สวัสดีครับท่านฯ

  1. pcalibration
    pcalibration
    สวัสดีศรีสะท้านปราชญ์อีสานคนบ้านป่า
    บูรพาฯแห่งบ้านมหาท่านค่าควร
    อีกสำนวนชวนชี้บทกวีผญาหย่อย
    มีคำสอยหยอกเย้ามาเว้าสู่กันฟัง
  2. ศรีสะท้าน
    ศรีสะท้าน
    สวัสสะดียอไหว่ ความสำบายมีแก่ท่าน
    ยอผญายกต้าน โวหารเกี้ยวกล่าวไป
    ยอคำไขไลคำเว้า หาเอาหม่องมันม่วน
    ขอเซิญซวนพวกหมู่เจ้า ฮีบมาเข่านั่งฟัง
  3. หญ้านาง
    หญ้านาง
    สวัสสะดีนี้ขอไหว้
    ซุมหมู่ชายเข้ามาใหม่
    คำผญาเชิญหม่อมอ้าย
    จาต้านต่อเติม
  4. pcalibration
    pcalibration
    หว่าสิอดสาหม้างทางเฮือนซานบ้านเก่าเบิ่งเด๊
    เจ้าผุ่ท้ายเป่มเป๋เจ้าผุ่ท้ายเป่มเป้เผิ่นสิเหล่บ่น้อตา
    ผัดแต่เป็นคนมาหญ้านางก่ะสุดแล้ว
    พออยากกลายเป็นแฮ้วเป็นอี่แหล๋วเจิดเสิ่น
    มาบินเวินโตเจ้าเอาเมือให้อี่แม่แยง
  5. นายพิณแคน
    นายพิณแคน
    เห็นว่ามิดจี่หลีเข่ามื้อนี่กะคือเก่า หรือสิพากันฟ้าวเก็บเหมี้ยนเงินคำ
    คือสิอยากแต่นำเรื่องปากเรื่องท้อง กะมีแนซูหม่องอันว่าเรื่องแนวกิน..จั๋งได๋กะไห่ดิ้นไปเด้อ พี่น้องเฮา..(เกือบลงบ่ได้...อิอิ)
  6. หญ้านาง
    หญ้านาง
    ขั้นญาอ้ายเป็นบ้าน นางสิเป็นขื่อขาง
    ขั้นว่าอ้ายเป็นทาง นางสิเป็นเสาไฟฟ้า
    คันอ้ายเป็นปลาน้ำ วังเวินคือนางน้อง
    อ้ายเป็นของแม่น้ำ สิเป็นก้ำตะฝั่งของ....ดอก
  7. pcalibration
    pcalibration
    บ่ให้เป็นเด้อนางขื่อขางมันหนักหน่วง
    ข่างทางหลวงเป็นบ่ได้เสาไฟฟ้าตากฝน
    ขั่นสิเป็นวังวนอ้ายหลูโตนปลาน้อย
    ย้านเขางอยตะฝั่งน้ำบัดเขาข่ามขี่เฮือ...ซั่นแหล๊ว
  8. รอย บุญเรือง
    สวัสดีพี่น้องฮ่วมห้องบ้านมหา สวัสดีพ่อพระยา พ่อมหาศรีสะท้าน
    เทิ้งอาจารย์ทุก-ทุกท่าน อยู่นำกันก้มกราบก่อน
    รอย บุญเรือง มาจากฮ้อนหวังซ่อนม่องซุ่มเย็น
    มาขอเป็นศิษย์สร้างย้อนอยากย่างทางผญา
    มาขอเฮียนวิชาย้อนศิษย์ว่าย้านสูญสิ้น
    แม่นได้ผิ่นบ่เต็มจอก บ่เต็มบวย ขอดก้นแอ่ง
    กะสิสู้จนเบิดแฮง หวังสิส่งเสริมสร้าง อีสานบ้านให้หุ่งเฮือง...พ่อเอ้ย
  9. บดินทร์
    บดินทร์
    สองมือวันทาน้อม ค้อมหัวลงโค้งเข้าใส่
    อาจารย์ ศรีสะท้านว่าจั่งได๋
    พอสิรับเอาท้าวเป็นศิษย์เจ้า ได้ฮวมเฮียนแน่บ่น้อ
    อาจารย์เอ้ยใจอยากเรียนทางนี้ แต่ปัญญาหากมีหน่อย
    ซอยเอาบุญได้บ่ท่าน รับหลานน้อยเข้าฮวมเฮียนแด่ถ่อน
กำลังแสดงผล 1 ถึง 9 จากทั้งหมด 9
Bookmarks