เว็บบล็อก PJ ขามป้อม

ระเบียงผักสวนครัว

Rate this Entry
ระเบียงผักสวนครัว ชื่อนี้กะย้อนว่า ปลูกอยู่ระเบียงห้องนอนชั้นที่สองจ้า ปลูกใส่กระถางเอาจ้า ดินกะซื้อดินสำเร็จรูปเอาจ้า อิอิ แรงบันดาลใจของการปลูกเทื่อนี้กะหย้อนเอื้อยสะดิ้งจ้า เห็นเลาปลูกแล้วกะเลยคึดอยากปลูกเบิ่งซั่นดอกจ้า แต่สถานที่
กะบ่อำนวยปานได๋จ้า กะเลยเอาแบบนี้ล่ะ :l-

ผักที่ปลูกกะเน้นๆ ตะแนวที่ได้กินเกือบๆซู่มื้อจ้า แต่ถ้าไปซื้อเพิ่นมา เอามาใส่ตู้เย็นไว้ กะกินบ่ทันจักเทื่อ เหี่ยวถิ่มก่อน แม่นแท้ ผักอีตู่กับใบกระเพราเด้อ กินบ่ทันจักเทื่อ ใบเป็นสีดำก่อนทุกเทื่อเลยจ้า

แต่ว่าก่อนหน้านั้น กะมีกระถางผักอีตู่อยู่สองกระถางจ้า ผู้ลังคนมาเหน็บไว้ให้ 2 ง่า ง่าล่ะกระถางจ้า ตะตอนปีใหม่พุ้น กะงามดีอยู่จ้า แต่กะเบิดอายุการใช้งานหวั่งเดือน มิถุนายนที่ผ่านมาหั่นล่ะ ตายจ้อย ยังเบี้ยน้อยๆ อยู่ 2 -3 ต้น กำลังประคบประหงมอยู่





ภาพรวมๆ จ้า ผักทั้งเบิดกะมี หอมเป(ผักชีฝรั่ง) เบี้ยผักอีตู่ ต้นหอมแบ่ง(พอได้เก็บใส่ป่น) ต้นหอมป้อม(ผักชี) แล้วกะผักกาดฮิ่นจ้า อ้อมีแกมหมู่อยู่กะคือ ต้นส้มเสี้ยวพะนะ จักมาจั่งได๋ สงสัยมานำดิน:l-






อันนี้เป็นผักหอมป้อม ตอนหว่านใหม่ๆจ้า ใจกะฮ่ำฮี่ฮำฮอน ว่าสะเกิดให้บ่น้อ ตะเก่าเพิ่นว่าผักหอมป้อมเกิดยากคัก บ่ลองกะบ่รู้








ต้นหอมแบ่งจ้า ปลูกไว้นำกระถางส้มเสี้ยวนี่ล่ะ กำลังป่งจ้า






ป่งมาแล้วผัดแหย่กันโพดเนาะ อิอิ ขามป้อม แยกกระถางออกมาไว้แล้วจ้า เอาไว้แกมกระถางหอมป้อมพร้อม



อันนี้ผักกาดฮิ่นจ้า เกิดแล้ว หว่านเบิดซองเลยจ้ากระถางน้อยๆ หนึ่งกะดาย ย้านมันบ่เกิด ใหญ่ให้บ่น้อบาดนี้ ซะมาแหย่กันคักแท้ คันสะหยอนช่วงนี้กะมีตะสะตายถิ่มท่อนแหล่ว งึดตะของ




ใหญ่ขึ้นมาอีกนิดแล้ว แห่งใหญ่แห่งแหย่กัน





ผักหอมป้อมกะเกิดแล้วคือกันจ้า เย้ๆๆๆ สำเร็จ ไผว่าเกิดยากเนาะ บ่ยากจักเม็ด (พุ่นแหล่วคุยตึ่มตะหาก) แต่กะต้องติดตามตอนต่อไปจ้า

เพราะว่าต้นหอมกะซงเป็นบ่ค่อยแข็งแรงปานได๋ ย้อนว่า ระเบียงนี้ แดดส่องตะยามบ่ายสาม ฮอดหกโมงแลงท่อนั้น เฮ้อออ

อันๆ หอมป้อมกระถางนี้ นอกจากมีต้นหอมมาแกมแล้ว ขามป้อมกะยังเอาก้านใบกระเพรามาเสียบไว้อีกจ้า ลุ้นๆ คือกัน ว่าสะติดให้บ่

Submit "ระเบียงผักสวนครัว" to แชร์ไปที่ Facebook Submit "ระเบียงผักสวนครัว" to แชร์ไปที่ Twitter Submit "ระเบียงผักสวนครัว" to แชร์ไปที่ Printerest

Comments

  1. สัญลักษณ์ของ ไผ่หวาน
    ถ่าเบิ่งยุจ้า เดี๋ยวเข้ามาใหม่เด้อ
  2. สัญลักษณ์ของ บักขามป้อม
    มาแล้วจ้าเอื้อยไผ่หวาน ขอบคุณหลายๆจ้าเอื้อยที่แวะมาเยี่ยมยามจ้า อันๆ มื้อวานว่าสะอัพแล้วจ้า
    วันหยุดพะนะ แต่เวียกหลายคักจ้า หลายก่อวันธรรมดาอีก จักงานบ้าน จักสะไปหาซื้อเสบียงมากักตุนไว้ เมื่อยแอ้แล้เลยจ้าเอื้อย
  3. สัญลักษณ์ของ บักขามป้อม





