เว้าจาพาที โสเหล่กันหม่องนี้เด้อพี่น้อง

  1. นายพิณแคน
    นายพิณแคน
    อัศจรรย์ใจกุ้งกุมกินปลาบึกใหญ่ ปลาซิวไล่สวบแข่หนีไปซ่นอยู่ซอกหิน
    ขีดอีโม่ปี๋ปิ้นปีนขึ้นขี่คองู ค-ยบักเลอูทูเฒ่านั่งเซาบ่ไถว่าน
    เป็นตำนานได้เล่าแจ้ง..สิโงโค้งคืนมา....สั่นแล่ว.....พี่น้องเอ๋ย

    (เกือบหาทางลงบ่พ้อ อิอิ)
  2. เขยผู้ไท
    เขยผู้ไท
    ถึงสิเว่าบ่อเก่งแต่กะมักฟังเด้อคับ....
  3. prayoon
    prayoon
    อันว่าคำผญานี้ ผมปอปลาบ่ทันเก่ง จำจากเพลง จำจากลำ ดอกพี่น้องเอามาเว้าสู่ฟัง
    อาศัยซื้อหนังสือมาอ่าน นั่งค้นคว้าอยู่กับบ้าน มาจาต้านสู่หมู่เฮา
    อ่านไปมาพอคล่อง ไล่ทำนองเป็นบาท บาท มันเป็นศาสตร์ศิลป์แท้ อิสานเต้าเพิ่นแต่งมา
    คำเปรียบเปรยเพิ่นฮ้อยไว้ ปานทาง ยาวอาดหลาด ครันเป็นนาเพิ่นกะคาดไว้แล้ว รอเฮานั้นไปหว่านดำ มากันตี้พี่น้อง ลองมาหว่านคนละกำ ลองมาดำคนละมือ สิป่งเขียวดอกนาท่าน
    เถิ่งบัดยามเกี่ยวแล้ว สิพากินเข่าใหม่ หอมปานใด๋กะสิฮู้ อย่าแพงไว้ให้ซอยกัน เด้อพี่น้อง
  4. นู๋น้อย
    นู๋น้อย
    ธุจ้า มารายงานโตฝากเป็นลูกศิษย์นำจักคนแหน่จ้า อิอิ มักฟังผญา เคยฟังจากผุเฒ้าเว้าสู่ฟังแต่น้อยๆ กะอยากหัดเขียนเรียนจำ นำจ้า ฝากลูกศิษย์คนนี้ไว้นำจักคนแหน่เด้อจ้า อาจารย์ศรีและพี่น้องสุคนจ้า
  5. อั๋นจ่อย
    อั๋นจ่อย
    ฝากเนื้อฝากโตเด้อครับ มารายงานโตคับผม
  6. กะแยงนา
    กะแยงนา
    ธุจ้า มารายงานโตคือกันค่ะ เว้าบ่เป็นแต่กะมักอ่านมักฟังจ้าอาศัยอ่านเพิ่นเอา

    เจ้าผู้งามโต่งโหล่ง หลงทางมาให้เอิ้นใส่แนเด้อ
    มาแวะยามแล้ว เอิ้นกินข้าวแนเป็นหยัง
    ให้เจ้าอดสาเว้านำนางผู้เฮียนใหม่ อดสาสั่งสอนไว้พอได้เว้าปากจา แนเด้อจ้า ธุจ้า
กำลังแสดงผล 21 ถึง 26 จากทั้งหมด 26