หนุ่มน้ำยืน

ดีใจได้เมือบ้าน

Rate this Entry
มีโอกาสได้เมือยามบ้าน หลังจากบ่ได้ไปตั้งหลายปี เลยถือโอกาสหาหย่างเลาะนำหมู่บ้าน สิได้คือผุบ่าว(เฒ่า)มาแต่กรุงเทพฯแหน่ มาสะดุดตากะนี่เลยคับ




เคยเห็นแต่ศาลหลักเมือง อันนี้จักเขาเอิ้นศาลหลักหยัง ย่านแม่นศาลหลัก(หมู่)บ้านอยู่เด้อคับ ศาลนี่ตั้งอยู่หน้าโรงสีประจำหมู่บ้าน
โรงสีเพิ่นกะมาจากโครงการพัฒนาศักยภาพหมู่บ้านและชุมชน (SML) ตามแนวปรัชญาเศรษฐกิจพอเพียง ได้งบประมาณมาสองแสนบาท เลยเอามาซื้อโรงสีกับรถบรรทุกข้าว หารับข้าวในหมู่บ้าน กับหมู่บ้านใกล้เคียงเอามาสี




มีการจัดตารางเวรสีข้าว ส่งข้าว เฝ้าโรงสีพ้อมชุดละสี่คนหกเดือนปันผลเถื่อหนึ่งได้คนละสองสามพันบาท พอได้ใช้




พอถามหว่าคือได้น้อยแท้สิพอใช้อยู่บ้อเพิ่นกะตอบหว่า ไคกั่วไปเป็นลูกจ้างให้เขาใช้เล่นอยู่กรุงเทพฯยุ
อย่างน้อยกะได้อยู่กับครอบครัวพร้อมหน้าพร้อมตากัน(ฮึ่ม..จำไว้)ถามดีๆมาย้อนอีก




อดรนทนบ่ไหวกะเลยหย่างไปหาหม่องสงบจิตใจ ย่านอดรังแกคนที่มีกำลังหลายกั่วบ่ได้ ย้อนหว่าเพิ่นมีสี่คน อิอิ:l-
หม่องสงบกะเห็นมีแต่วัดพู้นแล้ว ไปพ้อผู้เฒ่าเดินแถวตอนเรียงหนึ่งมาจังหันยามเช้า เลยเก็บภาพไว้เป็นที่ระลึก แนมหาผุบ่าวผุสาวมาวัดกะบ่เห็นมีมาจักคนซ่ำ สงสัยยังพากันไกลวัดอยู่





หรือหว่าวัดเขามีไว้ให้ผู้เฒ่าผู้แก่วัยไม้ใกล้ฝั่งเข้าไปเป็นที่พึ่งทางใจ ยามร่างกายอ่อนแรงลงกะบ่ฮู้....




พอมาฮอดวัดจังฮู้หว่าคิดผิด คนมาวัดหลายคือกัน มีทั้งเด็กน้อย ผุบ่าวผุสาว แต่ผุเฒ่าสิหลายแหน่จักหน่อย...




ได้มายามบ้านแต่ละเถื่อหนีความวุ่นวายของเมืองใหญ่
มาใช้ชีวิตแบบบ้านนอก โอ๊ะ..ชนบท
กะมีความสุขไปอีกแบบ แม้จะเป็นช่วงเวลาสั้นๆแต่กะอิ่มเอมในหัวใจ ......



ภาพนี้บ่มีหยังดอกคับ แค่สงสัยหว่าต้นงิ้วเป็นแบบนี้บ้อ คนจังพากันผิดศีลข้อกาเมหลายแท้ เป็นย้อนงิ้วบ่มีหนาม..

Submit "ดีใจได้เมือบ้าน" to แชร์ไปที่ Facebook Submit "ดีใจได้เมือบ้าน" to แชร์ไปที่ Twitter Submit "ดีใจได้เมือบ้าน" to แชร์ไปที่ Printerest

แท็ก: ไม่มี แก้ไข Tags คำค้นหา
Categories
Uncategorized

Comments

  1. สัญลักษณ์ของ ชัย หมอแคน
    รถปฏิบัติการเพิ่นเท่ น้อ..คูโบต้าผลิตปิคอัพรุ่นใหม่แล้วตินี่
    เห็นผู้เฒ่า เด็กน้อย ผู้บ่าว ผู้สาวเข้าวัด เฮ็ดบุญ น่าชื่นใจคับ สาธุ...
  2. สัญลักษณ์ของ siranee
    ข้าวสารเหนียว กก.ละ 2 บาทติบอยหรือแม่นหน่อยอ่านผิดหรือจั่งได๋ /// มีความในใจอิหยังกะต้นงิ้วล่ะหว่า
  3. สัญลักษณ์ของ สาวเมืองยศ
    เห็นบรรยากาศแล้วเฮ็ดไห่คึดฮอดบ้านเด้บาดเนี่ย
  4. สัญลักษณ์ของ หนุ่มน้ำยืน
    อ้างถึง กระทู้ต้นฉบับโดยคุณ siranee
    ข้าวสารเหนียว กก.ละ 2 บาทติบอยหรือแม่นหน่อยอ่านผิดหรือจั่งได๋ /// มีความในใจอิหยังกะต้นงิ้วล่ะหว่า
    ข้าวสารเหนียวบ่แม่นกิโลละ 2 บาทดอก เพิ่นลงราคาบ่ทันแล้วคับหน่อย อันต้นงิ้วบ่มีหยังดอกแค่สงสัยซือๆหว่ามันเป็นแบบนี้ยุบ้อ
  5. สัญลักษณ์ของ ไม่สวยแต่เร้าใจ
    เมือบ้านกะบ่ชวนกันเลยเนาะ แม่นมีความหลังฝังใจอิหยังกับต้นงิ้วน้อพ่อใหญ่อันนี้ แต่ว่าพรจองแล้วเด้อต้นงิ้วต้นนี้ หน่วยงิ้งมันดกซั่นดอก จองเอานุ่นไว้ยัดหมอน ยัดเสื่อ เฮ็ดเครื่องสมมาแม่ย่าซั่นดอก เหอ ๆ
  6. สัญลักษณ์ของ หน่อยเบล
    ยายยยยยย ข่อยจองต้นหนึ่งนำเด้อ..ข่อยอยากกินนวยอ่อนๆๆมัน กับตำเหมี่ยงชั่นดอกหว๋า..ฮ่าๆๆ..เอิ๊กๆๆ เจ้าอย่าคิดเด้...
  7. สัญลักษณ์ของ ไก่น้อย
    เห็นรูปผุเฒ่าไปวัดแล้วกะอบอุ่นเนาะจ้า บรรยกาศยุบ้านเฮา พอเพียงแล้วสิพออยู่คือหลวงเพิ่นว่าหละเนาะ


    สักวันฉันจะกลับไปอยู่บ้านจ้า ตอนนิเก็บเงินสร้างเฮือนให้มันแล้วก่อน

Trackbacks

Total Trackbacks 0
Trackback URL: