ผญา..จีบสาว

[บ่าวสายฟ้า]

มรดกอีสาน
นางเอ้ย คาดแต่แทนแนแต่ฟ้า พ้อกันมาคือตาน่างแท้น้อ วางกะวางบ่ได่แสนสิเว้นกะบ่ปาน ซั่นแล้วนางเอ้ย

[บ่าวเต็งคนโก้]

" ข่อยมันเเนวชาติเชื่อ บักหอยนามันหน้าต่ำ
มันบ่สมชาติเชื่อเเนวไม้เเก่นขยูง
อ้ายมันเชื่อไม้เเก่นขาม บ่สมฮาวไม้ดู่
บ่สมไม้เเก่นคู่ บ่สมไม้เเก่นจันท์ "

อ้ายบ่เห็นหน่าเจ้า เห็นหลังคากะพออยู่ เห็นกางเกงในตากไว่ อ้ายนั่นกะแล่วแลง นางเอ้ย

[บ่าวสายฟ้า]

บ๊ะคือสิได่หมู่แล้ว ข้าน้อยบาดนิ

[หญ้านาง]

อ้ายเอ๊ย ...ขั้นฟืมบ่สมฝ้ายทางได๋สิได้ต่ำ
หน้าบ่ก่ำพ้อแต่แป้งทางสิแล้งขาดแฟน...กะมีได๋
สังสิคือเครือบ่สมไม้
สังสิคือไฟบ่สมถ่าน
สังสิปานบ่าวอ้าย
มาหม่ายแล้วว่าบ่สม..แท้น้อจ้าบาดนี้.....อิอิ

[chudhancock]

อ้ายเอ๋ยน่องนี่น๋า เปรียบคือข้าว
น้อหมากกล้า บอสมนาขี้ดินหล่ม
บอสมนาท่งเจ้า แมนดำได้กะบองาม
ดอกอ้ายเอ้ย?

[chudhancock]

ซาติว่าแนวดอกบั๊กแบ้ หากินแต่ยามค่ำ
ลักกินยอดบักเขือ ลัดกินเครือหมากโต้น
กินเรื่อยอยู่บอถอย กินไปเบิ๊ดเทิ้งกล้วยอ้อย
หลอยกินเอาจนอิ่ม หาหม่นซิมแต่ยอดแท้
กินอิ่มแล้วผัดเล่าหนีแท้น้อ

[พลายแก้ว]

หล่านางเอย...
คันว่าได้กินแล้ว เป็นแนวได๋กะตามซ่าง
กินให้เหมิดคุอย่าง เทิงซ้างเสือเคลือไม้ ซัดให้เกลี้ยงบ่ให้ยัง
สิเว้าหยังกล้วยอ้อย ของอร่อยหวานถูกปาก
กินฮอดฮากพุ้นแหล่ว แต่ว่าแข่วหากบ่มี..หย่ำให้แน่ ฮ่าๆๆๆๆ

[chudhancock]

อิอิอิอิ โอ๋ยน้ออ้ายเอ้ย
คือกินจนมอดเมี้ยน
กินจนเตียนเอาสุอย่าง
กินฮอดเสือฮอดซ้าง
ได้ฟังแล้วให้หวั่นกลัว
กินหมากถั่วเทิ้งหมากแข้ง
กินบักแตงกำพวมใหญ่
กินเทิ้งใบแหละเทิ้งฮาก
จังแมนอยากแต่สิกินแท้น้อ
อิอิอิอิอิ อั่นแข่วบอมีกะดาย

[pcalibration]

อ้ายคือไซหลังหล่า นาเทิงบ่เถิงหลี่
มีแต่ซิวขี่ก้าง ฟางปุ้มกุ่มขี่ฝอย
กุ้งบ่ลอยหอยบ่เต้น นกกระเต็นสิตายห่า
คอยแต่ฝนบัดหล่า ฝนบ่มาแห่งแหง๋แก่
เหลือแต่หลักสักแก๊แด้ นกแต่ดแต้ก่ะบ่งอย
กุ้งฝอยมาลอยน้ำตื้นไปฮักคนอื่นหาหล่ะเชิญหาหล่ะเสิ่น
:em01)

[จำปา]

อ้ายเอ่ย...ขั่นแม่นใจประสงค์ซ้อน ให้เอามอนมาป้อนไหม
ใจประสงค์อยากได้ ให้ไหมเจ้าได่ก่อฮัง
ขั่นแม่นอยากนั่งเวียงวัง เจ้าอย่านั่งท่าเสย..เด้ออ้ายเอ้ย