สลัก-เหลาฮูบน้อง ฮองแนบภายใน
จิต-อาลัยหวนหา ผ่านทิวาวารมื้อ
สนิท-คือเคยหมั้น บุพเพสันฯปางก่อน
ใจ-คะนิงเค่งข่อน ฮมฮ้อนบ่ห่างหาย
สลัก-เอาฮูบอ้าย ภายพาบเพียงสอง
จิต-ผยองสำหาวหาญ กอร์ปการเอาอ้าง
สนิท-นอนนำข่าง มิหอนวางดายเปล่า
ใจ-ประสงค์สิ่งเจ้า จวนแจ้งจอบจา
สลัก-ฮูบดอกฟ้าน้าวง่า ลงดิน
จิต-ถวิลรัญจวน แม่นบ่ควรทวนซ้ำ
สนิท-นำกรรมแท้ ผันแปรปี้นต่าว
ใจ-พี่ซายปวดฮ้าว ซาวฟ้าง่าบ่เถิง
คะนิง(คำนึง,คิดถึง) / เค่งข่อน(สำนวน:บีบคั้น) / ฮมฮ้อน(รม,รุมร้อน) / พาบ(ด้วยกัน,ทีเดียวกัน,ครั้งเดียวกัน) / มิหอน(ไม่อาจ) / ดาย(ปะปล่อย,ทิ้งไป) / จอบจา(แอบพูดคุย) / ง่า(กิ่ง) / ปี้นต่าว(พลิกกลับ) / ซาว(คว้า)
Bookmarks