ผญา หยอกสาว

[โป้ยก่าย]

คิดฮอดน้องมโนในหนักหน่วง
คิดนำดวงดอกไม้เคยได้เว้าต่อกัน
จิตกระสันต์แสนเศร้าโศกากลั่นโศก
โรคหัวใจคิดฮอดน้องบ่มีมื่อสิซ่วงหาย
ผัดแต่น้องพรากอ้ายนอนเสื่อคือนอนหนาม
ฮอดยามกินยามนอนคิดเห็นบ่มีแล้ว
แนวว่าไกลกันเยิ่นไกลกันแสนย่าน
ปานใด๋น้อสิได้พ้อหน้าน้องคองถ้าย่านเปล่าดาย นางเอ้ย

[ศรีสะท้าน]

ใจประสงค์ส่องแก้วแววแว่นแสนใส
อยากเห็นในนวลนางผ่างสะเหนเนานั้น
จิตอยากฝันเฝือฝั่นสัมพันธ์เฮียงฮ่วม
อ้ายอยากขอพาดข่วมกวมต้ายก่ายสะพาน

อิ อิ อิ...ทอดสะพานให้แหน่...อิ อิ อิ

หมายเหตุ ต้าย : รั้ว หรือกำแพง

[sompoi]

อกสะอื้นฝืนกลั้นใจรำพันอยู่บ่อส่วง
คิดพ้อดวงดอกซ้อนแมงภู่ตอมอยู่บ่อเซา
อดแท้เด้ใจเจ้าให้เซาสาอย่าได่ห่วง
มันอ่าวโอ้อยู่ในทรวงบุญบ่อพ่วงดอกสมเพิ่น..อ้ายเอ้ย

[โป้ยก่าย]

คันมีขัวก่วยข่วมอ้ายสิท่องเทียวหา
สายธารานทีหลวงหากกว้งไกลเอาฮ้าย
คันสิพายเฮือข่วมพัดมาคาเกาะแก่ง
ย่านแต่เฮือปั่นปี้นพาหล่มอยู่เคิ่งวัง หล้าเอ้ย

[ศรีสะท้าน]

ส้มป่อย : อกสะอื้นฝืนกลั้นใจรำพันอยู่บ่อส่วง
คิดพ้อดวงดอกซ้อนแมงภู่ตอมอยู่บ่อเซา
อดแท้เด้ใจเจ้าให้เซาสาอย่าได่ห่วง
มันอ่าวโอ้อยู่ในทรวงบุญบ่อพ่วงดอกสมเพิ่น..อ้ายเอ้ย

..ตี้ แนวนั้นบ้อ โอ่ เออ เอ้อ เนาะ อือ เหรอออ ฮ่า ๆ ๆ

[sompoi]

ฮื่อออ..ห่วยย หึยยยย...;D

[ศรีสะท้าน]

โป๊ยเอ๊ย ระวังเฮือพาหล่มจมวังกระแสใหญ่
ผัดสิได้นั่งไห้งอยไม้แม่กระโดง
แนวว่าโขงไหลเชี่ยวทางเที่ยวมันแสนยาก
มันลำบากบาดท้ายพายได้กะบ่แกน แท้แหลว

[โป้ยก่าย]

แม่น้ำกลั้นภูเขาแสนย่านกะตามถ่อน
ทะเลกว้างต่อกว้างสิดุดั้นท่องเถิง
สุดขอบฟ้าขอบเขตเขาเขียว
ไกลแสนไกลอ้ายสินำหาน้อง นางเอ้ย

[หนุ่มนาจาน]

หล่านางเอ้ย เจ้าศักดิ์ซ่ำซ้าง อ้ายนั้นค่าเพียงแมว เจ้านั้นแนวนามหงษ์ อ้ายนั้นแนวนามแฮ้ง
เจ้านั้นแสงสุรีย์รุ่ง สูงเกินเหนือเมฆ อ้ายนั้นเซื้อหิงห้อย แสงด้อยรัศมี อ้ายนั้นบ่วงจิบจี้
เจ้านั้นบ่วงทองคำ ฮำนั้นเพียงเจียหมู อย่างหลายกะเจียม้า ซั้นแหล่ว นางเอ้ย

[หนุ่มนาจาน]

เอื้อย ส่มปอย เอ้ย ยังสุขขีหมั่นฝันดีอยู่หรือบ่
หรือแม่นคาแต่หว่งแฟน หรือแม่นคาแต่ห่วงซู้
หลับได้กะบ่ลง น้อเอื้อยเอ้ย.......

อิอิ แซวเล่นเด้อครับเอื้อย