ขอบคุณ ผู้เพิ่น พาจอบหลอยเด้อครับ

  1. บดินทร์
    บดินทร์
    สองมือวันทาไหว้ ควมผญายังบ่หลายขออภัยไห้ท้าวแน่
    มีแต่ใจบ่เคยแว่ มันตั้งเทียงแท้แล่ประสงค์แท้แต่สิเฮียน
    มาวนเวียนอยู่เคียมฮั้ว บ้านมหา อยู่หลายเล่า
    เข้ากะเข้าบ่ได้ สองปีได้ดอกล่วงมา ย่อนปัญญามีน้อย
    เทิงจอบหลอยบ่ทันเก่ง เลยได้นั่งเต้งเซ่ง เทียวจอบเบิ่งเพิ่นเว้า
    ผญาเข้าดอกใส่กัน ตกมามื้อนึ่งนั้น บ่าวคนเดิม ได้มาซอย
    ลาวเก่งทางจอบหลอย (อิอิอิ) เพิ่นได้สอนไห้ท้าวปีนเข้าหน้าต่างเฮือน
    ย่อนว่าใจอยากเฮียนฮู้เลยได้เฮ็ดนำครู ผู้ลาวได้ดอกสอนสั่ง
    ขึ้นบันไดบ่มีหวัง เลยจำเป็นได้จ้าวปีนเข้าหน้าต่างมา
    ฝากความหวัง กับอาจารย์คูสุหน้า ไห้สอนสั่งทางคำกลอน
    ย่อนวาใจอาวรมัก อยากฮำเฮียนผญาไว้ คันเมือไกลไปหน้า
    พอผญายังคงอยู่ บาสิอดสาสู้ปัญญาน้อยสิคอยเฮียนพี่น้องเอ้ย
กำลังแสดงผล 1 ถึง 1 จากทั้งหมด 1