สลัก-กลอนอักษรตั้ง อักขะรังขึ้นมากล่าว
จิต-กระสันหน่วงน้าว ผยองห่าวว่าความ
สนิท-ในแนบร่วม เฮียงฮ่วมละออศรี
ใจ-พี่ชายหวังดี ดั่งเดิมดาเค้า
หมายถนอมฮอมเข่า เนาว์นำประจำฮ่วม ดินบ่หงาย ทรายบ่ถ่วม สิหมายร่วมฮ่วมพระนาง
สลัก-กลอนอักษรตั้ง อักขะรังขึ้นมากล่าว
จิต-กระสันหน่วงน้าว ผยองห่าวว่าความ
สนิท-ในแนบร่วม เฮียงฮ่วมละออศรี
ใจ-พี่ชายหวังดี ดั่งเดิมดาเค้า
หมายถนอมฮอมเข่า เนาว์นำประจำฮ่วม ดินบ่หงาย ทรายบ่ถ่วม สิหมายร่วมฮ่วมพระนาง
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
อ้ายๆๆ..อั่น..ดินบ่หงาย ทรายบ่ถ่วม ..นี่..แปลว่า..tay..ติจ้า..หือได๋..นางแปลถืกบ่อจ้า..
มองต่าง..อย่างปลง
อ้างถึง:อ้ายๆๆ..อั่น..ดินบ่หงาย ทรายบ่ถ่วม ..นี่..แปลว่า..tay..ติจ้า..หือได๋..นางแปลถืกบ่อจ้า ..
อ่า...คุณผู้อ่านที่เคารพครับ ประโยคที่ว่านี้ เป็นสำนวนทำนองว่า ฟ้าบ่ถล่มดินบ่ทลาย บ่เกิดแผ่นดินไหวแบบประเทศญี่ปุ่น อะหนา เอาง่ายๆคือหมายความว่า บ่มีเหตุการณ์พลิกผันใหญ่โตเกิดขึ้นหั่นหนา บ่แม่นหมายถึงตาย..เย้ว เริ่มสิซังขึ้นมาเพิ่มอีกคนแล้วหละ ซุมผู้ฟังขี้ส่อนี้แมะ ฮึ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
..........สลัก - ในหัวใจน้อง ถูกอ้ายจองคำฮักไส่
..........จิต - หวั่นไหวแต่มื้อนั้น ได้ฝันพ้อแต่ผู้เดียว
..........สนิท - นานบ่หานเลี้ยว คืออ้ายเกี่ยววฮักมาดึง
..........ใจ - คิดถึงบ่เคยหาย ย่านแม่นตายจั่งลืมได้
..........ใจ - บ่คลายคำฮักหมั่น บ่ไหวหวั่นปันสำรอง
..........สนิท - สนอง สำนวนนึก สนุกนำ คำฮักอ้าย
..........จิต - ที่หมายกายคงหมั่น ใจที่ฝัน นั่นแม่นคัก
..........สลัก - เอาคำฮักอ้าย สิหมายมั่น บ่หวั่นไหว เด้อจ้าอ้าย
.......... ::)..........
บู๊ย คารมคุณน้องแพรแมะ มาคักแท้ สุดยอดเลย บ่คือซุมข้างฮ้านนี้ดอก ย่างเลาะฮ่วยๆ ตาส่มตาหวานใส่ผู้บ่าวว่าสั่น อึดเวียกหลาย อิ อิ อิ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
สลัก-กลอน อักษรตั้ง โวหังวาทีวาท
จิต-สวาทโศกเศร่า นำเจ้าอยู่บ่วาย
สนิท-หลาย เกินก้ำ นำเธอจนเผลอล่วง
ใจ-ห่วงหวงล่วงดื้อ ถือแท้แต่ผู้เดียว
สลัก-คำ กาพย์เกี้ยว เอินหยอกหย่ายคำ
จิต-ถลำลำพอง จ่องดึงโดยดื้อ
สนิท-คือ เคยหมั่น สัมพันธ์แต่ปางก่อน
ใจ-พี่ซายฮุ่มฮ้อน โฮมเฮ้าฮ่ำฮอน แท้หนอฯ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
สลัก-วาดส่งเว่า ฤทัยเข้าแนบส่ง
จิต -ประสงค์เอ่ยอ้าง สู่ข้างหว่างพี่ซาย
สนิท -หน่วงบ่หาย ฮ่อนฮนในมโน
ใจ -จ่องจั่นอ่าวโอ้ นำอ้ายซายคนเดิม
สลัก -อ้อนวอนเว่า นำเจ้าพอใจส่วง
จิต -คอยห่วงคะนิงเนา จนนั่งเศร่าเหงาหงอย
สนิท -นำคำออย อ้ายคอยเพียรฝากส่ง
ใจ - ที่หลงคองถ่า ผะลาอ้ายให้ม่ายมา..แน่ะเด้อ
มองต่าง..อย่างปลง
เข้ามาอ่านบ่อหาญเว้า
ควมฮู้เฮาบ่อเถิงหว่าง
มานั่งฟังอาจารย์เผิ่นกล่าวแก้
สะออนแท้ได้อ่านทวน
แก้ไขครั้งสุดท้ายโดย ทิดจ่อย; 26-07-2011 at 16:43.
สุดยอดกลอนผญา เลยจ้าหลานศรีจ๋า อาจารย์
ป้าก็เข้ามาอ่านๆหลายเที่ยวแล้ว แต่ก็ยังบอกล้าเว้านำย้านไปบอเป็น อิอิอิ
สลักจิตสถิตหมั่น สลักวันในใจจือ
สลักฮักไว้สุมื่อ ยังถือหมั่นบอสั่นคลอน
สลักคอนสมรแม่ง ฮักและแพงบอแหนงหน่าย
สลักใจเอาไว้แอ้ม บอแฮมฮ้างดอกห่างดวง อีหลีบอน้อ
Bookmarks