบักหามแหล่ อิอิ
  4. สัญลักษณ์ของ เซียนเมา
    น่ากินคักเลยครับ ผมงงว่าอ่อมกบใส่น้ำอิกะปู รสชาดกับกลิ่นมันสิเป็นแบบใด๋
    คือสิหอมเนาะครับ แบบว่าบ่เคยกินอิหลีครับเมนูนี่
    ขอบคุณสำหรับสูตรครับ หากมีโอกาสสิลองเฮ็ดเบิ่ง
  5. สัญลักษณ์ของ pcalibration
    เป็นตาแซบอยู่ครับ..
    อั่นแต่หว่า..มาอยู่ไทดนมันกะเลยเป็นแหยงๆ
    บ่แหม่นขี่เดียดหรืออะเฟดดอกครับ...หยืยส์
  6. สัญลักษณ์ของ สาวเมืองยศ
    โอ๊ยยยยยน้ำลายไหลเอาส่งทางสวิสแนเป็นหยังจักถ้วย555

Trackbacks

Total Trackbacks 0
Trackback URL: