View RSS Feed

นู๋น้อย


อู๋ปลาซิวทะเล

Rate this Entry
มื้อวานก่อนนู๋น้อยย่างไปตลาด เห็นปลาอั่นหนึ่ง คือปลาซิวบ้านเฮาแต่โตใหย่กว่า พ่อค้าบอกว่า เอาไปทอดหรือหมกกะได้ เข้าทางเลยบาดนี้ ฮ้าๆๆ อยากกินหมกปลาพอดี ซื้อมา 2 จาน 30 บาท :l-

ว่าแล้วกะลงมือเฮ็ดเลย ด้า หิวๆๆๆ
1.ล้างปลาซิวให้สะอาด พักไว้ก่อน



2.ตำแจ่วพริกสด ใส่ตะไคร้ หอมหัวแดง ตำพอละเอียดหน่อยๆ ใส่ลงไปในปลาซิว

3.ใส่น้ำปลาร้า (ของแซบ)ขาดบ่ได้ กับใส่เกลือ 2 หยิบมือ



4.ล้างผักที่มีตามบ้าน แต่คั้นเป็นยุบ้านกะสะมีหลายยุจ้ายามนี้ หุหุ นี้ซื้อมาแต่ตลาด มีดอกแค ผักชีลาว ต้นหอม แล้วกะพริกอ่อนที่แม่ฝากมาให้ แต่อาทิตย์ก่อน


5.ใส่ผักแล้วกะใส่ ชูรส หมากขามเปียก คนให้เข้ากันแล้วกะปิดฝาหม้อรอให้ผักสุก ใส่ผักกะแยง ทีหลัง ถ่าอีกบึดใจ กะได้กินแล้ว หน้าตาออกมาแบบนี้จ้า ออกเค็มจักหน่อยเด้อ จั่งว่าแซบ

:b-b:b-b:b-b
แท็ก: ไม่มี แก้ไข Tags คำค้นหา
Categories
Uncategorized

Comments

  1. สัญลักษณ์ของ บ่าวจัย
    ข้าวเหนียวมาจ้ำนำแนน๊าน้องหล้า เป้นตะแซบแท้วะ
  2. สัญลักษณ์ของ บักขามป้อม
    โอ๊ยยย อยากกินอู๋ปลาซิวทะเลเด้ ไปกางดางก่อนน๊ามื้อแลง ห่าเทื่อได้มาอู๋แมะ อิอิ
  3. สัญลักษณ์ของ เเมงสะดิ้ง
    เห็นน้ำปลาแดกแล่วอยากซดแม่ะอิหล่านู๋น้อย