นู๋น้อย

เนื่องจากเทศกาลกินเจ ที่ผ่านมา มื้อยุมื้อหนึ่งคึดอยากกินเมนูแบบเจๆ ฮ่าๆๆ ความสุขคือการได้พักผ่อนอยู่กับการเฮ็ดแนวกิน

เมนูแรก "แกงเลียงเห็ด"

เห็ดนานาชนิด กะมีเห็ดเข็มทอง เห็ดนางฟ้า เห็ดขอนขาว เผือก และโปรตรีนเกษตร ที่หาซื้อได้ตามร้านขายอาหารแห้งทั่วไป



ผักต่างๆ มีผักตำลึง กับ มะละกอ



เริ่มที่ ค้างหม้อแกง ใส่เผือก ใส่มะละกอ เติมเกลือ กับชูรสพอหม้อเดือด กะใส่เห็ดต่างๆลงไปรอสักครูพอเห็ดสุก ใส่ผงชูรส แล้วกะใส่ผักหอมตู่ซิมรสชาด ก็เป็นอันเสร็จ

แต่รสจะบ่เข้มข้นคือเครื่องแกงเลียงแบบบ่เจ แต่กะแซบยุจ้า

หน้าตาออกมาแบบนี้น้ำใสๆ เสร็จแล้วเมนูแรก



เมนูที่สอง แจ่วพริกอ่อนกับนึ่งเห็ดขอนขาว

สำหรับนึ่งเห็ด ง่ายๆจ้าล้างเห็ดให้สะอาดแล้วกะโรยเกลือนิดหนึ่งแล้วกะคลุกให้เข้ากัน นู๋น้อยมียอดตำลึง หรือผักตำนิน นึ่งใส่นำจ้า แล้วกะนึ่งให้สุก



ต่อมา เป็นแจ่วพริกอ่อน

ซื้อพริกอ่อนจี่ไฟมาแต่ตลาดไม้ละ 5 บาทจ้า ยุบ้านบ่มีเตาจี่ อิอิ

เป็นพริกหวานเผา จั่งบ่เผ็ดแฮงจ้า แล้วกะโยนลงครกเลย



เพื่อความแซบยิ่งขึ้น ใส่เห็ดนึ่งลงไปนิดหน่อย อิอิ



ปรุงรส ด้วยเกลือ และ ผงชูรส และน้ำมะนาว แล้วกะตำๆๆให้เครื่องปรุงเข้ากันดี



สุดท้ายตักใส่ถ้วย แต่งหน้าด้วย ถั่วลิลงป่น แล้วกะ ใบสะนะแหร่ แต่งหน้า ก็เป็นอันเสร็จ



:,1- สำหรับอาหารเย็นชุดนี้ เหมาะสำหรับกินกับข้าวเหนียวร้อนๆ แล้วท่านจะเจริญอาหารเป็นอย่างยิ่ง