... อยากบอกว่าอ้ายฮักเธอ ...

[เขมราฐ]

คือมีแต่ผู้จ่ายผญาม่วน ๆ แท้ล่ะ มาอ่านแล้วใจละลายปานขี้ผึ้งแล้ว อิอิ
แต่ว่าอ้ายเอ๋เลาสิบอกแม่บักหล่า อีกเทื่อติค่ะ ว่าอ้ายฮักเธอ 55++

[ลาวสวิส]

มักอ่านหลายจ้า จะแม้นขะเจ้าโต้ผญากันม่วนคัก ผู้ข้ากะจากแต่งผญาเป็นคือขะเจ้าฮ้ายนี้ แต่ความฮู้ความสามารถ ไปบ่ฮอดจอดพ้อกะเถินอยู่จังซี้ละ....

[ต่าย]

:heart:..:heart:...:heart:...:heart:

คำน้ำอ้อยเพิ้นว่าหวาน..ยังบ่ปานหวานคำอ้าย

หลอมละลายใจผู้สาว...ย้อนอ้ายบ่าวมาซมซู้

ฟังคำครูบ่เคยจำ...คึดฮอดนำแต่คำอ้าย

เห็นคนหลายบ่เคยลี้...สบตาพี่นางกลับเขิน

อายสะเทิ้นเพียงได้พ้อ...ยามใด๋น้อจั้งสิซ่วง

ควงหมัดใจใส่ผู้บ่าว....มาถึงคราวโดนหมัดอ้าย..สิตายแท้คือจั้งว่า..น้ออ้าย
..............:em01)

[ศรีสะท้าน]

โอนอหล่วย อรทวยน้องต่วย
โอ๊ะ โอนอหล่าคำวาจาน้องต่าย
เฮ็ดให่คนผู้ฮ้าย คืออ้ายฮอดบ่อนอาย
เว้าความหลาย ยายความกว้างเป็นคือลวงนาคราช
ยาวอาดหลาดสอดซ้อน หงอนซี้ส่งเศียร
เทียวแต่เวียนบู๋หม่น สาระวนเวียนฝั่ง
กระแสทั่งถาบพื้น นทีต้องส่องบ่เห็น แท้แหลว

[sompoi]

วาสนาบ่เคียงอ้าย สิชาติได๋บ่ปรารถนา
ชินซาตาบ่ส่งย้าย ซายอ้ายบ่หล่ำแล...อ้ายเอ้ย

บุ๋ยย คึดฮอดด้ออญาอ้าย

[ตะวันนา]

ฟังเห็นความชายเว่า.....ว่าเจ้าฮักเหลือหลาย

เขียนบรรยายลายอักษร......เป็นกลอนวอนเว้า

เป็นจั่งเงาอ้ายอยู่ข้าง......บ่หวนห่างคือทางไกล

เสียงใส..ใสกระซิบหู........ว่าโฉมตรู ?อ้ายฮักเจ้า?

หมู่เมฆขาวอยู่เทิงฟ้า.......ฝากวาจานางคืนส่ง...นำแหน่เด้อ

ฮักเสมอในใจน้อง....ส่งไปหาทางอ้าย.....เขียนฝากไว้อยู่สู่วัน..แท้แล้ววววว พี่เอ้ยยย