โอมพุทรักษ์มาโอ้ โอมธัมโมมาอ่วย สังฆังช่วยวาดไว้ มโนตั้งให้เที่ยงตรง เอหิ อินทาพ้อม แถนธรรมอ้ออ่อน อ้อป่องปลายตัดส่วย ผญาช่วยจ่ายจำ เอหิ พรหมาแก้ว สัคคาเทวราช ฮ้องเทิงนาคยุน้ำ มาซ่อยก้ำอะระหัง เอหิ ครูกกเค้า ครูเฒ่าอินแถน ครูปลายแนนเทียวถอง พญาธรเทียมเท่า เอหิ ฤาษีเฒ่า นารอดอินแถลง นารายณ์แฮงคาถา ให้ซ่อยซูเทิงค้ำ เอหิ คำสีหน้าสุชาดาหน้าแว่น เทิงกกแนนปลายเกี้ยวซูกุ้มผญานาง ให้มาทางครูเฒ่า ครูธรรมครูเทศน์ ครูวิเศษเกสแก้วครูธาตุยอดจุฬา ข้าสิเฮียนผญาเจ้าให้ซงจำหมั้นแก่น คือจั่งแว่นส่องหน้าผญาน้อมนึกมโน
ป๊าส น้องสาวอ้ายเผิ่นลักมาหัดผญายุนี้555555 ว่าแม่นเฝ้าคอมมีแต่นั่งแชทแหม๋ เว้าคือยุตั้วหล่ะ 55555555555 เดวสิเป็นกำลังใจให้เด้อ5555555555
คุรุคือจั่งแก้ว ที่ส่องแววมาหลิ่งหล่ำ ให้ลูกศิษย์ซ่อยค้ำ ผญาข้อให้ล่องคอ ไผบ่มีครูเฒ่า แสนสิเว้าคนบ่เซื่อ คือหมากเขือบ่มีหนาม คือหมากขามบ่มีข้อ คือขอลอบ่มีป่อง แม่นสิแขวนฮ้อยฮาว แม่นสิซาวฮ้อยต้อง ตีได้กะบ่ดัง
บ่อนหม่องนี้ พื้นที่ถวายครู ขอบูชาครูคำนับ กาพย์สอนสอนน้อย มีเทิงมาลัยสร้อย พุดพวงดวงดอก เทียนธูปพร่ำ น้ำหอมพร้อมผายประพรม ก่อนที่นางสิอ่านโอ้ ขอโตมาไหว้ก่อน พอเป็นสอนฮีตบ้าน เด้กน้อยได้ย่างนำ สั่นดอก
สาธุเด้อครูเฒ่า ไผตั๋วนางให้เป้นต่าง ผาถะนาตั้งเค้า ครูเฒ่าให้หล่ำแยง ให้มีแสงออกหู ให้มีฮูส่องแจ้ง เห็นใจจ้อยแม่นซุคน แหน่แหม้ ขั้นผุบ่าวสิมาตั๋ว ให้เป้นขัวน้อยๆ พอไต่ได้หลีกไกล เด้อ สาธู อิอิ
มือหนึ่งจีบเบื้องซ้าย ย้ายจีบทางขวา ตาเหลียวมาทางมือยก ย่างนำกลองบั้น เสียงโปงลางขั้น ลายแคนห้าใหญ่ นางสิโอ่ใหม่ๆ เป็นทำนองอุบลบั้น ว่าฟ้าสั่นให้อ่วยลง จั่งว่าฟ้าเอ๊ยฟ้า ฟ้าจ่องทางเวียงจัทน์ โตพะนายนาฏนาง สิโอ่ลำลงฟ้อน บาดกลอนห้า สีนานวลสิม้วนต่อ ขอลาลงท่อนี้ เสียงลี้แสบคอ สั่นดอก 5555
ไผสิมาอ่านโอ้ กลอนโอ่พะนางศรี ให้เหลียวเบิ่งไวไว ให้ตั้งใจดีๆ สิพาพี่ไปสู่สอง นางสิตีกลองน้ำ ซวนชายท้ายหล่ามๆ ซวนบ่าวตีกลองน้ำ ย้อนซ้ำว่าใส่กลอง เป็นทำนองแคนห่าว ลายลำเพลินฟ้อนม่วนๆ บาดทางลงสิได้ยออ้วนๆ ลาอ้ายว่าอ่วยลง ลาอ้ายว่าอ่วยลงๆๆ 555555
มาเป็นชุดเลยน้องนางสุดยอด
ป๊าสส หมอลำเมืองอำนาจ 55555555555 โอ๊ยยยยยยยย หล่ะน้อ 555555555คือซงสิม่วนแท้บาดนี้ เอาอีกนางเอาแบบซิ่งๆนำ ฮ่าๆ
