ปฐมบท

ปฐมังแต่คราวกี้ เมธีเพิ่นพาว่า
คำผญาแต่งแก้ กลอนกว้างกล่าวแสดง
ยกแถลงคำอ้าง อักษรวางเทียมคู่
หลิงหล่ำดูกล่อมเกลี้ยง บ่เอียงเนิ้งเกิ่งดี
บทกวีกลอนส่อย ความสอยมุขะปาฐก์
ผู้ฉลาดอยากฮู้ ให้ตีแก้โจทย์เอา
จงค่อยเหลาลงเพี้ยง เสมอเพียงเนิ้งอ่อน
ฮอนคำหาญ ฮานบ่อนฮ้าย ลงท้ายให้ค่องคือ นั้นแหลว

สวัสสะดีน้อมในคุณพุทธบาท
ขออย่ามีพยาธิฮ้าย ทั้งหลายท่านให้อยู่ดี
คุณพระศรีไตรแก้ว สามประการให้มาห่อ
คุณแม่พ่อผู้กำเนิดเกิดเลี้ยง มาเฮียงเกล้ากระหม่อมเศียร
คุณครูเพียรสอนซี้ เมธีผู้ฉลาด
ทั้งนักปราชญ์ผู้ฮู้ ให้ซูซ้วนซ่อยตาง
ศรีจักขอกล่าวอ้าง เป็นบ่อนปฐมบท
สองประนมมือนต ขาบถวายพระคุณเจ้า
จับอักษรเทียมเข้า ตางมาลาบูชาท่าน
กล่าวนมัสการ สองมือตางประทีปไต้ เทียนตั้ง กราบขมา
คันใดจาผิดหม่อง ฝืนในคลอง บืนในฮีต
อย่าได้ขีดฮ่อมตาย อย่าได้หงายฮ่อมไข้ จังไฮฮ้อนจงห่างกาย พระเฮย
...................................

มาเด้อพวกพี่น้อง มาหาป่องแปวผญา
ซ่อยฮักษามูลมัง หมู่เฮาอย่ามายม้าง
มาซ่อยกันแปลงส่าง ตามทางวิถีเก่า
ของแนวดีแต่เค้า ให้มาเว้าสืบต่อไป

ป๊าส อีพ่อสีมาม่วนแท้กลอนนี้นางมักแหม๋จ้า ม่วนคักนางขอก๊อบเอาไปเก็บเด้อจ้าอิอิ

ฝากเป็นลูกศิษย์อีกจักคนแน่เด้อครับมักยุครับผญาแต่หั้นแต่งบ่อดเป็นครับ
เอาดอกไม้มาให้วครูผญานำครับ

เข้ามาไหว้ครูนำเด้อจ้า ..ฝากโตเป็นลูกศิษย์แล้วเด้อญาอ้ายศรีรูปหล่อ..อิอิ..

หวัดดีครับ ย้นดีต้อนรับเด้อครับพี่อุ่นมีอหยั่งกะบอกกันแน่เด้อครับผญาครับ

หวัดดีครับ ทุกคนผมกะมาสมัครคือกันครับ รับแหน่เด้อครับเหลือโตนผุตาสองหน่วยแด่เถาะ 555555

สดับกลอนอักษรอ้าง วางคำให้สมมาตร
ผญาวาดแต่งแต้ม แกมท่านผู้ค่องคือ
ซ่อยกันถือ ซ่อยกันสร้าง ในแนวทางอิสานเก่า
ซ่อยกันเว้า ซ๋อยกันแก้ เป็นแพไม้ ผูกไส่กัน
ความเข้มแข๋งสิคงมั่น ความสัมพันธ์ผูกจ่อง
เฮ็ดเอาเด้อ อ้ายเอื้อยน้อง ประคองก้านตางสืบใบ
ยุคสมัยบ่คงที่ ทางได๋ดีให้สืบต่อ ถึงพอศอ สิเปลี่ยนปิ้น อย่าลืมสิ้นสืบสารน์
ตามอาจารย์ผู้ซงซี้ ทิศคำศรี เผิ่นเขียนบอก
อย่าเทียวนอกออกจารีต ให้เกินขีด ผู้เผิ่นสอน
มาขอพรอาจารย์เฒ่า มาขอเอาแนวมันป่อง
มาของตองยอดกล้วย เป็นกลวยตั้ง ยกกรณ์ ขอคาราวะ ท่านอาจารย์ศรีสะท้านครับ

วาสนาคนไกลบ้านจากถิ่นฐานบ้านเคยอยู่
คิดฮอดควายบักตู้เล็บหญ้าอยู่ข้างเถียง
คิดฮอดคนฮักเคยหยอกล้อคู่เคียง
แววยินเสียงคำว่าฮักยังก้องอยู่ในใจ

โฮ..หลงเข้ามาหลายรายแล้วตั๊วนี้ พอดีหละกำลังหาคนเป็นกรรมการผ้าป่าอยู่ เหอ ๆ ๆ มาพี่น้องมา

ไกลขอไห่ไกลต๊ะบ้าน ฮั่วไฮนาสวน ไกลขอไห่ไกลต๊ะมวลหมู่เข่ากับเล้า แต่ว่าวาจาเว้าซุ่มเฮาอย่างได้ห่าง ไปทางเหนือลงทางใต้ถิ่นแดนได๋ไห่ถามข่าว ซุ่มหมู่ฮักกันไว้อย่าไล่ถิ่มหางเหิน .......แมนบ่อ้ายหนุ่มเหงาฯ (มาบ้อกันอีกแล้วน้อ อิอิ)