ปีนี้สงกรานต์พี่น้องทางบ้านก็ได้รดน้ำขอพรจากแม่เหมือนเช่นทุกปีและปีนี้ก็เป็นปีที่สิบเจ็ดที่ไม่ได้ไปร่วมงานอีกแล้วแต่สิ่งนึงที่ทำคือจะให้แม่และพี่น้องทำสังฆทานมีต้นผ้าป่าเล็กๆไปถวายวัดเสมอ ปีนี้ลูกหลานกลับไปไม่หมดด้วยมีเหตหลายอย่างก็ขอบพระคุณแม่ที่เลี้ยงลูกทั้งเก้าคนให้เป็นคนดีขอให้แม่มีอายุมั่นขัวญยืนเป็นร่มโพธิ์ร่มไทรให้ลูกๆหลานเหลนตลอดไป"เพื่อแม่แพ้บ่ได้"พิเศษเด้อปีนี้ได้เอารูปเฒ่าแม่ ลงเวปบ้านมหานำเพิ่นเด้อ
รวมญาติถ่ารวมหมดบ่มีหม่องสินั่งจ้า
อ้ายชายกะพากันเตรียมขอสมมาแม่
คิดฮอดเฒ่าแม่ลูกชายหล่าน้ำตารินอยู่ทางไกลพี้หละ
แล้วกะพากันรดน้ำขอพรแม่ พรใดกะบ่ประเสริฐชำพรพ่อพรแม่
สิ่งเดียวที่ยึดเหนี่ยวจิตใจลูกหลาน
แม่ทีเลี้ยงลูกด้วยคำเว้าบ่เคยตีลูกจักเทื่อ
พากันอยู่ดีมีแฮงกะย้อนพระคุณของแม่
ให้อายุยืนยาวได้เห็นลูกเห็นหลานเติบใหญ่เด้อเฒ่าแม่
เพื่อแม่แพ้บ่ได้ มือเหี่ยวๆใส่เกิบแตะคนละข้างนี่หละเลี้ยงลูกกำพร้าน้อยทั้งเก้าจนได้ดิบได้ดีน้อแม่เจ้ากะดาย
ผ้าป่าน้อยแห่ไปถวายวัด อ้ายข่อยแม่นเซ หรือโบกทางน้อนั่น
หมู่ผู้เฒ่าไปจังหันกะร่วมต่อยอดกันคนละเล็กละหน่อย
ร่วมจิตร่วมใจถวาย แม่ พี่เขย เอื้อย น้อง
ตอนนี้วัดเพิ่นกำลังพัฒนายกเสาศาลาแล้วกะเฮ็ดซุ้มประตูโขงใหม่
ศาลาเพิ่นกะใหญ่คักเสาห้าสิบต้นตอนบวชเณรถูพื้นโดนกว่าสิเสร็จ
หมูพ่อใหญ่แม่ใหญ่เพิ่นกะมาเอาบุญนำ
พระอาจารย์เพิ่นกะให้ศีลให้พรแล้วเพิ่นกะสินำทุนทรัพย์ไปพัฒนาวัดใว้ให้ลูกให้หลานสืบต่อไป
เข้าพรรษาจังมาเฮ็ดอีกเนาะแม่เนาะ สมกับหมู่เฮาใหญ่มาย้อนข้าวก้นบาตรเพิ่น
Bookmarks