View RSS Feed

ดอกสะเลเต พลัดถิ่น


คึดฮอดคนไกล..

Rate this Entry
บอกเลยว่าลางเทียกะฮู้สึกคึดฮอดเขาอยู่บ้าง ทั้งๆที่เฮาสองคนกะฮอดบ่ได้เป็นอีหยังกัน บ่ได้สนิทสนมกันปานใด๋ ฮู้จักกันกะบ่ดน ..

บ่เข้าใจคือกันเป็นหยังคือเป็นแนวนี้ จากกันไปก็หลายเดียน เป็นหยังคือบ่ลืมเขาไปหนอหัวใจ? ฮู้ทั้งฮู้ว่าบ่มีสิทธิ์สิได้พ้อกันอีกแล้ว เขากับเฮาคืออยู่กันคนละโลก กะฮู้อยู่แก่ใจ เป็นหยังบ่ตัดใจแล้วลืมเขาไปจักเทีย ..

คึดหยังไร้สาระ บ่เจียมโตเอาซะเลย ..

เฮ้อ! เขาสิฮู้บ่น้อ สิฟังภาษาเฮาออกบ่? สิฮู้บ่ว่ามีคนแอบคึดฮอดเขาอยู่ไกลๆ คอยส่งแฮงใจไปให้เขาได้ต่อสู้กับปัญหา ..

เขาคงบ่เข้าใจเฮาสินะ บ่อยากสิสนใจคนๆนี้จักเม็ด ..

เฮ้อ! อีหยังน้อหัวใจ สะมาปั่นป่วนวุ่นวายแท้น้อ แมนควมฮักบ่น้อนี่นอ?

Updated 25-07-2012 at 07:02 by ดอกสะเลเต พลัดถิ่น

แท็ก: ไม่มี แก้ไข Tags คำค้นหา
Categories
Uncategorized

Comments

  1. สัญลักษณ์ของ lungyai1123
    มันบ่ทันแมนควมฮักดอกหล่ามันแค่ความคิดฮอดคิดถึงซือๆบ่ดนถ่อได๋เดี๋ยวกะลืมเพราะมันมีเหตุผลของมันอยู่ในตัวฮั่นหละ.ถ้าแมนของจริงเจ้าบ่ได้มาเว่าให้เพิ่นฟังแบบนี้ดอกหล่า.ใจเจ้ากะสิฮ้อนฮนอยากเห็นหน่าอยากพูดคุยอยากเฮ็ดหยังที่คนฮักกันอยากให้มันเกิดนั่นหละ..."ความฮัก"
    Updated 08-08-2012 at 07:39 by lungyai1123 (แก้ไขตัวหนังสือ)
  2. สัญลักษณ์ของ ดอกสะเลเต พลัดถิ่น
    กะฮ้อนฮนอยู่ด่อกลุง แต่มันเฮ็ดหยังบ่ได่หลาย อยู่กันคนละทวีปเลย สิข้ามฟ้าไปหาแนวใด๋ อิอิ ^^