หน้าที่ 1 จากทั้งหมด 10 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 97

หัวข้อ: คึดฮอดน้อง

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    คึดฮอดน้อง

    คึดฮอดน้อง นอนกอดกวมปืน
    นอนเพิงผืน แผ่นภูผากั้น
    เอาจันทร์แจ้ง ดาราเดียระดาษ
    เป็นโอภาสต่างไต้ ไฟฮ้อนท่อนกะบอง

    เอาเสียงหองโหยฮ้อง สัตตามาแทนปี่
    เสียงชะนีฮ่ำฮ้อง มาเป็นฆ้องขลุ่ยซอ
    เอาเสียงอออีอี้ ลำสีเวฬุชาติ
    มาแทนพาทย์สิ่งสะล้อ ซอด้วงที่ด่าวดัง

    เอาเฟือยหนามเป็นม่านกั้ง กันฝั่งไสยาส์
    กันกายายามหนาว หมอกเหมยมายย้อย
    หัวลมวอยหนาวเนื้อ เฟือกายบ่หายส่วง
    ทรมานหลายหลวง กะคือคึดฮอดน้องหลายแท้กว่าสู่แนว


    โอภาส(แสงสว่าง) กะบอง(คบไฟ,ไต้) สัตตา(สัตว์) เวฬุชาติ(ไม้ไผ่) พาทย์(ดนตรี) เหมย(น้ำค้างแข็ง) มาย(คลายออก)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #2
    แบ่งปันความรู้และประสบการณ์ สัญลักษณ์ของ ศรีเวฬุคามมุนี
    วันที่สมัคร
    Aug 2008
    กระทู้
    64
    คือบ่มีหมอลำฝ่ายหญิงต่อเพิ่นอาจารย์ละหั่นนิ
    เอ้า..ว่าไปก่อนซำพลางหมอลำฝ่ายหญิงมาฮอด
    ขอแก้เป็นวาทโคลงจักหน่อย เห็นผญาม่วนๆ ละอดบ่ได้

    คึดฮอดอ้าย แขนก่ายภิงสีนอน
    จิตวอนคิด ห่วงนำชายชู้
    คิดนำ ตู๋หลู่หน้า ชายบาบ่คืนต่าว
    ภูวนัยท้าว เดินด้าวเที่ยวดง ฯ


    ภิงสี=ภิสิ=ฟูก

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    หมอลำฝ่ายญิงตกฮ้าน สงสัยเลาเคียด อิ อิ ซุกค่อยๆหนึ่งกะตกฮ้านว่านี้แมะ...ไหว่ท่วน เบ๊บ! สิ่นเพิงว๊าบเลยแมะ เหอ ๆ ๆ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ไปหาแนวใส่ท้องมาจ้า..กับวัวเถ่าทางได๋บุแชทมากวนแม๋ะ..ฮ่าๆๆ..::)
    มองต่าง..อย่างปลง

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    คึดฮอดน้อง น้อยนาดนงค์ศรี
    มารมาบีฑ์ ต่อตีจำต้อง
    ไลหนห่อง เฮือนโตประเทศต่าง
    ไปเลวเสิกไล่ม้าง ให้มารม้วยหมิ่งมร
    จิตสะท้อน เป็นห่วงดวงสะเหน
    หัวใจเพหวนหา ยามห่างลาไลน้อง
    จิตประคองใจตั้ง ความหวังสิมาฮอด
    คืนไปกอดยอดซู้ ผู้ทนสู้ห่วงหา


    บีฑ์(เบียดเบียน) เลวเสิก(สู้ศึก) หมิ่งมร(สลบ ตาย) สะเหน(เสน่ห์)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    แบ่งปันความรู้และประสบการณ์
    วันที่สมัคร
    May 2007
    กระทู้
    181

    ด้วยความคิดถึงจ๊ะอ้าย


    เป็นแฮงใจให้เด้ออ้าย บ่หวนคลายความเป็นห่วง ยามเบิ่งดวงจันทร์จ้า คิดพ้อหน้าอ้ายบ่เซา
    ฮู้ว่าเหงามื้อไกลหน้า แนมดารามื้อแสงส่อง หยิบมือถือขึ้นมาจ้อง ได้มองซ้ำบิ่งแต่จอ
    ยามได๋น้อพอสิได้ เสียงเติมใจพอให้อุ่น ดึงหมอนหนุนตางแขนอ้าย พอคลายเศร้าเมื่อคิดถึง
    มื้อฟังเพลงซึ้งซึ้ง ความคิดถึงฮอดลิ้นปี่ กราบขอพรความโชคดี ให้จงมีแก่อ้ายซุมภัยร้ายพ่ายห่างหนี
    ขอน้องทำหน้าที่ ส่งถึงพี่ด้วยแรงใจ หากมื้อได๋มีเวลา สองแก้มถ้าอยู่เด้ออ้ายยยยยยย

  7. #7
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433
    อะแฮ้ม มาจอบเล่นน้องสาวผม ตะบะตอนได๋น้อ ลุงเฒ่าคือเฮ็ดแนวนี้น้อบาดหนิ
    โอ๊ยเนาะ มาหาลงมักกันให้ขะน้อยลำบาก เสียวัวน้อย อีกหล่ะน้อหล่ะ หน่ายซุมนี้เด๊
    ฮ่า ๆ ๆ ม่วน ๆ นำกันซื่อ ๆ เด้อลุง ถ้าหลายกว่านี้ มันสิหนีกันบ่ออกเด๊ผมหน่ะ ฮ่า ๆ ๆ

    ::) ::) ::)

    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    โอ๊ยย กะให้จีบแหน่เถาะลุงโจ่โล่ น้องสาวกะดาย ทำซงหวงคือหลาย หวงหลายสิแล่นนำกัน พาหนีซ้ำเด้หละ...ได้ลูกน้อยโซนอุ้มจังต่าวเฮือน...ซ้ำหละ เหอ ๆ


    คึดฮอดน้อง นุททะนาดทางไกล
    สองหัวใจ ผูกพันภายพื้น
    วันคืนคล้อย จาออยอ้อยอิ่น
    บ่อาจผินหน่าลี้ หนีเจ้าจากจร
    คึดอ้อนต้อน นำต่อนสิเหนหา
    บ่อาจลาเลยลับ หล่วงไหลไลม้าง
    บุญผลาสร่าง ปางใดใซ้ซาติ
    สังมาปาดเคิ่งตั้ง บังอ้ายบ่าวพระองค์
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    คึดฮอดน้อง ผู้เคยปากจาดอม
    ผู้เคยหอมหวลฮัก พักพิงใจอ้าย
    หายหนีหน่า บ่หัวซาเตื้องต่อ
    อยากสิเห็นพบพ้อ พอได้เว้าดั่งเดิม
    ตั้งแรกเริ่ม บ่เคยคึดสิเป็นหลาย
    บาดเจ้ามาหนีกลาย ซ่างห่วงหลายปานนั้น
    หรือเจ้าตัดทางสั่น สัมพันธ์ถิ่มปล่อย
    เฮ็ดให้ซายคึดคล้อย คนิงห่อยอยูหวั่งเว

    อธิบายศัพท์/ความหมายในกลอนนี้

    ดอม(ด้วย) หน่า(หน้า) หัวซา(สนใจ) เตื้องต่อ(เอื้ออาทร) เป็นหลาย(เป็นเอามาก) สั่น(สั้น) คึดคล้อย(คิดท้อถอย,หดหู่) คนิงห่อย(คนึงห้อย=คิดถึงถึงไม่หาย) หวั่งเว(ว้าเหว่,เคว้งคว้าง)
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  10. #10
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    คิดฮอดอ้ายยามกินข้าวคลุกกะปิ
    มิดจี่ลี่เสียงตอบอ้ายยามห่วงหา
    ยิ่งกินข้าวคลุกกะปิเคล้าน้ำตา
    อยากบอกว่ากลิ่นกะปิแรงถึงใจ
    ::)
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

หน้าที่ 1 จากทั้งหมด 10 หน้า 123 ... หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •