.....ไผคนนั้นเป็นอ้ายได้บ่.....

**น้องแพรจ้า** · 08-12-2008, 21:04

ไผสิเป็นอ้ายคนนั้น แม่นไผกันสิยิ้มส่ง ไผสิคงฮักหมั่น ไผคนนั้นเป็นคู่ใจ

ย่านแต่ฝากคำรมณ์ไว้ แต่หัวใจบ่ฝากส่ง ถ้าตกลงคิดฮอดเจ้า สิไปเว้าอยู่บ่อนได๋

วาสนามานั่งให้ ย่อนว่าใจคิดฮอดพี่ คารมณ์ฟรีมากล่าวเว้า ตั๋วเขาแล้วสิลักหนี.....บ่น้ออ้าย

บ่ปากหลายอยากอายเว้า ย่านหลงเยาคำเอื้อนเอ่ย อยากเป็นเขยอิแม่น้อง มาลองเว้่าเข้าไส่กัน เบิ่งแน่เด้อจ้า

**หนุ่มเหงาคนไกลบ้าน** · 09-12-2008, 16:20

บ่อใด่ตี๋แถลงเว่าให้นางน้องนั่นคิดนำ
ย้านแต่อ้ายชอกช้ำย้านนางบ่อแลเหลียว
แอบมองน้องอยูผู้เดี่ยวอยากซิเกี่ยวกะบ่อกล้า
วาสนาพอซ้ำนี่ขอมีน้องเก็บไว้ในใจกะพอ....ซั่นแหล๋ว::)::)

Tiddang · 12-12-2008, 16:54

อ้ายนี้... เปรียบดังคนเดินดงดั้น ดันดงหลงป่า... นี้แล้ว
เห็นศาลา สง่าตั้ง เทิงน้ำแอ่งเย็น เห็นแต่คนกรายเข้าเซามีแฮง
กินน้ำแอ่ง อ้ายทิดแดงพออยากเข้า เซาหยั่งนั่งนำ..นี้แล้ว
ว่าแต่แพรฝ่ายก้ำ..ยินดีนำโตอ้ายบ่ ขอเป็นหยังกะได๋ในใจเจ้าบ่ว่าเลย...นี้แล่ว

**บ่าวโจ่โล่** · 12-03-2009, 17:59

คิดฮอดไผทางได๋หล่า ชานชาลาหัวใจพี่ เต็มวจีแนวอยากเว้า คิดนำเจ้าอยู่ดั่งกัน

คอยเติมฝันหัวใจชื่น พาอ้ายตื่นจากความเหงา คิดบ่เซาดอกนำเธอ คิดเห็นเด้อทุกแลงเช้า

ขอเป็นเงาได้บ่หล่า ขอเป็นผ้ายามอยากห่ม ขอเป็นลมพัดไกล้ ไกล้ ไล่ยามฮ้อน มื้อฮ่อนฮน

อยากเป็นคนผู้ได๋นั้น ร่วมสร้างฝันกันได้บ่ แนวได๋น้อเส้นแบ่งเจ้า ให้ลองเว้าเบิ่งแน่เด้อ

::)

**ติ๊กต็อค** · 13-03-2009, 17:46

อะปิ๊ดดดดดดด อะิปึ๊ดดดดดดดดดด น้องแพรคนเก่ง :g :g

อั่นผุอยู่ข้างเทิงแหมะ อย่าออกหน้าหลายเด้อเจ้า

**บ่าวโจ่โล่** · 13-03-2009, 19:11

ฮ่า ๆ ๆ โอ๊ยเนาะ น้องติ๊กกะดาย เว้าเล่นเว้าหัว นำน้องมันไปซื่อ ๆ ดอกเว่ย

อย่าสุมาหาซูน คำนั้น คำนี้หลาย เนาะ หมึนนนนนนน คนเว่ย

::)

**ศรีสะท้าน** · 13-03-2009, 19:33

แพรเอ้ยแพรในมื้องานบ่หาญเว้า ย้อนคาเมาหัวสุบเกิบ
ย่างตำเทิบหม่องฮ้าน ซานฮั้วเพิ่นซะซาย
คึดอยากอายยามงานแล้ว ฟังเขาแซวเป็นตาหน่าย
เถ่าสิตาย ไปหยอกสาวส่ำน้อย ความเขาป้อยว่าพี่ศรี แมะ..น้องแพร อิ อิ

**แมวเหมียวพลัดถิ่น** · 13-03-2009, 20:35

ขอให้สมหวังเด้อค่ะ เซียร์

**บักหล่าลูกกก** · 14-03-2009, 14:15

น้องสาวส่าบ้านมหา สาวแพรวาน้องคนงาม
คำเว่าตามทุกกระทู้ ไผกะฮู้ว่าม่วนหลาย
คำผญาเพิ่นมาจ่าย หมู่ผุซายแล่นหุ้มตุ้ม
เทิงหนุ่ม(หนุ่มนี่ข้าน้อยเด้อ)เฒ่า(เฒ่าผุได๋สิรับเอากะรับให้มันตามสมควรเนาะครับ)เข้าซ่อยตอม
เทิงหนุ่มเฒ่าเข้าซ่อยตอม

จั๊กว่ามาด้วยใจพร้อม หือใจซอมล่อผุบ่าว
จั๊กใจผ่อยหนวดปลาค่าว หรือใจข่าวลากคันไถ (น้อ)

เหลียแต่มีผุบ่าวไกล้ กลอนแต่งไว้ให้ผุอื่น
ซุมเฮาตื่นแตกอื้อ เฮ็ดซื่อบื้อฮับเอากลอน (หน้าด้านไว้ก่อนล่ะเนาะครับ)

(เฮ็ดโตน้อย ๆ ย่านเพิ่นเคียด)

**บ่าวโจ่โล่** · 20-05-2009, 23:47

พ้อหล่ะไป่ไผคนนั้น คนในฝันที่คิดต่อ เห็นแล้วบ้อผู้อยากเว้า คำจาเจ้าซ่างมิดหู

อยากถามดูทางใจน้อง ไผมาจองแล้วหล่ะไป่ คนอาศัยหากแม่นว่าง ขอจองบ้างอีกหนึ่งคน

ได้หลง-วน-ได้หลงเว้า มื้อได๋เหงาบอกอ้ายแน่ หากแม่นเขาบ่แคร์ ผู้เหลียวแลสิแม่นอ้าย เห็นขี้ฮ่ายกะฮักเป็น (อยู่เด้เนาะ)

แสงตะเว็นยังส่องฟ้า กลางนภามีฝนฮ่ำ เปรียบดั่งคำว่าฮักเจ้า กะยังเว้าอยู่ดั่งเดิม (นางเอ๊ย)

มื้อเปิดเทอมหัวใจว่าง ขอแต่หว่างได้ศึกษา ปริญญาความจริงใจ ขออภัยย่านเป็นพี่

เรื่องดีกรีบ่มีต้ม เกียรติยมความสัตย์ซื่อ อ้ายขอถือคำฮักเจ้า สอบพันเท่าบ่ตื่นเด้อ น้องหล่าเอ๊ย

"ป๊าาาาาาาาาาาด โธ้้ มะคือกะด้อ กะเดื้อแท้เนาะ ผมกะดาย ฮ่า ๆ ๆ เว้าเล่นซื่อ ๆ ดอกคร๊าบ"