    ต่อกันที่หอมเปเลยจ้า อยู่กระถางเดียวกันกับเบี้ยผักอีตู่ มีต้นหอมไปแกมนำ อิอิ :l-









    จบที่ฮูปล่าสุดมื้อวานนี้จ้า ผักกาดฮิ่นกะใกล้สะพอกินกับป่นแล้ว:l- ปลูกผักไว้กะพอได้แยงเช้าแยงแลงอยู่จ้าพี่น้อง ภูมิใจกับผลงานตะของพร้อม ย้อนว่าขามป้อมบ่ได้ปลูกผักดนแล้วจ้า อยู่บ้านกะเฒ่าพ่อปลูกตลอดเลย มาอยู่ไกลบ้านส่วนหลายกะมีตะซื้อกินเนาะ

    เดี๋ยวสะมาอัพรูปให้เบิ่งเป็นระยะเด้อจ้าพี่น้อง ขอบคุณซู่คนที่เข้ามาเยี่ยมยามบล็อกขามป้อมจ้า
    Updated 06-09-2010 at 13:06 by บักขามป้อม
  4. สัญลักษณ์ของ sompoi
    อิจฉาเด้เนาะ มีเม็ดได่เพาะสะดวกสบายดีคัก อีกเดวกะได่สำเร็จโทษละเนาะจ้า.. อิอิอิ
  5. สัญลักษณ์ของ บักขามป้อม
    เอื้อยมิก ขอบคุณที่แวะมาทักทายจ้าเอื้อย อันไนผักนี้ ขามป้อมซื้อเป็นซองๆ จ้า เดี๋ยวถ้าผักใหญ่พอกินกับป่นได้ น้องสะเก็บไปฝากเด้อจ้า อิอิ
  6. สัญลักษณ์ของ ไผ่หวาน
    หอมป้อมคือหอมหยัง เอื้อยบ่ได้ยิน อาจฮู้จัก แต่เอิ้นบ่คือกัน
  7. สัญลักษณ์ของ บักขามป้อม
    เอื้อย ผักหอมป้อม กะคือผักชี จ้าเอื้อย ผักชีหอม ที่ใส่แกงจืด กินกับสาคูไส้หมู หรือเอาไว้โรยหน้า พวกแนวกินแมะเอื้อย เอื้อยฮู้จักอยู่ดอกจ้า ขามป้อมว่า แต่อาจเอิ้นบ่คือกัน อิอิ เดี๋ยวขามป้อม ถ่ายรูปมาให้เบิ่งเรื่อยๆจ้า ถ่าให้มันใหญ่ก่อน
  8. สัญลักษณ์ของ เเมงสะดิ้ง
    กรี๊ดๆ...มาล่ะจ้าอิหล่าหง่าขามของเอื้อยดิ้งนี่เอย
    โอ๊ย...สะออนอก ปลูกผักเพื่อความสุข
    เพิ่มเพื่อชีวิต ให้มีชีวา เนาะหล่าเนาะ
  9. สัญลักษณ์ของ บักขามป้อม
    อิอิ จุฟฟฟฟฟฟฟฟฟ จ้าเอื้อยดิ้ง แรงบันดาลใจมาเองเลยบาดนี้ คักบ่ แต่ต้นหอมน้อง คือบ่เป็นตาอวบอ้วน ท่อปลูกลงดินดอกเนาะ เบิ่งซงแล้วแมะเอื้อย 555555555
  10. สัญลักษณ์ของ แจ่มใสยิ้มสวย
    ของพี่ก็กำลังงอก ต้องเอามาอวดบ้างซะแล้ว
  11. สัญลักษณ์ของ บักขามป้อม
    อิอิ ถ่าเบิ่งอยู่จ้าพี่สาว เอามาให้เบิ่งนำแหน่เด้อจ้า
    Updated 10-09-2010 at 17:51 by บักขามป้อม
  12. สัญลักษณ์ของ บักขามป้อม
    มื้อนี้ขามป้อมเอาความเปลี่ยนแปลงของผักมาให้เบิ่งจ้า ใหญ่ขึ้นมานิดหนึ่ง





    ผักหอมป้อม (ผักชี) ใหญ่ขึ้นมาแล้วจนเริ่มเห็นใบแฉกๆ เอามาฝากเอื้อยไผ่หวาน ที่ยังนึกหน้าตาหอมป้อมทันออก :l-





    ผักกาดฮิ่น กะเริ่มใหญ่มาจักหน่อย แต่ว่ากะบ่เต็มที่ ย้อนว่าแหย่กันคักโพด
    แลงนี้ล่ะ ขามป้อมว่าสะหยอนออกจักหน่อย พอให้มีเนื้อที่ระหว่างต้น





    เบี้ยผักอีตู่กะกำลังใหญ่ บ่ค่อยเห่อปานได๋ แงงเช้าแงงแลง การได้เบิ่งความเจริญเติบโตของผักแต่ละอย่างที่เฮาปลูกเอง
    กะเป็นความสุขทางใจ คือเอื้อยดิ้งว่าล่ะจ้า
  13. สัญลักษณ์ของ นู๋น้อย
    :b-b ไชโย ผักตู่ใหย่แล้ว หาหน่อไม้มาแกงใส่กะน้า :l- อั่นๆผักหอมนะ ใหย่ทันลงไปบ่เว้ย เหลือไว้แหน่ด้า เอาไว้ใส่แจ่วฮ้อนๆ ก๊ากกกกกกกก
  14. สัญลักษณ์ของ บักขามป้อม
    มู๋น้อย ทันล่ะเนาะ กำลังงามเลยล่ะ ฮอดยามนั้นนะ เอากบน้อยมานำเด้อ มาป่นกิบกับผักกาดฮิ่น อิอิ

Trackbacks

Total Trackbacks 0
Trackback URL: